س ح م ؟؟ يا تري يعني ايه



س ح م عنوان جديد لاشتغاله جديده ويمكن

دي اصعب اشتغاله عليا عشان فيها ارواح

ناس وحياة بشر راحت هدر وزي ماعودناكم

معانا هنكشف كل الحركات وهنقول علي كل

لاشتغلات وندخل بقي في موضوعنا


س ح م ؟؟؟

ياتري يعني سكه السلامه


ولا سكه الندامه


ولا السكه الي تروح فيها ومترجعش


يا تري حياتنا رخيصه اوي


يا تري حوادث القطار مش مسئوليه حد يا

تري مين السبب في كده

مسئول منفض ولا موظف نايم ولا مواطن

غلبان ركب القطار وسبها علي الله ؟

مين يتسأل ومين مسئول يعني ارواح الناس

دي رخيصه !


كام حادث راح فيها ارواح ناس بريئه

ومحدش قلنا مين المسؤل

قطار الصعيد يتقلب ويموت ناس جواه وناس

ملهاش ذنب برئيه كل ذنبها انها توكلت على

الله

ومحدش يعرف مين السبب ولا مين اهمل

خلى ده حصل ليه في بلدنا دي ارواح الناس

رخيصه ليه محدش يتحاسب غير الموظف

الغلبان اذا كان سواق ولا عامل التحويله ولا

يمكن بكرا يحاسبو المواطن انو ركب القطار

من الاول

حادث حصل في اسكندريه وبردو محدش

عرف ايه الي حصل ولا مين السبب ولا ايه

ذنب الناس الي ماتت


والاهالي الي حزنت على فراق اغلى ما ليها

علي طول بسئل نفسي ليه كده مين مسئول

يا ترى مين اللى يتحاسب و الغلط عند مين

ويا تري الغلط ان مفيش رقابه ولا مفيش

دعم لصيانه القطارات دي ولا مفيش حد

فارق عندو حد و اللي يموت يموت والي

يعيش يعيش يعني خلاص اروحنا رخصت

اوي كده خلاص مبقاش ليها تمن !!!


و ادي اخر حادث حادث قطار العياط

ايه وايه وايه ياتري تاني مين مسئول ياتري

هيقولوا عامل التحويله ولا السواق ولا يمكن

المواطن غلطان انو ركب من الاول بس

هنقول ايه تعدت الاسباب والموت في حادث

قطار واحد

سؤال بقي بيطرح نفسه بجد مين مسئول

ومين اللى المفروض فى الوقت دا يتحاسب ؟

؟ ؟ ؟


انا مش عارفه بس هشوف بقي الناس الي

المفروض عارفه الساده الكرام اعضاء

مجلس الشعب

احنا طبعا مش هنتكلم علي اعضاء مجلس

الشعب كلهم هناخد منهم الي يهمنا بس وهما

الساده اعضاء هيئه النقل والموصلات

قشطه كده هما دول الي اتلمو مع بعض وقالوا تعالو بينا نسأل الباشا وزير النقل يا

تري يا معالي الوزير مين السبب حضرتك ؟؟

سؤء صيانه القطارات ولا السكه الحديديه الي

عاوزه كلها تتصلح والي رفعت نسبه

الحوادث

ولا نص القطارات المستخدمه اللى حتي

لاتصلح لنقل العفش عشان تبقى كفيله انها

تنقل البشر ؟

مين السبب ومين الغلطان سؤال محدش

عارف ليه اجابه بس ياتري الناس الي ماتت

ديهى ذنبها ايه تموت كدا وفين حقها من كل

ده

محدش عارف ولا حد هيعرف وخلينا رافيعن

الشعار علي طول


سكه الهلاك حياتك في الضياع

متحاولش تركب قطار تاني عشان ده شعارنا س . ح . م

فقر زياده في الموضوع

الباشا وزير النقل الحمد لله اعترف بلي ليه واللي عليه

وجاب من الاخر وقدم استقالته ده بقي يثبت

ايه يثبت حسن نيه ولا الاعتراف بالحق

فضيله !!!

يعني هو كده حاسب نفسه ولا انسحب قبل ما

حد يواجهه انا مش عارفه بس يارب اللي

يجي بعد كده يعرف يلاقي لينا حل عشان

ارواح الناس مش تساوي استقاله واحده

ويارب بقي الحال يتعدل


وانا في اخر الموضوع بقول يارب كل مسؤل

يشوف انو غلطان يعترف بالغلط ويحاول

يصحلو مش ينسحب من ساحه المعركه


حاجه اخيره شدت انتباهى الفترا اللى فاتت

دى

وهى اعلانات سكك الحديد المصريه وقد ايه

دوشتنا فى رمضان

ووجعت دماغنا قبل المسلسل وبعدوا قبل

المتش وبعدوا

لدرجه انى حسيت انها بقت احسن من الطياره

بس اهو النتيجه


على وشوش المسؤلين


والعياط مبتكدبش !!

لو دا التطور يبقى مش عايزينو مش عايزين

التطور اللى هياخد ارواحنا و احنا راضين

بالتأخر اللى هيخلينا نوصل سالمين


يلا بقي القول ضايع واشوفكم في اشتغاله

جديده

بس ياتري المره الجايه مين بيشتغل مين؟؟


13 التعليقات:

بوسى يقول...

موضوع جميل جدا وانا عن نفسى موافقك جدا على رايك الجميل دا بس يا رب تفضلوا دايما تتكلموا عن السلبيات اللى موجوده فى الحكومه وفى الشعب لانها بجد حاجات مهما

بسمه يقول...

والله كان عندى احساس انك هتتكلمى فى الموضوع دا وانك هتقولى فيه كلام جامد وعشان كدا جهزت العيش والحلوه من دلوقتى لانى عارف ان الموضوع دا بجد يستحق الكلام عنو لانو زاد عن حدو ودى الحادثه رقم 12 فى اقل من اربع سنين وكدا يبقى لازم فعلا نقول كفايه بقى اهلنا وقريبنا مش رخيصه كدا ولازم فعلا يبقى فى يوم كلنا نقول فيه راينا وعمال السكك الحديده يعملوا اعتصام الا بقى لو كانوا مشاركين فى اللى بيحصل

نادر يقول...

احلى حاجه فى الواد عمرو دا ان اول ما المضوع بيتكتب بيجلى مسج على الاميل عشان اقرى بجد خدمه تجنن وفعلا يوم عن يوم بتقدموا حاجه احلى بكتير وبتتتكلموا فى مواضيع جرئيه وجامده وكمان بتتكلموا فى كل حاجه حب وروامنسيه
وعلفكرا انا بحس ان الناس هنا بتتسابق على انهم يعلقوا
على المواضيع ودا شئ كويس اوووووووووووووووووووووووى وربنا يسعدك يا شيمو انتى وكل اللى معاكى فى المدونه

بيسو يقول...

الموضوع حلو بس انا ليا سوال يا شيمو ليه مش انتى اللى بتنشرى مواضيعك بنفسك
وبعدين عمرو ليه مبقاش يكتب مواضيع زى الاول بقالوا فترا مكتبش غير موضوع واحد بس هو فى مشاكل بينكم فى المدونه يا جماعه ؟
وزى ما من حقنا نقرئ كلامكم الجميل لازم نعرف كمان اخباركم ونسال عنكم لاننا وثقنا فيكم ومن حقنا نعرف فى ايه ايه سر الغياب دا وكل سنه وانتى طيبه يا مامت عمرو

amirelhob يقول...

موضوع جميل وتسلم الايادى وانا عن نفسى عندى قطار صغير هبيعه عشان مش ناقص حوادث ومشاكل


حوده

amirelhob يقول...

اسف سف لان غيابى طال عنكم واسف كمان عشان بقالى فترا مش بكتب مواضيع بس بجد متزعلوش منى انا غصب عنى وكمان ميرسى على ردردوكم دى لانها بجد ردود جميله وبتشجعنا كلنا كتيم ورك على اننا نقدم الاحسن والافضل ليكم لاننا بنعبر عنكم وبنقول ارئنا اللى هى فى نفس الوقت وطبيبعى جدا انها تبقى ارائكم انتوا وعلفكرا من المواضيع اللى جايه ان شاء الله شيمو هى اللى هتكتب مواضيعها وربنا يوفقها لانها بجد تستحق الاحترام
ومن قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

سلمى يقول...

متخافش يا عمور احنا مستنكين فى مواضيع اجمل واحلى واروع من الاول واكيد دى فترا وهتعدى وكلنا بنمر بيها وانت عودتنا ان الحياه مبتقفش على حد ربنا يسعدك

غير معرف يقول...

تسلم ايدك يا شيمو على موضوعك الجميل دا

lostlove يقول...

تسلمو بجد علي الكلام الحلو ده انامش عارفه اقول ايه ليكم تسلمو يا جماعه بجد
بيسو انا مش بنشر موضيعي بنفسي عشان بديها الاول لعمور يراجع عليها وبعد كده بينشرها هو

وعندي خبر وحش ليكم انا هغيب فتره ومش هتشوفه ليه مواضع قريب بس اوعدكم هرجع في اقراب فرصه

ويارب اشوفكم جميعا بيخر

نايس مان يقول...

لا شيمو انتى وعمرو تغيبوا مره واحده ليه بقى يعنى خطوبه مثلا ولا شهر عسل ههههههههههههههه
بجد مينفعشتغيبوا انتوا الاتنين لازم حد يغيبل وحد يبقى والممفرو الفترا دى عمرو هو اللى يغيب عشان يريح اعصابو زى ما بيقول

lostlove يقول...

لاء لسه بدري علي شهر العسل هههههههههههههههههه
احنا لسه في المرحله الاوله وربنا يسهل بقي

نانسى يقول...

عمرو عايزه ابقى معاك فى المدونه لانى بجد عايزو اكتب حاجات كتير اوى فى الشارع مضيقنى والناس حاسه بيها وبجد نفسى اكون قريبه منك ومن كل اللى هنا فى المدونه ويا رب تكبر وتنجح يا عمور انت واللى معاك

غير معرف يقول...

http://www.assayyarat.com/
thank you


جزاك الله خير
http://www.mawahib.net