احنا التلاته سكر نباته



النهاردا بقى جاى اقولكم عن موضوع يخصنى يعنى مش هغلط فى حكومه ولا هجرح فى حد
ولا هجيب سيره اى حد من المسئولين نهائيا

النهاردا بقى هحيلكم حكيتى مع اعز اصدقائئ بجد هما دول اللى لقيتهم اصحاب بجد
بعد ما بعدت عن مصر وعن اصحابى واهلى وجيرانى وجيت بلد معرفش فيها اى
حد وجو جديد عليا ومطلوب منى انى استقر كمان فيها واقعد على الاقل سنتين
عشان مستقلبى لان بينى وبينكم كونت فاشل بردو فو الدراسه فى مصر مش
هطول فى المقدمه عشان اقولكم الحكايه بدات ازاى ووصلت لحد فين
_"_"_"_"_"_"_"_"_"_"_"_"



الحكايه بدات فى اول يوم دراسه ليا وطبعا مدرسه جديده وجو جديد وناس غير الناس
ولهجه غير اللهجه ومواد نوعا ما جديده عليا وانا اصلا كونت مقدم متاخر عن الدراسه
بكتير وقولت مش مهم اهى سنه وتعدى زيها زى غيرها يعنى انا احمد زويل
المهم اتعرفت على اتنين مصريين هقولكم شخصيه كل واحد فيهم بالتفصيل
ولوحدها بس عايزكم تعرفوا انو دول بجد اغلى اصحاب ليا عرفتهم



"عمر محمد حامد"








صاحب بجد وصاحب صاحبو فى وقت الشد تلقيه اتفقنا انا وهو اننا مع بعض فى اى كارثه
وفى اى مصيبه ومن حظنا الكويس اننا بردو فى الامتحانات قعدين جنب بعض
يعنى كمان بنغش من بعض ويمكن انا قولت مصيبه وكارثه لانى مفتكرش عملنا
حاجه فيها ريحه الصح واحنا مع بعض غير المذاكره مره واحده وكانت من غير ما نقصد والله
عمر دا بقى حدوته كبيره كل يوم يتخانق مع البنت اللى بيحبها ويجييلى عشان احل ليه المشكله
واصلحهم تانى وطبعا دا مش بيبقى عشان جمال عيونو لكن عشان اضمن انى القى اجابات
فى الامتحانات لان معروف ان عمر دا مقطع المذاكره واشطر طالب مصرى
فى المدرسه ويمكن دا اللى خلانى اصحبو صداقه مصلحه يعنى
بس بجد بعيد عن الدراسه كل يوم نسال على بعض ونعرف اخبار بعض ولو حد فينا تعبان بيسال
على التانى لاننا بجد اتفقنا اننا اصحاب بجد وان مفيش حاجه تفرق بينا ابدا
مهما كانت كبيره او صغيره انا صحبتو زى ما هو كدا شخصيه كوميديا فى اى مكان تشوفها تلقى
الضحكه عنوانها وعشان طيب ومشفهوش طبع الغدر والخيانه وانو يبيعك
عند اول مصلحه راجل بجد يعتمد عليه وبجد مهما عملت ودورت مش هلقى
حد يكون افضل من عمر يكون صديق ليا افخر بيه واخاف عليه
. . . . . . . . . . . . . . . . . . . . . . . . . .










"هيثم اشرف"

Haitham Ashraf

دا بقى شخصيه غيرعاديه اول ما تشوفوا تقول عليه مسطول بس هو مش كدا
لكن هو شكلو اللى يوحى بكدا بيقول كلام غريب وحاجات غريبه
ومفيش كلمه ممكن يقولها الاوغصب عنك لازم تضحك عليها
حتى وانت مضيق وفى عز الجد غصب عنك واجبارى لازم تضحك
يمكن عشان هو بيقولها بتلقائيه غير عاديه وبراءه قليل اوى لما تلقيها
بزعل منو ساعات لان تصرفاته جايز بتضيقنى وبزعل منو كمان عشان خايف عليه
لان ساعات بحس انو مش مهم بمستقبله ولا فارق معاه اى حاجه ينجح يسقط
كلو عندو محصل بعضو
بس اللى عاجبنى فيه انو دماغ نت عقل اليكترونى بجد وذكى
ولو ركز فى حاجه بجد بينفذها مهما كانت الظروف ومهما كانت الحاجات اللى بتتحده
يمكن هو صحيح رخم ساعات وغلس بس الجوهر طيب وبجد مقدرش استغنى عن حد هو
صاحب بجد وبيخاف على مصلحتى اكتر من خوفوا على مصلحتوا
وربنا يوفقه لان بجد يستحق التوفيق
. . . . . . . . . . . . . . . . .



دول بقى اغلى اصحاب فى حياتى بجد عرفتهم مش بيعرفوا يخونه ولا يبيعه
اصحاب فى وقت الشده بجد تلقيهم ايد واحده فى كل حاجه حتى فى المصايب
ايد واحده ومش بيخافوا من اى حد الا ربنا



يمكن عايزن تعرفوا انا ليه بقولكم الحكايه دى وايه دخله فى المدونه وهتفيدكم انتوا فى ايه
وانتوا مالكم بقصه حياتى وبالمووايل دى كلها!

بس انا قولت الموضوع دا عشان نفسى اسال سوال بجد كونت قبل ما اعرف الاتنين
دول مش بلقي له اجابه تفتكروا لو فى اصحاب بجد كدا واتجمعوا عشان بس حبوا بعض
مش عشان فى مصلحه بينهم ممكن فى يوم يتفرقوا او ينسوا ذكرياتهم مع بعض وحكايتهم
والسنين اللى عاشوها مع بعض ؟


يا ريت انتوا كمان لو ليكم اصحاب دوروا فيهم مين اللى بجد ومين اللى صاحب مصلحه مش
صحبى انا ومين بجد اللى عايزك كويس ومين اللى عايزك تبقى اقل منوا اللى صح فيهم
هو دا بجد اللى هتتاكدوا ان صاحب بجد ومش يهمه فى الدنيا غير مصلحه واخده هى مصلحتك







حاجه اخير هقولها بجد انا معرفتش معنى الصداقه غبر لما عرفت تؤامى
عمر وهيثم لانهم بجد مش مجرد اصحاب دول اكتر من الاخوات


2 التعليقات:

amirelhob يقول...

اجدع صحاب بجد عمر وهيثم دول وعلفكرا يا جماعه الفيديوهات دى هزار بينا شباب وهزار واذا كونا هناخد كل حاجه بالمعنى دا يبقى محدش هيهزر مع صحابو بعد كدا

انا عن نفسى عمرى ما هتخلى عنهم او ابعد عن اصحابى دول لانهم اجدع صحاب بجد وربنا يوفقهم دايما

ranim يقول...

احلي صداقة لجد لما بتكون بتحب صحابك علشان ذاتهم وشخصيتهم ومش مصلحة وبجد اللي مش عنده صحاب كده ده بجد وحيد جدااااااااااااا احلي حاجه في الدنيا الاصحاب
تحياتيييييييييييييي مبتسمة دائما في بوست جديدة عندي