حكومه والسلام

وبدانا اول موضوعتنا اللى هتودينى فى داهيه هنتلكم فيها عن السلبيات بس بإحترام ومن غير ما نغلط فى حد ونفكر مع بعض فى موضوع موضوع
مصل البنى ادمين من الخنازير
سمعت والله اعلم ومش عارف ينفع الكلام دا اصلا ولا لا تخيلوا ان الحكومه الواعيه اللى شايفه الدنيا صح وبتخاف علينا وعلى مصالحتنا راحت تتعقد مع شركه تعمل لينا مصل للوقايه من مرض انفلونزا الخنازير الطريف بقى فى الموضوع دا ان الشركه اللى اتعقدنا معاها من ضمن خمس شركات كانوا مرشحين انهم يصنعوا المصل وكلهم طلعوا مطبقيا للمواصفات الا الشركه اللى احنا تعقدنا معاها الوحيده اللى منظمه الصحه العالميه رفضت تتعقد معاها!
تفتكروا دا ليه ؟ يمكن الحكومه شايفه انو الشركه دى هى الوحيده اللى صح او ان منظمه الصحه العالميه غلط و وزراه الصحه عندنا فاهمه وواعيه وعارفها انو هى دى الشركه اللى هتنتج المصل التمام ولا يمكن الشركه دى هتيدنى العلبه عليها علبه تانيه هديه او يمكن بقى والله اعلم ان الشركه دى صاحبها او شريك فيها وزير الصحه!
مش عايز احط نفسى فى مازق يمنعنى من الكتابه بعد كدا بس حطوا نفسكم انتوا مكانى واسالوا نفسكم وكفايه بقى الكلام فى الموضوع دا عشان المدونه دى لسه فى البدايه
يا خوفى يا بدران من منتخب الشباب
تعالوا بقى نضحك شويه على المدرب الجميل ابو اوصه جنان بتاع اعلان السيما اللى يا عينى عليه ضحوا بيه زى خروف العيد اول ما منتخبنا خرج من كاس العالم واتظلم مع انو مش هو السبب خالص بس نعمل ايه احنا نصحناه بانو بردو يتعلم عربى عشان يعرف يتعامل مع المصريين بس هو مسعمش الكلام
بس بجد مش عارف ليه دايما بنكتشف الغلط بعد ما يحصل يعنى ينفع نقول انو مكنش المدرب الكويس بعد ما نخرج من البطوله وبعد ما يتحرق دم 80 مليون بنو احلام اننا على الاقل هنحقق انجاز شوقى غريب بالتالت على العالم او حتى الرابع وبعد ما الرئيس يجى و يشجع واحنا عشان نعرفهم نروح نشجعهم وفى الاخر نطلع من البطوله زى اللى طلع من المولد بلا حمص
دا احنا طلع عنينا يا جماعه والله عشان الاستادات دى وعشان نبقى فخر قدام العالم كلو وطبل وزمامير وفنانين تروح تشجع دانا حتى بقيت اشرب هوباكولا عشان اعرف اشجع المنتخب بس تعمل ايه اللى مكتوب على الجبين لازم تشوفوا العين يلا مش هنرغى فى موضوع قديم وفات ومش هنرغى كتير لان الكلام مش هيرجعنا تانى لكاس العالم بس بدعى وادعوا معايا منطلعش من التصفيات ونتغلب من الجزائر لاحسن بردو هيتقال دا احنا عملنا وسوينا بس الكوره مكسب وخساره و ليا طلب اخير يا ريت كل مسئول فى اتحاد الكوره يحاسب نفسو يمكن نعرف احنا ليه خرجنا وبلاش ونبى حكايه ان الفلوس بتاعت المكافأت اتسرقت عشان شبعنا افلام ومسرحيات خايبه

خناقه مودرن وشيك
طبعا كلنا متابعين وعارفين الخناقه بتاعت الاعلامى الكبير اللى بيستغل كل كلمه عليه عشان يعمل بيها " شو" اعلامى عن نفسو ويزود شهرته والغريب انو بيعمل دا وكانوا صح انو يشهر نفسو بالفضايح ويرجع يلعب دور البرئ بس اهو قرب يقع فى "بير" من الفضايح
الطرف التانى بقى فى المشكله دى هو الراجل الحديدى اللى مش بيقدر حد يقف قدامو وارشيف ملفات متحرك معاه ملف لكل مواطن مصرى او غير مصرى عارف كل مصيبه اى حد عملها وعارف بيعمل ايه ومش بيهدى ابدا كل ما نقول خلاص كبر وعقل وبعد عن المشاكل يرجع تانى بقضيه كبيره ومشكله غصب عننا لازم نتباعها عشان "نرضى" بالامر الواقع.
الجديد بقى فى الموضوع دا انو كبر اوى وبقى سلطه خالص والموضوع دخل فى الاعراض واترفعت الحصانه عن الاعلامى الكبير وبقى مطلوب منو انو يتحقق معاه وكمان المستشار قالها وبالفم المليان لو مسجنتش"شوشو" هقعد فى بيتنا!
بس بجد اللى مستغربلو اوى ازاى اتنين فى حجم الناس دى ساكتين على اللى بيحصل فى البلد من مصايب وفاضين بس انهم يفضحوا بعض وينشروا فضايحهم على القنوات ودا طبعا على اساس اننا فاضين ومعندناش اى مشاكل فقالوا هما بقى يشغولنا بكلامهم ومشاكلهم دى بجد زهقنا من دوشه الاتنين دول ومن مشاكلهم اللى مش بتخلص ومن كلامهم الكتير وفى الاخر يرجعوا اصحاب لما تتفق المصلحه ! ! !

7 التعليقات:

غرام يقول...

بجد الموضوع جميل جدا جدا وبيضحك جدا جدا الف شكر يا عمور اختك غرام

غرام يقول...

احلى موضوع انا قريته بجد تسلم يا قمر

amirelhob يقول...

ميرسى يا قمر على كلامك الجميل وتعليقاتك اللى دايما مغرقنى وبجد بتدينى دفعه بجد للامام وبجد ميرسى ليكى يا قمر ومن قلبى بتمنى ان ربنا يسعدك ويوفقك
ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

شيماء يقول...

المرض الخطير والعلاج الخيطر موووووووضع في الجون تسلم ايدك وربنا يستر علينا منو

اما بقي الكوره انا واللهي ما ليه فيه بس حصل معايه موقف غريب صعب عليه الشباب دول الي محدش يعرفهم وقلت يلا اشجعهم مع اني اول مره اشجع حد بيلعب كوره ههههههههههههههههههههه وبردو خصرووووو يا رتني مشجعت ما علينا مش لما الكبار يكسبو يبقي الصغيرن يعرفو يلعبو ههههههههههههههه ومن الاخر الكوه جوان ولا ايه هههههههههههههه تسلم ايدك يا عمووووووووووور

amirelhob يقول...

يا ريتك ما شجعتيهم يا شيمو بس يلا خيرها فى غيرها بس دا حظنا ربنا معاهم ويوفقهم يا رب ويوفق المنتخب الكبير عشان بجد نفسنا ندخل كاس عالم عشان على الاقل الكوره بقت هى الحاجه الوحيده اللى بتفرحنا
وم قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

ranim يقول...
أزال المؤلف هذا التعليق.
ranim يقول...

اسمحلي مش هقرأ الموضوع يمكن علشان بزهق موت منن السياسة معرفش بس اكيد البوست حلو بس اسمحلي انا هعديه واقرأ اللي بعده معلش
تحياتييييييييييييييييي