كانت اجمل قصه حب عشناها يا قلبى
كنت انا بفرح وياك وهى جنبى
لكن عشان الظروف قتلت
احلامنا اللى مليانه خوف
مقدرناش نقوى ليه على الايام
والحاجات الحلوه اللى كانت بجد راحت اوام
ياااااااااااه جميل اوى لما نحب وجميل اكتر لما نتعلق بالى بنحبه لدرجه الموت
والاجمل لما نحس بطعم الفرح بس معاه وزى ما فى دايما احاسيس جميله فى بردو احاسيس
صعبه زى ما نفارق حد بنحبوا او نبعد عنوا لاى سبب من الاسباب تحت اى ظرف
وتحت اى مسمى واى شكل واى لون واى ضغط
الاحلى فى حياتنا لما دايما تبقى مليانه ورد وطريقنا مفروش بفل وياسمين
وفيه بدل الورده طريق من الزهور قرنفل وريحان وكل الحاجات الجميله دى
بس مش كلها حلوه لان حتى الورد فيها اشواك ممكن تجرح ايد اللى يفكر يقطفها
حياتنا احنا كمان كدا مليانه بقصص الورود والزهور بس مش كلهم زهور ليها رئحه كويسه وجميله
زى الورده اللى هقولكم حكايتها دى
الورده دى انت موجود فى اجمل بستان فى الكون فى مكان بعيد اوى كل يوم
بتفتح على نور الشمس وتغمض اول ما النهار يروح عاشت سنين وسنين على دا الحال
كل يوم تحلم ان يجى حد يقطفها عشان تبقى بطله فى قصه حب اتنين تبقى ضن بوكيه
رايح لاجمل عروسه بس كان دايما اليوم دا مبيجيش بس كان دايما عندها امل ان اليوم دا جاى
وفعلا يوم من الايام جه دور الورده دى عشان تبقى بطله قصه حب
قطفها واحد بكل حنيه وفى نياتو ياخدها لاجمل بنوته
خدها وضمها فى اجمل ورقه وكتب عليها لاجمل ما شافت عينى
وبعد مسافات ومسافات الورده عدتها مستنيه تشوف القمر اللى هتبقى ملك ليها
للبنوته اللى هتقولها فى عز الليل قصه حبها وفعلا وصلت الورده لقت من بعيد بدر
منور سبحانه من صور اجمل امير فى الكون
فرحت الورده ورقصت بين اوراقها والفرحه مكنتش سايعها
وفعلا بدات تشهد على اجمل قصه حب
حبيب وحبيتو كل يوم كلام وهزار يتخنقوا ساعات ويتضحكوا اسابيع
افراحهم ودموعهم مغرقه الكون والورده مستعجبه على الحال
كل يوم تبتسم للقمر اول ما يجى وتقولوا تعال شوف عشاقك مستنيك
من زمان من اول ما غبت من امبارح مستينك وحشهم ليل السهر
وضوئك يا اجمل قمر وايامك ونجومك وسمائك اللى صافيه علطول
وبعد سنين الورده عاشت فيهم ايام جميله فيها الفرح وفيها الاه اجمل دنيا واحلى حياه
جه يوم اتفقوا فيه ابطال القصه على انهم يقطعوا الذكريات ويقتولوا كل المشاعر
يدوسوا على حبهم واحلامهم عشان حاجه اسمها الظروف حاجه خارجه عن ارداتهم
ضحوا عشان حاجه من رايهم كبيره اوى
ضحوا باحلامهم واحلام القمر واحلام ورده كان كل حلمها تبقى اجمل تاج فى اجمل قصه حب
نسيوا وعود القمر وعهد حبهم بعدوا وفرقه بعض عشان منفعش يكملوا
عشان سبب كبير اوى
السبب ان فى فرق بينهم فرق ناس ممكن تعديه وناس لا
فرق بيبقى موجود كتير بس للولد ولا البنت دا اللى بيفرق
فرق نصيب وظروف فرق اعمار واحلام فرق دراسه وشخصيات وحاجات كبيره اوى
الفرق مش فرق دين ولا عقيده ولا فرق جنسيه ولا معبوديه
فرقوا بعض عشان مش كل حاجه حلوه بتكمل ولا كل حلم جميل بنحلمه بيعيش
فرقوا بعض عشان كان لازم حد فيهم يخالف وعدوا
وحد تانى من الفراق هيموت يمكن تنتهى حياتو ويمكن يعيش حلاوه روح
الفرق فرق سن !
دى كانت قصه كونت حابب انى اقولها لكم لانها بجد عجبتينى وخصوصا انى اعرف ابطالها
وتقريبا قريب منهم جدا على قد ما هى جميله بس بردو صعبه اننا نصدقها
بس دى فعلا حصلت بكل تفاصيلها وماتت اجمل قصه حب ماتت اجمل حكايه
حدوته بطلها القمر والورده وللاسف عكس ما توقعنا لا بقى فى عروسه ولا زفه
ولا عريس وفيونكه ورقص وميوزك كلاسيك ولا كلدا عارفين ليه ؟؟؟
عشان الحقيقه دايما مره واصعب من الخيال
كتبت فى يوم من الايام موضوع باسم
"انى راحل فتذكرونى"
وكتير اوى علقوا عليه ووعدتهم انى هفضل موجود
بس مش كل الوعود بتحقق ومش مهم تعرفوا او تفهموا يعنى ايه
المهم خليكم فاكرنى وفاكرين الجميله دى فى يوم من الايام
12 التعليقات:
بس اكيد الورده كان حلمها تكمل مع القمر بس للاسف مش كل الاحلام بتحقق
مش عارفه اكتب ايه كلامي بقي ملوش معني وبجد ربنا يوفقك ويسعدك في حياتك
وبلاش اني راحل ديه المدونه محتجاك والناس الي بتحبك عاوزه تشوف مواضيع ليك
وبجد مينفعش تبعد
وبجد كفايه كلام ملوش معني انا بقوله
قصه حلوه يا عموره بس السبب دا مش قوى عشان الاتنين يفرقه بعض لو انت بجد قريب من اللى بتقول عليهم دول
قولهم بلاش هبل عشان انا خطيبتى اكبر نى بسنه وكتب كتابنا كمان اسبوع وطبعا كلكم معزومين
موضوع جميل وبجد وحشتينا مواضيعك وحاجاتك الرائعه
بس القصه دى ناقصه حاجه
ازاى يبعدوا عن بعض عشان السن من امتى السن كان بيحدد علاقه حب اكيد فى سبب تانى اقوى وربنا يوفقك يا عموره وتجيب قصص ومواضيع تانيه جميله وحلوه كدا زى القصه دى وبجد دمعت وانا بقراهأ
أنا جيت أهو المدونة عندك عشان عرفه أن اكيد في 200بوست مش قرتهم بس هقراهم كلهموهكتب تعليقى على كل بوست فيهم وربنا يوققك يا عمورتى يا رب ويسعدك ويخليك يا رب
موضوع جميل وموثر وانا زى نادر اكبر من خطيبى باربع سنين واهو انا وهو قربنا نتجوز بس لما هو يرجع من السفر وطالم متفهمين مع بعض يبقى مفيش مشكله لكن المشكله بجد اننا نبعد ونقول السبب السن وهو فى سبب تانى
modo3 gamil ya 3mora we fe3la mogod fe eldonia bs mosh shart en 2st 7bohm tenthy law be7bo ba3d begad haekmlo
عمور انا كل يوم حبى ليك بيزيد واعجابى بكلامك بيزيد وبجد بحس انك اقرب ليا من نفسى وبتوصفنى فى الكلام اللى يمكن يبان انو بسيط بس جميل اوى وبجد نفسى اقولك حاجه اوعى تبعد عننا وعن المدونه وعنى انا بالذات
يمكن انا مش هكتب اسم بس اكيد هتعرفنى واتمنى انك عرفنى بسرعه وربنا يوفقك يا اجمل ميرو
على قد فعلا ما الكلام مفهوش رغى انما جميل وبسيط وويوصل للقلب انا عارف انك لسه فى البدايه بس صدقنى لو استمرت كدا انت والتيم ورك دا هتكملوا جامد جدا وتعلموا مواضيع فوق الرائعه جدا زوبجد موضعاتك تجنن وربنا يوفقك يا رب وتبقى احسن من اى مدونه تانيه وبجد كلام المدونه دى بقى ليه فعلا شكل خاص بيها وكلام جميل وحاجه احلى من اى شات ومن ا اميل بجد هنا بلقى الاختلاف وبلاقى نفسى ودا اللى خلانى اقرئ مواضيعكم كل يوم بس يا ترى انتوا ليه بقيتوا بتتاخروا فى الموضوعات كدا ولا هو فى الاول بس نشاط وبعد كدا كسل يا عمور
انت اجمل من انك يتقالك عموره بجد مواضيعك جامده جدا ومعلش كونت بقالى فترا مش بدخل غصب عنى والله بس انت بجد رائع انت اجمل عوره فى الدنيا كل مواضيعك جامده يا عمور وبجد بجد بجد انت واد من الاخر ويا رب ترجع تانى انت والتيم ورك بتاع المدونه تشتغلوا زى الاوزل بنار وحراره
يمكن يا مجهوله انا مش عارف انتى مين بس بجد ميرسى يا قمر على لامك الجميل والرائع دا واللى بجد ملوش وصف وبجد فعلا كلام كبير عليا وكتير وربنا يوفقك يا رب ويسعدك
اصحابى واخواتى اصحاب المدونه اللى بجد بحس بالنجاح لما انتوا بتتكلموا فيها بجد والله كلام فوق العادى ومواضيع تجنن وربنا يوفقكم يارب وتقراوئ دايما موضعنا وتفضلوا دايما معانا وكلامكم دا بيخلنى اقرب اكتر واكتر وادور على مواضيع اكتر وحاجه تكون احلى بجد وتليق بناس زيكم بتتعب نفسها وتقرئ كلامى اللى اكيد كل واحد فيكم عندوا احسن منى بتشجعونى كل مره وبجد حاجات كتير تانيه مش هقدر اعدها ولا اقولها ويا رب دايما معانا وبتمنلكم كل خير وسعاده وصحه وتوفيق وفرح وابتسامه تدوم يا رب طول العمر
بصراحه انا الا جبنى هنا تعليقك عندى
انا اول مره ادخل هنا بس شكلها بش اخر مره عشان عندك حاجات كتير اووى شدنى بش عارفه ابدء من فين ولا فين بس هقرا كل البوستات كلها كلها
اما بقى عن قصه الورده دى لو الموضوع موضوع سن فانت خوفتنى وخلتنى افكر ان ممكن حاجه زى دى توقف حياتى الا انا لسه مستنيا يعنى انها تبدء بس قول يارب تبدء بقى لحسن انا زهقت المهم يعنى عشان هيا حاجه ملخبطه لخبطيتا جامده هههههههههههههه
بس لو بيحبوا بعض اكيد مفيش اى ظروف هتقف قدامهم الا بس النصيب والمكتوب عند ربنا
انا خلاص اعتبرنى كل يوم ضيفه عندك وربنا يقوينى بقى وااقرا كل الكلام عشان بجد شدنى اوووى
راغيت كتير صح بس استحمل بقى :p
الى اجمل ريرى تنورى كل يوم يا قمر وتزيدى المدونه بسمه واشراقه جديده ونور وافرش ليكى البوستات كلها ورد بس انا بجد بتعلم منكم انتوا انا لسه جديد هنا ولسه ببداء اتعرف على طريقى لكن لما جيت عندك لقيت بجد كلام جميل شدينى اوى وكونت حابب انى اعلق عليه يا قمر و متاكد انك عندك الاحسن دايما ومن قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر
إرسال تعليق