The big losser



عارف ان كلكم زعلانين منى لان بقالى فترا كبيره مكتبتش
بس والله كان غصب عنى
كان غصب عنى لان جوايا حاجات كتير متغلبطه جوايا مشاكل
جوايا احاسيس عكس بعض
خايف اخسر كل حاجه و ساعتها بجد هموت
نفسى القى اجابه لمليون سؤال جوايا
تعبت وفى نص الطريق توهت
حاجات كتير اوى مش عارف هى صح ولا غلط
العيب فيا ولا فى الدنيا ولا فى الناس
طيب يا ترى انا بتعذب ليه عشان بحاول اتغير
ولا دا دين قديم ولازم اسددوا


احترت كتير قبل ما اكتب الموضوع ومكنتش عارف بجد هكتب ايه
ويا ترى اللى هيقرئ الرساله هيفهمها ولا هيحسها
انا حتى احترت فى لون الخط كونت عايز ابعد اكتر
واصبر شويه لكن لقيت اميلات كتير وتعليقات كتير
بتسال عليا ولانى بجد بحبكم مقدرتش اهمل كلامكم دا
بس خوفت بجد اكتب حاجه تخليكم تكرهونى
ودا ساعتها بجد هيبقى موتى حتى وانا عايش

كلكم مستغربين ليه انا كاتب العنوان دا
بس انا فعلا الشخص دا اللى فى العنوان
جربت احب اتجرحت دمعت كونت خايف اصلا
اقولها ولما قولتها لقيت نفسى بخسر روحى
بخسر حاجات كتير اووووى
كونت فاكرها كلمه سهله طلعت اصعب من انك
تغرق فى بحر ومحدش يبقى سامعك
الف حبل وحبل مكتفين صوتى
ضلوعى من بين نفسى بتتكسر
ليه مش كل حاجه بتمناها مش بتحصل
هى دى القسمه والنصيب ولا دا طابع الحياه
الدموع ليه مش بتخلص ليه كل يوم بتتجدد
ليه كلمه تعبت بقت هى عنوانا
ليه الحزن بقى هو رمزنا
طيب دا صح ولا غلط حالنا دا
يرضى مين وليه بيحصل فينا كدا
يا ترى عشان احنا بعدنا عن ربنا ولا عشان احنا
بنسرح بخيالنا

يا ترى نسنحق كل التعب دا والسكوت والوجع
نسحتق تتكسر كتافنا ونبقى محتاجين حاجه نتسند عليها واحنا لسه
فى بدايه حياتنا

وليه كل حاجه بتبقى حلوه بنلقيها صعبه
وعمرها صغير اوى ومش بتزيد عن ثوانى وبع كدا ترجع
حياتنا تانى زى ما هى ابيض واسود
الالوان فيها معدوم

ليه لما نحب حد بنختار ابعد حد واصعب حد ممكن نحبوا
ليه لما بنخاف نتجرح بنلقى الجرح فعلا جوانا
يا ترى هو دا بختنا طيب ولو دا حالنا واحنا لسه فى بدايهطريقنا
ايه هيبقى حالنا بعد كدا
ليه كل ما نكتب فى كتاب حياتنا كلمه فرح بتنزل دموعنا
ليه كل ما بنتعب مش بنلقى حد يضمنا
بجد حراام ليه لما بنحب نلقى الحيره والغيره والشوك
هما نصيبنا وهو طريقنا
ليه البرد بيبقى هو جو ايامنا
اول ما نخاف مش بنلقى حضن يضمنا يدفينا ولو قولنا
اللى جوانا بنلقى الف لا بتمنعنا

ليه بنحب دايما اننا نروح للصعب
ليه بنحب دموع عنينا
طيب ليه حياتنا كدا ليه
ليه صوتنا دايما لما يجى يقول
حاجه تعبنا بيتكتف وبيتعبنا ليه بيكسرنا
ليه مبقاش فى نور فى الدنيا بقت ضلمه
ليه كدا حصل ايه يا دنيا بجد تعبت

بجد نفسى اموت يمكن دى اول مره اطلب فيها الموت
باشتياق ناس اكيد هتقول
عليا مجنون وهتقول انى مش مؤمن بس
بجد انا مش عارف ليه كل ما افرح وابدا ابتسم
حتى مش بتضحك بلقى الحزن جاى بسرعه اوى
بيستعجل غيابو بيحسسنى انو جزء منى
مينفعش يفرقنى وانا خلاص اتعودت عليه

وبجد بعتذر لاى حد حبيتو وقربت منو
لانى خايف افرقه انتظرت فى ليل طويل
ان القى قمر ينور حياتى كل ما اقرب
القيه كان سراب خوفت اظلم حد
فظلمت نفسى
خوفت اجرح جرحت روحى
والبركه فى الحياه
البركه فى الدنيا اللى خليتنى افقد
حتى النطق ونسيت الكلام بجد صعب اوى
لما تحسوا اللى انا حاسوا


no more my life

س ح م ؟؟ يا تري يعني ايه



س ح م عنوان جديد لاشتغاله جديده ويمكن

دي اصعب اشتغاله عليا عشان فيها ارواح

ناس وحياة بشر راحت هدر وزي ماعودناكم

معانا هنكشف كل الحركات وهنقول علي كل

لاشتغلات وندخل بقي في موضوعنا


س ح م ؟؟؟

ياتري يعني سكه السلامه


ولا سكه الندامه


ولا السكه الي تروح فيها ومترجعش


يا تري حياتنا رخيصه اوي


يا تري حوادث القطار مش مسئوليه حد يا

تري مين السبب في كده

مسئول منفض ولا موظف نايم ولا مواطن

غلبان ركب القطار وسبها علي الله ؟

مين يتسأل ومين مسئول يعني ارواح الناس

دي رخيصه !


كام حادث راح فيها ارواح ناس بريئه

ومحدش قلنا مين المسؤل

قطار الصعيد يتقلب ويموت ناس جواه وناس

ملهاش ذنب برئيه كل ذنبها انها توكلت على

الله

ومحدش يعرف مين السبب ولا مين اهمل

خلى ده حصل ليه في بلدنا دي ارواح الناس

رخيصه ليه محدش يتحاسب غير الموظف

الغلبان اذا كان سواق ولا عامل التحويله ولا

يمكن بكرا يحاسبو المواطن انو ركب القطار

من الاول

حادث حصل في اسكندريه وبردو محدش

عرف ايه الي حصل ولا مين السبب ولا ايه

ذنب الناس الي ماتت


والاهالي الي حزنت على فراق اغلى ما ليها

علي طول بسئل نفسي ليه كده مين مسئول

يا ترى مين اللى يتحاسب و الغلط عند مين

ويا تري الغلط ان مفيش رقابه ولا مفيش

دعم لصيانه القطارات دي ولا مفيش حد

فارق عندو حد و اللي يموت يموت والي

يعيش يعيش يعني خلاص اروحنا رخصت

اوي كده خلاص مبقاش ليها تمن !!!


و ادي اخر حادث حادث قطار العياط

ايه وايه وايه ياتري تاني مين مسئول ياتري

هيقولوا عامل التحويله ولا السواق ولا يمكن

المواطن غلطان انو ركب من الاول بس

هنقول ايه تعدت الاسباب والموت في حادث

قطار واحد

سؤال بقي بيطرح نفسه بجد مين مسئول

ومين اللى المفروض فى الوقت دا يتحاسب ؟

؟ ؟ ؟


انا مش عارفه بس هشوف بقي الناس الي

المفروض عارفه الساده الكرام اعضاء

مجلس الشعب

احنا طبعا مش هنتكلم علي اعضاء مجلس

الشعب كلهم هناخد منهم الي يهمنا بس وهما

الساده اعضاء هيئه النقل والموصلات

قشطه كده هما دول الي اتلمو مع بعض وقالوا تعالو بينا نسأل الباشا وزير النقل يا

تري يا معالي الوزير مين السبب حضرتك ؟؟

سؤء صيانه القطارات ولا السكه الحديديه الي

عاوزه كلها تتصلح والي رفعت نسبه

الحوادث

ولا نص القطارات المستخدمه اللى حتي

لاتصلح لنقل العفش عشان تبقى كفيله انها

تنقل البشر ؟

مين السبب ومين الغلطان سؤال محدش

عارف ليه اجابه بس ياتري الناس الي ماتت

ديهى ذنبها ايه تموت كدا وفين حقها من كل

ده

محدش عارف ولا حد هيعرف وخلينا رافيعن

الشعار علي طول


سكه الهلاك حياتك في الضياع

متحاولش تركب قطار تاني عشان ده شعارنا س . ح . م

فقر زياده في الموضوع

الباشا وزير النقل الحمد لله اعترف بلي ليه واللي عليه

وجاب من الاخر وقدم استقالته ده بقي يثبت

ايه يثبت حسن نيه ولا الاعتراف بالحق

فضيله !!!

يعني هو كده حاسب نفسه ولا انسحب قبل ما

حد يواجهه انا مش عارفه بس يارب اللي

يجي بعد كده يعرف يلاقي لينا حل عشان

ارواح الناس مش تساوي استقاله واحده

ويارب بقي الحال يتعدل


وانا في اخر الموضوع بقول يارب كل مسؤل

يشوف انو غلطان يعترف بالغلط ويحاول

يصحلو مش ينسحب من ساحه المعركه


حاجه اخيره شدت انتباهى الفترا اللى فاتت

دى

وهى اعلانات سكك الحديد المصريه وقد ايه

دوشتنا فى رمضان

ووجعت دماغنا قبل المسلسل وبعدوا قبل

المتش وبعدوا

لدرجه انى حسيت انها بقت احسن من الطياره

بس اهو النتيجه


على وشوش المسؤلين


والعياط مبتكدبش !!

لو دا التطور يبقى مش عايزينو مش عايزين

التطور اللى هياخد ارواحنا و احنا راضين

بالتأخر اللى هيخلينا نوصل سالمين


يلا بقي القول ضايع واشوفكم في اشتغاله

جديده

بس ياتري المره الجايه مين بيشتغل مين؟؟


اهديكى عمرى يا اغلى ام فى الدنيا


مش عرفة اوصف اقول اية

قلبها بحس بية ومن حبها ليا كل اخلصها لية

حبيت اشتياقها لية وحسن معملتها لية

وخوفها ديماا عليا والبراءة الى فى عنيها لية

احبك يا امى احبك يا امى

وبحس بى لمست اديها معاية فى كل وقت

وبتحسى بية يا امى فى الامى واحزانى ديماا معاية

فى بعدها بحتجلها وفى اربها بشتقلها

ديماا بتمسحى دمعتى وحاسة بكل ما فيا

الله عليكى يا امى فى حنيتك

لو كان فى عمرى بقية ما يغلى عليكى يا امى

انتى العمر الوفى وانتى القلب الصافى يا امى

اهديكى يا امى عمرى ويبقى شوية عليكى

انتى قلبى يا امى انتى الروح يا امى

احبك يا امى يا اغلى نور فى عنيا

الى اغلى ام فى الدنيا مامت عمر ووووووو

كل عام وانتى الحب الاكيد***كل عام وانتى فى خير وسرور

القلوب فى عيد ميلادك وردة**يا وردة ما تشبهك وردة

كل سنة وانتى طيبة يا اغلى ام والعمر كلة يا رب ليكى

تحياتى سمسمة

انت حبيبى **اهداء منى الى رانيا وحبيبها**


انت حبيبى ولك عمرى كلة

تسالني عن روحي....انها معك

تسالني عن قلبي....انهُ ملكك

تسالني عن عقلي....مشغولٌ بك

تسالني عن عيوني....دائمة البحثُ عنك

تسالني عن احلامي....ان ابقى معك

تسالني عن الفراق....فهو الموت

تسالني عن عهدي....فهو حبي لك

تسالني عن وعدي....فهو الاخلاص لك

اسالكِ انا....اينَ انت؟؟

اينَ ذهبت؟؟....لقد اشتقتُاليك

فأنت الحب والامان الى

انتا الحب وانتا نبض القلب

بحبك يا من لك قلبى وروحى


تحياتى سمسمة

دمعة وفرحة وتحدى

لست انا التى تفقد صوبها***لست انا التى تقتل حبها
لست انا التى تغيب عن حبيبها**لست انا التى تريد ان تعذب قلبها
وانت الحب والحياة التى اريدها**وانت الرغبة والمحبة
يا اعز من يتربع فى مملاكتى**حبيبى يا اغلى من حياتى وعمرى
حبيبى يا اغلى من اى شيء فى حياتى وفى كونى
انت يا ملهمى كأنك قمر تنير دربى وطريقى
بالرغم من انك بعيد عن صدرىواحضانى
فأنت صميم القلب وقربة
حبيبى ياعمرى فى الحب وجنونة
انتاالطبيب الذى يداوى جرحى
فأنت احلى حبيب طوال العمر فى قلبى
وانت فقط من يملك كل حنينى
لانك انت الحب وطريقة*وانا التى تريد الحب ومحبوبية
فلست انا التى تغار من عينيك ومن نظراتها
فأنا التى تداوى جروحك واحزان قلبك
وانا التى جعلت عيناك تبتسم فرحا
وشفتاك ترتجف خوفا
وانا التى اخذتك من عالمك الكأيب وادخلتك الجنة ونعيمها
وانتا تعلم بوجودها
وانا وانا من قالت لك انت الروح والحياة
وانا من تقف امام الدنيا وتتحدى الظروف وتصمد امامها
وانا من تحبك من القلب واسمك بدمى وشريانى
وسأقول لك الان من انا رغم كل الذى مرعليك منذ اول يوم ابتدأت فيها قصتنا
انامن تملك الجنون فى حبها
وانا من يهتز الارض اذا تكلموا بالسوء عنها
وانا التي لا يهمني ماذا تكون انت ومن انا
لكنني يا حبيبي اريد ان اقول ما يريد ان يقوله قلبي انا
انك محبوبي من الان وسوف تبقى لمليـــووووون سنه
فالست انا من تترك الحب والمحبوب في نصف الطريق هنا
ولست انا من ترقص وتغني في لحظات الفرح وفي الحزن اقول لا لست انا
لست انا يا حبيبي من تترك حبها وحبيبها
لانني انا من تريد الحب والحبيب معا لاخر يوم بعمرها
يا ترى هل انت واثق يا حبيبي بأنني لازلت انا كما انا ؟
احبك مثل اول يوم عرفتك والتقي بك فؤادي هنا
واعشقك وألدليل على هذا وجود كلماتي وها انا اقول لست انا
لست انا التي تترك حبها وحبيبها
لســـــت انـــا لســـت انــا يا من لك عمرى وحياتى
تــــحــياتى سمسمة

all my life


كل سنه وانتى طيبه يا اغلى عليا من روحى
كل سنه وانتى اطيب مخلوقه شوفتها فى الكون
كل سنه و انتى روحى وعقلى وقلبى
كل سنه و انتى بتمسحى دمعتى
كل سنه و انتى جنبى
وانتى بتدعيلى فى صلاه الفجر
وعلى سجاده الصلاه بتقولى يا رب وفقه
كل سنه وانتى حضن بيضمنى وبيدفينى
كل سنه وانتى بتشجعنى على الصح
كل سنه وانتى ايدك فى ايدى ولطريق الصح بتشدينى
كل سنه وانتى بتمسعينى وانا جوايا الف اه
كل سنه وانتى بتقوليلى ذكرياتى
وانتى بتحكيلى عن نفسى وعن شقاوتى
وعن تصرفاتى وانا صغير
كل سنه واحنا بنفتكر كل ابتسامه جمعتنا
كل سنه واحنا يا رب دايما متجمعين
كل سنه وانتى اقرب ليا من روحى
كل سنه وانتى بتخافى عليا
وانتى شايلنى فى عينك
كل سنه وانتى بصحه وربنا حافظك مش كل شر
كل سنه وانتى بتضحكى ضحكه اجمل من اللى قابلوا
كل سنه وانتى بتكبرى فى السن والمقام والغلاوه والجمال
كل سنه وانتى ايه من الايات
كل سنه وانتى معانا فى رمضان واللمه معاكى
بتبقى هى كل الشهر
كل سنه وانتى فى التروايح بتدعيلى
كل سنه وانتى دايما وقفه جنبى
كل وانتى لسه فى بدايه طريقك



كل سنه وانتى اطيب واجمل وارق واحلى
واحن واخف والطف واروح ماما


كل سنه وانتى طيبه يا امى


دا مش موضوع ومش فكره دا
احساس ورد جمايل من بحر جمايل عليا
جمايل لامى اللى مهما عملت مش هقدر
ربع ربع جمايله وفضلها عليا
مهما عملت مش هقدر اوصف حبى ليها
مش هقدر اوفئ حقها مش هقدر
اديها نعمه وحدها من النعم اللى عملمتهنى
مش هنسى طعم اكلها اللى هيفضل احلى اكل
فى حياتى كلها مهما كلت ومهما دوقت
مهما عجبنى ومهما شوفت هتفضل هى رقم واحد
هى الاصل ومش هنسى سهرها جنبى فى عز تعبى
دعائها ليا فى ايام الامتحان
كل دا ومش عارف حتى اوصف ربع حبها
وخوفها عليا ولا حتى جزء من عشقى ليها


اسف لانى غبت عنكم كتير بس غصب عنى واسف لانى احتمال اغيب اكتر
بس بردو معاكم بقلبى وبفكرى فاكركم واحد واحد و واحده واحده
اصحاب واخوات واحلى ناس بجد انتوا جزء منى


دمعتى مشركانى وحدتى

بعدتى لية عنى لية يا دمعتى وهربتى من عينى
مش كنا ديماا سواومعاية بتوسينى
ياما لمونى لقربنا وكتر احساسى
حتى انتى كمان قسيتى رحتى وسبتينى
الحزن وحدة معاية والهم مالينى
كنتى زمان بتريحى قلبى
ولو تتعبى عينى لكنى بعدك كنت برتاح
ونفسى تهدى شوية
واقدر اكمل رحلتى فى دنيتى القاسية
تعبت ادور عليكى تعالى سعدينى
هربتى من قسوتى ولا من كتر احزانى
طب واهرب انا لفين ومين يخبينى
من الدنيا ومن الناس ومن اهلها
ولا من نفسى تعالى يا دمعتى فعلا وحشتينى
حزنى ديماا جواية والهم مالنى
واعرفى يا دمعتى لما الموت قرب منى طلع اشطر منى وبعد عنى
انما المرة الجاية هكون انا اذكا من الموت وهيخدنى هوة غصب عنة اوعدك
اوعدك انى اريحك واريح احبابى منى سلام اخير يا دمعتى سلام او وداع

ووعدى لموت واريحك منى وابقى افتكرى دموع سمسمة الى كان كلها احزان
تحياتى سمسمة

السلطه فى خدمه الشعب



طبعا اسم عجيب وكلكم مستغربين يعني ايه السلطه في خدمه الشعب
ماهي السلطه مفيده جدا للشعب خيار وطماطم وجرجير
والخضروات المفيده دي
بس يا تري هي ديه السلطه الي انا بتكلم عليها ؟
انا بقي بتكلم علي نوع سلطه مختلف جدا
في كوسه وطبيخ وحركات كتير وبما اننا عودناكم علي كشف جميع الحركات وكل الاشتغالات هنقول ونحكي في حال جديد عليكم من احوال الدنيا
اكيد كلنا رحنا نعمل البطاقه الشخصيه
ورحنا القسم وشفنا المنظر هناك ازاي
كله بيمشي بس بشرط
كيش بتاع الكافتريا 5 ولا10 جنيه
عشان يندهلك المسئول الاكبر تقوم مكيشو بي 20 ولا 50 جنيه
* ملحوظه*
كيشو يعني ادفعلو رشوه بس متقولوش لحد اني قلتلكم
نرجع بقي للموضوع الاساسي
احنا ليه مش بناخد موقف من موضوع التكيش ده
يعني عشان يكون عندي اي مشكله في محكمه ولا قسم شرطه لازم ادفع وتتطلع عيني عشان اعرف اخود حقي او اخلص مصلحتي
والمشكله ايه كمان انك لو دفعت ل واحد تلاقي 10 غيرو جولك وادفع بقي يا معلم وعيش
هي ليه الحكومه بتعتنا سلاطه اوي كده
كل بيحب ياكول كله ومفيش حد بيرحم حد
يعني عشان اعرف امشي اموري لازم ادفع لكل امين شرطه يقبلني مهما دول الحكومه الي مسكه البلد
مش ظابط ولا حاجه جامده كده لا يدوب امين شرطه ويتامر عليك ولا كانو وزير الداخليه
ويا سلام بقي لو حظك حلو اوي ورحت تعمل محضر
يبقي هتشوف حركات ولا الافلام
ولا كانك حرامي مش صاحب حق يمكن هناك الحرامي بيتعامل كويس يعني لو دخلت قسم الشرطه مظلوم تخرج ظالم وعليه العوض ومنو العوض
راحت حياتك يا ولده حتي لو تشبه اسماء وغلطه في كمبيوتر الداخليه
بس هنقول ايه القول ضايع في البلد ديه
ومن الاخر طول ما احنا بنسكت ع الغلط عمره ما هيتصلح عشان احنا قبلنا وانا مش بقول كده عشان انا عرفت اعمل حاجه في الغلط ده ولا اعترضت عليه لاسمح الله يعني
دنا كل لما اروح اي مصلحه حكوميه وخده معايه شوال كوسه وافضل افرق بقي عشان مصلحتي تمشي هعمل ايه يعني انا عارفه انو حرام والراشي والمرتشي في النار
بس مفيش حل تاني عندي جربت اعترض مره كله باظ
لازم افرق الكوسه علي الاخوه الموظفين الحكومين بس تحت مصطلح
( خد اشتري موز لحماده)
الهي تتزحلق يا حماده زي ابوك ما مزحلقنا
وخلاص بقي كفايه كده لان الموضوع لو فضلت اتكلم فيها مش هيخلص بس يارب تكون وجهه النظر وصلت
وقولت المفيد عنها
وعشان خاطري ابقو هاتو موز ل حماده

اللى على راسه ريشه

النهاردا هنقرئ مع بعض اشتغاله جديد من ضمن الاشتغالات
"انت متعرفش انا مين "
جمله كلنا بنسمعها كتير ومش عارفين ايه الفراق يعنى
انت مين ولا ابن مين ويعنى ايه انت مين اصلا
يعنى مثلا عربيتين واقفين قدام بعض فى شارع اتجاه واحد تلاقى
الاتنين عمالين يقولوا لبعض ارجع وراء شويه يا كابتن يقولوا
انت بتقولى انا ارجع انت متعرفش انا مين ولا ايه

اصبحت الكلمه دى اى حد بيقولها ومحدش فاهم معناها ولا عارف بس
هو بيقولها عشان يلفت نظر اللى حواليه بس اللى يستفزك بجد
لما تلقى ناس معينه مع احترامى الكامل ليهم بيقولها زى مثلا

حارس العقار(بواب)

بتاع اللبن

الراجل اللى بيصلح الاحذيه

واللى بيمسح سلم العماره


كل دول ناس انا بحترمهم وبجد بيتعبوا عشان احنا نرتاح وبيشتغلوا بجد
وبشرف ومش بيعملوا حاجه غلط بس لما تلقى حد من الناس الطيبه دى
بيقولك انت متعرفش انا مين يبقى ليك حق تستعجب
ونفسك ترد عليهم بمنتهى السذاجه وتقولوا انت ابن مين يعنى
وبعا لانك متقدرش تعمل لا تخاف انو يقطع الخدمه فى اى مجال
هو بيساعدك فيه فضطر تسكت

المصيبه بقى ان كمان الجمله بدات تتقال فى طوابير العيش
وتدخل تلقى واحد يقولك لو سمحت يا فندم يا استاذ
ويروح داخل واخد عيش ولا همو طابور ولا حاجه وتقولوا
ما فى طابور حضرتك يقولك انا اقف فى طابور
انت مش عارف انت بتكلم مين

طيب فى سوال بجد محيرنى لو كل البلد ولاد ناس ومستويات
وعالم كلها معروفه طيب فى بقى المشال اللى عندنا
طيب هيفرق فى ايه انت مين ولا ابن مين فى اى حاجه عاديه زى طابور العيش
طيب لو انت اصلا حد احسن من الناس دى كلها رضيت ليه اصلا انك تجيب عيش
من فرن زى دى بلدى وفى منطقه شعبيه


اساله كتيره جوا الموضوع ومش لقى ليها اجابات لى كل الناس شايفه نفسها
فوق الكل والكل شايف انو هو الوحيد اللى معاه سر تغير الكون
واللى يفهم فى ححاجه او ميفهمش بقى بيتكلم فيها
ويا ترى التعالى والغروردا هيروح للاجيال اللى جايه كمان وهنسمع ف يوم من الايام
انت متعرفش انا ابقى ابن مين ولا هيكون ساعاتها فى حاجات تانيه بتتقال

احترت كتير من حالك يا بلدى واستغربت يا ترى انا فهمت
ولا غلطت
مقدرش ابطل حب ليكى ما انا منك اتولدت وعشت فيكى
وكبرت احلامى وسنين جوا كل شارع بتحضنيه باديكى
وعجبى !

الحب من طرف واحد



بسئل نفسي سؤال عجيب اوي ؟؟؟
هو الحب زي بكره الخيط
يعني ليه طرف واتنين وتلاته ولا ايه الكلام ده
يعني احنا بنتكلم ونقول الحب من طرف واحد
لا والله يا سلام من طرف واحد طيب ليه وازاى
و ليه بتحب من الاول طالم انت ولا انتي شايفين انو من طرف واحد
بتحب ليه من الاول وتتعب قلبك معاك
ونرجع ال ايه نقول قلبنا اتكسر وليه اصلا حبينا حب من طرف واحد لا والله ما هو انتي ولا انت غلطانين من الاول
ونرجع نظلم الحب معانا مع ان احنا الي غلطانين واختارنا غلط من الاول
طيب ما تيجو كده نشوف يعني ايه حب من طرف واحد
1 انا شفت حد وبنتكلم مع بعض
2 الحد ده كويس اوي ومحترمه وشخصيه جذابه
3 بيحترم رائ اوي اوي
4 بيعملي شخصيه ادام الناس
5 بيحب يتكلم معايا علي طول
6بيحب يفضل جنبي طول الوقت
واكيد في 7و8و9 واكتر لو عاوزين
بس فين المهم فين الي المفروض يتقال
نبوص كده علي الي المفروض يتقال
1 الحد ده بيقول كلام حلو علي طول
2 دايما شايف اني احلي حاجه في حياتو
3 بيحب دايما يقول كلام حلو وانا موجوده
4 صريح معايها من الاول
5 صارحنى بحقيقه مشاعروه ناحيتي
6 مش انا بس الي حاسه كده هو كمان حاسس نفس الاحساس
7 اخير قلت ليه بحبك وهو قالي بحبك
وفي كتير 8و9 واكتر بعد كلمه بحبك بس كفايه كده
ليه مش بنقول في وجهه النظر الاولى ان دي صداقه عاديه يعني ولا احنا كده نختارغلط وبعدين نتكلم
الحب زي ما بنحس بيه لازم يكون في حد يحس بينا
ولا مش هيكون اسمو حب هيبقي مجرد وهم
حاله بنعيش نفسنا فيها شويه وخلاص ومع الوقت بنحس اننا ظلمنا نفسنا
مفيش حاجه اسمها حب طرف واحد في حاجه اسمه تبرير مواقف علي اساس انها حب وهي غير كده خالص
ومش نظلم بقي الحب معانا
والله الحب ده غلبان ومظلوم معانا دايما
عشان احنا اللي بنختار غلط الحب اساسو الصدق
يعني عشان احب حد وحد يحبني لازم اشوف الاول هو احساسو ايه من ناحيتي
ولازم عشان اقدر احسو يكون هو بيحسني ولا كده ضاع اساس الحب
الي هو تبادل احساس بين طرفين
اكتمال الحب النص التاني الي بيكمل كل حاجه فينا
الي بيخلي للحب معني صح الي بنتبادل فيه كل احساسنا ومشاعرنا صح
لشخص واحد في وقت واحد
وهو يبدلنا نفس الاحساس هنا بيكتمل الحب وبيكون صح
عشان الاختيار صح من الاول وياريت بقي نبطل نظلم الحب
عشان احنا الي بنختار غلط من الاول
عاوزه تحبي بجد عاوز تحب بجد
اختار صح واختار حد بجد يستاهل
عشان مش تظلم نفسك او تظلمي نفسك
لان
كله الا جرح القلب
القلب لو اتكسر بيغب اوي علي ما يرجع تاني
وعمره ما بيرجع زي الاول
اخر كلامي بلاش حد يظلم قلبو وياريت نختار صح من الاول
طولت عليكم بس ياريت اشوف رايكم
يلا بقي سلام واشوفكم مع حاجه جديده من وجه نظري
مش وجه نظر حد تاني
والي يشوف كلامي مش يستغرب بس يبص للواقع
واكيد الواقع مؤلم بس هى دى الحقيقه