Answers without questions




سألت نفسي كتير
مارستش يوم على بر
أنا اللي فيا الخير ولا اللي فيا الشر



زى كل يوم قعدت بليل لوحدى انا والعش الصغير اللى عايش فيه

قولت افتح الميل او الفيس واكلم اى حد يكون اون اهو يدينى امل انى لسه عايش

وعلى قيد الحياه وللاسف زى كل يوم ملقتش حد حتى اللى فاتح مشغول ومش فاضيلى

قولت خلاص يبقى اروح اجيب صديقى الودود صاحبى فى كتير من الوقت اللى

مهما قصرت فى حقو عمروا ما زعل منى وجريت عليه خدتوا بالحضن

وقولتوا وحشتينى اوى يا جيتارى وحشنى صوت اوتارك وحشنى كل مقطع

عزفتوا عليك وكل حفله وكل عيد ميلاد كونا مع بعض فيه كل لحن جديد

وكل نغمه عملت كلمه ورسمت ضحكه او دمعه على وجوه الناس

قولت اقعد بقى ادندن مع نفسى والعب اى اغنيه تيجى على بالى بقى

و اهو اى حاجه والسلام بس الاول اقوم اعمل النسكافيه عشان السهره تبقى احلى

المهم رجعت تانى والنسكافيه معايا وعمال ادور على حاجه اعزفها مش لاقى

اغانى بتيجى وفى ثانيه بتهرب منى و ذكريات نفسى تموت لقيتها لسه على بالى وعايشه جوايا

وحاجات دعيت فى يوم وانا بصلى انى انساها ولسه منستهاش

وفجاه النور قطع يمكن لاول مره مدورش على حاجه تنور او متفجئاش من اللى حصل

لان بجد حاولت انى امسك الجيتار فى اللحظه دى عشان انسى اللى فى بالى من اساله

واعزف اى حاجه تيجى بس كأنى اول مره امسك الجيتار و لا كانى درست

وتريات اصلا ولا حتى اعرف اى حاجه عن الموسيقى

لقيت نفسى بسرح من نفسى بيحصلى حاجه غريبه محصلتش قبل كدا

ونادر اوى لما تحصل لحد فينا لان دايما اللى بيحصل هو العكس

اللى حصلى انى لقيت اجابات من غير اسئله ايوه من غير اسئله

زى ما يكون السوال مش مهم الاهم جوايا الاجابه فى الاول خوفت من انى

اواجه نفسى يمكن عشان عارف انى اضعف من المواهه بينى وبين نفسى وعارف انى مش هقدر اجاوب

على كل الاسئله بس لما لقيت الاجابات هى اللى موجوده وملهاش اسئله خوفت اكتر

لا فى يوم ابقى انسان من غير ملامح مسخ موجود على الارض الاسم بشر

لكن مجهول الهويه


قولت هدور على سؤال لكل اجابه جوايا واللى مش هعرف اسال عليه

اكيد فى يوم هلقى ليه سؤال سالت نفسى كتير عشان اغطى بحر الاجابات والتطفل الداخلى

اللى جوايا زى ما يكون فى مسابقه اخلص من سؤال ادخل فى التانى وفرحان اوى وانا بواجه نفسى

لحد ما جه سؤال ندمت انى عرفت اجابتو ندمت لان الاجابه كانت "اه بحبها ونفسى ترجعلى "

كان نفسى بجد الانسانه دى انساها وكونت بخدع نفسى وبقول انا فعلا نسيتها

بس اول مره احس انها واحشنى ونفسى اقولها على حاجات كتير حصلت ليا فى بعدها

نفسى اعرف يا ترى بجد وحشتها و لا كان زمان حبها ودلوقتى خلاص

ومقدرتش اكمل بعد كدا قولت كفايه كدا عشان اكيد فى يوم تانى هلاقى اسئله

اكتر من كدا واكيد فى يوم هقعد نفس القعده دى بينى وبين نفسى كدا

وافضفض من نفسى لنفسى كدا

وعشان كدا

قررت من بعدها انى لا يمكن فى يوم اهرب تانى من مواجهه نفسى حتى لو

هبقى غلطان وقتها لان بجد استغربت ازاى قدرت اواجه نفسى

فى الظلام وخوفت من النور يمكن عشان كونت خايف من انى اشوف نفسى فى الموقف دا ؟؟؟

بس الحمد لله النور رجع تانى والنسكافيه برد والحياه كملت

والموضوع عدى بس كونت حابب اقولكم حاجه بجد شدتينى

ومن قلبى وجوايا حسيتها وخوفت منها فى لحظه من اللحظات

64 التعليقات:

lostlove يقول...

سألت نفسي كتير
مارستش يوم على بر
أنا اللي فيا الخير ولا اللي فيا الشر
كلنا جونا السؤال ده وبجد نفسي اعرف ليه اجابه انا الي فيه الخير ولا الي فيه الشر مش عارفه بس بجد موضوع متالق كا العاده ومن كل قلبي اتمنالك السعاده

ريتاج يقول...

ربنا يسعدك

بجد انت حساس قوووووووووووى

كم احببت تواجدى عبر صفحتك

تقبل مودتى
ريتاج

اقصوصه يقول...

امم

امتع حديث حديث الذات :)

فشكووول يقول...

ازيك يا عمرو يا بتاع الجيتار

انت ليه عامل الموسيقى فى المدونة من طبقة البيز جيتار من على الـ مى

يا ترى هى دقات قلبك ولا ايه

ممكن تعمل لنا شويه ليد من على الـ مى جواب اللى هو الوتر التحتانى خالص ويكون الريشه فى ايدك خفيفه بحيث يظهر انه ناى او اورج من طبقة الجواب .. برضه حيكون يدى احساس الشجن خصوصا والجيتاره اللى معاك اسبانيولى من النوع الحساس.

وعلى فكره آلة الجيتار من الآلات اللى لها شخصيه وتضيف الى شخصية العازف .. اوعى تركن الجيتار تانى احسن صوابعك تتقل وييجى يوم وما تعرفش تعفق الاكورات زى الخيبه اللى جات لفشكول وما بقاش يعرف يعفق الاكورات خالص وكمان الليد(المولودى) بقى يهرب منه.عشان عفق الماجير بالذات عايز اصابع الواحد تفضل متعوده عليه وتتنقل من اكور لأكور بسهوله

تحياتى واشكرك على الزياره وارجوا ان تتكرر الزيارات

سلمى يقول...

زى ما انت يا عموره وزى ما كونت متالق فى المعهد وفى العزف متالق كمان فى الكتابه ولسه كمان فى حاجات كتير انا عارفه انك متالق فيها ولسه مظهرتش يا عموره انت بجد وحشتنا اوى وبجد نفسنا ترجع بالسلامه كل الناس فى المعهد بتسال عليك كل الاساتذه وكل الطلاب كلهم وحشهم خفه دمك وهزارك ورقتك واحترامك فى التعامل مع الكل ودا والله مش كلام انا بجد مفقتدك مفقتده حد يمكن فى فرق سن بينى وبينوا لكن اكبر منى بعقلوا واحساسو وكلامو وبجد نفسى اشوفك تانى لانك بجد وحشتينى

riham attya يقول...

وليه العذاب ده

حسيت كل حرف فى كلامك بس للاسف كلنا بنمر باللحظة دى لما بيفوت الوقت

لكن لما يكون اختيارك غلط من الاول

يبقى انت اللى بتعذب نفسك

وانا بدأت بنفسى انى عمرى تانى ماهعذب قلبى معايا

ولا اعذب نفسى فى سراب ماليوش وجود اسمه الحب


انت كلامك تعبنى اوى

بس السؤال اللى برده انا بساله لنفسى اللى انا بقوله ده صح ولا غلط

انا صح ولا غلط

انا فين وليه

انا عايزة ايه بالظبط

انا تعبانة اوى

بجد انا مش عارفة اشكرك

ولا اقولك حرام عليك

بس ممكن اقولك ربنا يسعدك

ويهديك للصح والطريق السليم

خوخه يقول...

اولا احب اشكرك لزيارتك مدونتي المتواضعه
ثانيا
كلنا بنمر بقصص حب بس بنضطر ننسى لاننا لازم ننسى


(تقبل مروري
تحياتي خوخه)

غير معرف يقول...

مبروك يا عمور بدايه النجاح ومكن انا اتعلمت منك وانت طالب عندى ان طريق الالف ميل بيبدء بخطوه قد ايه انا فرحان انك اخيرا لقيت نفسك مع انك حاجات كتير اوى كونت موهوب فيها زى الجيتار والكوره ودا بجد صعب انو يجتمع فى حد عرفت ازاى تكسب حب الناس ليك باحترامك ليهم وبجد المعهد كلو بيسال عليك من اول الفراشين وعمال الامن لحد الاساتذ بجد غيابك عمل فارق كبير اوى فى المعهد فى ناس كتير زعلت وسيبك من اللى فرحوا دول عشان نفسهم يبقوا مكانك وعمرهم ما هيبقوا مكانك لانك صعب تتعوض
من معلمك الذى احبك
أ\مصطفى

صاحبه الامتياز يقول...

زى ما انت متالق فى الميوزك ومتالق فى احساسك ومتالق كمان فى انك تصور الحياه بتاعتك قد ايه بسيطه وقد ايه سهله حتى كمان المشاعر عرفت تصورها ببساطه وتوصلها للى بيقرئ البوست دا يا عمرو انت بجد وحشتينى وحشت كل المعهد وحش كل الاساذته وكل الاصدقاء وحشنا دخولك وهزارك من اول بوابه المعهد لحد الروم بتاعت المحاضرات وحشنا اوى وجودك وسوالك عننا وحشنا حاجات كتير كانت بس بتنفع وانت معانا يا ريت ترجع تانى وان كان باعك فهو اللى خسران والانسانه دى مس تستحق يا عمرو انك تفكر فيها صدقينى يا عمرو فى ناس كتير اوى بعد ما مشيت طلعت بتحبك ومش هعيد كلام استاذ مصطفى لانو اكتر حد سال عليك بس اللى فرح بعد ما مشيت دول الناس اللى كانت بتغير منك ومينفعش اننا نديهم اكتر من حجمهم وبجد وحشتنا اوى وكلنا مستنينك اخونا قبل ما تكون صديقنا وحبيبنا انا هكتب النيم اللى انتى فى يوم سميتنى بيه

well يقول...

وانا بقرأ كلامك مقدرتش اقول الا كلمة واحدة
احساس فنان بجد انت فنان
"اه بحبها ونفسى ترجعلى " نفس الاجابة اللى بقولها كل يوم
مش عارف ليه حسيت ان انت تشبهنى
يمكن تكون شبهى فى الاحساس
عموما ...ان شاء الله مش هتكون اخر مرة اجى عندك
وامانة عليك ادعى لمصر حتى لو ....مش قادر اقولها
ادعى لمصر

حاجات جوايا يقول...

صعبة فعلا لحظات المواجهة وبنعملها حساب كبير
لكن بنرتاح اوى لما تحصل ونعرف نحدد الطريق الصح

نورت مدونتى بزيارتك اخى الفاضل
اتمنى دوام التواصل

lostlove يقول...

بجد يا عمور انته انسان حساس اوي وبجد الناس كلها بتحبك وده الي شفته من تعلقتهم والي ليه صحاب كده المفروض مش يكون فيه الحزن بتاعك ده

يارب تخرج من الحزن ده واكيد الانسانه ديه مش تستاهل حد زيك عشان انته بجد حد جميل في كل حاجه وتستاهل كل خير وسعاده يارب ومن قلبي اتمني اشوفك سعيد

ويارب يارب اشوفك اسعد انسان في الدنيا

ومش كل حاجه بتنمنها بتحقق ومش كل حلم بنحلم بيه بنعرف نحققو
وانته ارجع لجيتارك ولمزكتك وسيبك من الحزن والاسي وخرج كل ده في احلي كلام ع المدونه هنا وفي احلي الحان تعزفها علي جيتارك وانته بتشرب النسكافيه بليل وخليك في النور وابعد عن الضلمه وكويس اوي ان الانسان يواجه نفسوه
عشان محدش يعرف يجوباك غير نفسك هي الي عرفاك مش اي حد تاني
ومن كل قلبي اتمنالك الخير والسعاده يارب

نادر يقول...

احساس ملوش وصف وكلام جميل اكتر من رائع والاجمل انو محسوس اوى من كل اللى قرائه الاجمل انك انت كاتب الموضوع بطرقه خفيفه وهاديه ولذيذه اوى وصورت الحكايه بسهوله وقدمت رساله الموضوع بطريقه خفيفه خالص ودا اللى بيخلينى اقرئ لحد دلوقتى مواضيعك يا عموره

bassant يقول...

ميرسى كتيرررررررر بجد تهبل انتا احساسك جميل جدا ربنا يوفقك

إسكندرانية يقول...

نورت مدونتي
يا عمرو انا عرفت اسمك من تعلقيات
بس انا جاتلي صدمةةة

من تعليقك عندي

ارجعيلة؟؟؟؟؟؟؟؟؟؟؟
انا محكتش اي شيء تخليك تقول كدة

رجعت جيت عندك
لقيت بوستك انك نفسك ترجع لحبيبتك قلت يمكن
بتقول الكلام اللي عايز تقولة لنفسك

بس بردوا انت بتعتذر انك اتاخرت في تعليقك عندي

فرجعت احس تاني وكانك صديق او حد متعود انة يعلق عندي

انت جبتلي لخبطة
ههههههههههههههه

مدونة جميلةةة وتدل انك رومانسي
دومت بالف خير

فكرة من الزمن ده يقول...

جميل اوي انك شاركتنا اللحظة دي
لانها غريبة فعلا ان الانسان يلاقي اجبات من غير اسئلة
الطبيعي هو العكس
وخسارة ان النسكافية برد لكن اهم حاجة انك شحنت نفسك معنوية وعملت رفريش
تحياتي

shoshta_ joker يقول...

السلام عليكم.......
اول زيارة وان شاء الله مش الاخيرة .......مرسى ع زيارتك عندى ....بصراحة مش قرات البوست عشان دخلت ع السريع ..بسجل دخولى بس ....وان شاء الله وعد حقراه واقول رايى ...اعذرنى عشان ضيق الوقت بس.......دومت بخير...فى رعاية الله.
shemo

ЯậŇ MỗŘỹ يقول...

السلام عليكم و رحمة الله و بركاته
مدونتك حلوه كتير و البوست جميل قوى بيوصف الحاله اللى بمر بيها و برده زيك بيكون جوايا اجابات لاسئله معرفهاش احيانا بتكون اسئله انا خايفه اسألها لنفسى او بحاول أنساها بس بلاقى الاجابه بتهرب منى من غير ما تستأذن السؤال انها تجاوب عليه
فرحت جدا بمرورك على مدونتى
شكرا ليك

amirelhob يقول...

lostlove
ميرسى على تعليقك و صدقينى دورى جوا نفسك هتلاقى اجابات لكل اسالتك بس يمكن عليها شويه حواجز حاولى تشليها عشان توصلى للاجابات انا بالنسبه للتالق فدا اتعلموتا منكم ازاى اقدر احط للموضوع شكل منكم انتوا وميرسى على الامنيه الجميله دى وانا بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

ريتاج

السعاده دى امنيه ودعوه بجد ومن قلبى بشكرك عليها يا قمر لكن الاهم اننا نعمل الصح عشان هو دا اللى يوصلنا للسعاده اما بالنسبه لانى حساس فدا لانى اتعملت منكم ازاى اوصل احساسى ليكم ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

اقصوصه
ميرسى يا قمر على مرورك وحديث الذات فعلا جميل خاصه لما يكون بصفاء بينك وبين نفسك وصدقينى كل اللى بيعملوا كدا بيكسبوا كتير وبيخسروا ساعات بس اللى بيخسراه بيبقى اقل كتير من اللى كسبوه ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

فشكول
نفسى اتكلم معاك عن الجيتار كتير بس انا بجد بعد خساره مصر حاسس انى فاقد النطق فاقد لقدره على التعبير والتفكير بس صدقينى انا كونت موهوب اوى فى الجيتار كونت بعزف مقاطع كتير بس حصل ليا حادثه خليتنى فترا كتير اوى ابعد عن انى المس الاوتار حتى لما رجعت تانى مبقتش زى الاول فقدت ساعتها عمرو اللى جوايا بقيت عمرو واحد تانى حزين بس اوعدك انى هكرر زيارتى ليك واجيلك واتكلم معاك عن الجيتار
ومن قلبى بشكرك على زيارتك وتنوريك المدونه وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

سلمى
وحشتينى ووحشنى كل الفرقه وكل المعهد اسف ن لظروف كانت اقوى من ومقدرتش فى يوم انفذ وعدى واكمل معاكم بس دايما فى حاجه بتشدينى ليكم وبتفكرنى اوى بادق التفاصيل والذكريات معاكم ومع الاساتذه من اول حفله لحد يوم تجمعنا فى الكافتريا وانا عمرى ما زعلت من حد ولكل حد بيحبنى انا كمان بحبك اكتر ومن قلبى بتمنلكم كلكم كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

riham attya

شكرا على زيارتك وبجد نورتى وبجد الكومنت دا خلانى احس فعلا ان الموضوع محسوس بس صدقينى لو سالتى نفس الاساله دى بينك وبين نفسك هتلاقى اجابات كتير يمكن مش هيكون ليه اساله بس هتلقى ليه بعدين فى حياتك ام ابالنسبه مش عارفه تقولى ليا ايه انا عن نفسى هتقبل الاتنين لانك شكلك صريحه جدا ودا عمروا ما يزعلنى انا بتقبل التحيه والنقد عادى لانك زى اختى ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

خوخه
اولا مدونتك عابجتنى وعشان كدا زورتك وكتبت كومنت عندك وبالنسبه لمرورك دى حاجه تسعدينى ونورك بجد ينور اى مدونه ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

أ\ مصطفى
ملمى الفاضل واستاذى الجليل يا من علمتينى بدايت العزف وكيفيه مسك الوتريات اشكرك على فضلك الكبير عليا وبجد وحشتينى انت وكل الاساتذه وربنا انا بحبكم ووحشنى الهزار معاكم واحترام المتبادل بينا وحشنى المعهد كلو من اول الفراشين والاستذه اللى عمرى ما هفرق بينهم لانهم كلهم بشر وسلامى ليك وللجميع واكيد هاجى قريب واقبلك و ارجع تانى وابقى فرد منكم بيتعلم منكم القيم والاخلاق والاحترام وكمان اصول الموسيقى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

جارة القمر يقول...

مش عارفة ليه حسيت بكلامك اوي وكأنك بتكتب عن كل واحد فينا عايش بأحاسيسنا وبمشاعرنا
لحظة الوحدة ومواجهة النفس ممكن تكون قاسيين فيها على نفسنا لكن بنطلع بنتيجة مكنا فاهمينها وبنفهمها اننا لازم ننتبه لنفسنا ونعيش الحياة واللي يبيعنا ماندورش عليه لو عايزنا حيسأل علينا تاني

بجد انت رائع ويسلمو كتير على كلامك الرايق


:)

amirelhob يقول...

صاحبه الامتياز
اكيد عرفتك يا قمر ولا يمكن انسى ذكريات اجمل صديقه واجمل بنوته وحشتينى ووحشنى كل الاصحاب وبتمنى انى ارجعلكم كلكم واى حد بيحبنى سلميلى عليه واى حد تانى بلاغى ليه امنياتى بالتوفيق والصحه واكيد هنرجع تانى نعمل حفلات مع بعض يا قمر ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

well
للاسف رينا وقف جنب المنتخب الشقيق الجزائرى و زى ما بيقولوه قدر الله ما شاء فعل وخيرها فى غيرها واكيد ربنا شايل لينا الخير ومخبى لينا الفحره الكبيره بعدين ومعلش مش كل حاجه حلوه بنحلم بيها بناخدها و اما بخصوص موضوع احساس فنان فدا اكيد عندك وعند كل الناس وميرسى بجد على كلامك الجميل دا ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر  

amirelhob يقول...

حاجات جوايا
زى ما انا نورت مدونتك على ح كلامك انتى زدتى المدونه نور فوق نورها وبجد تسلمى على كلامك الجميل دا ومن قلبى بجد بتمنلك كل خير وسعاده وصحه وتوفيق وانك تزوينى تانى

amirelhob يقول...

نادر
ميرسى انك نورتينى تانى ورجعتلى تانى وبدات تعلقى على مواضيعى وبجد فرحان بوجود ومن قلبى بتمنلك كل خبر وسعاده وصحه وتوفيق وفرح

amirelhob يقول...

bassant
ميرسى على تواجدك فى المدونه وتعليقك الجميل وميرسى بجد انك نوريتنى ويا رب متبقاش اخر مره ومن قلبى بجد بتمنلك كل خير وسعاده وصحه وتوفيق و فرح وابتسامه تدوم يا رب طول العمر

amirelhob يقول...

إسكندرانية
معلش على اللخبطه اللى حصلت دى ومن قلبى بجد اشيفك منوره الاكسات ومدونتك لذيذه جدا وبتمنى انك تزورينى تانى وبجد رغم انى زعلان من الغبطهدى انما مبسوط انها كانت سبب انك تنورينى وبعدين الرومانسيه موجوده جوا كل واحد فينا بس اللى يعرف يظهره ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

فكره من الزمن ده
ميرسى على وجودك وفعلا انا نقلت احساسى عشان تشاركونى فيه وبتمنى انكم فى يوم تشاركونى احساسكم لانى بجد دا بيقربنى منكم اوى وبتمنى كل يوم انى اقرب منكم اكتر
وبالنسبه للنسكافيه مش مشكله انو برد انا كدا كدا اصلا مش بعرف اعملوا كويس
ومن قلبى بتمنى تزورينى تانى وبتمنلك كل خير وسعاده و صحه وتوفيق وفرح وابتسامه تدوم يا رب طول العمر

amirelhob يقول...

shemo
وعليكم السلام يا شيمو ومن قلبى بتمنى تانى انها متكونش فعلا اخر مره وتزورينى تانى وبتمنى انك تقرئ المواضيع بعد كدا على مهلك وهستنا رد تانى ليكى ومن قلبى بج بتمنلك كل خير وسعاده وصحه وتوفيق وفرح وابتسامه

amirelhob يقول...

روح بلا فرح
وعليكم السلام رغم ان اسمك يبان منك انك شخصيه نوعا ما حزينه بس جميل اوى انك تزورينى وتنورينى ويا ريت فى يوم لو لقيتى اجابه من غير سوال افضلى دايما وراء السوال لحد ما تعرفيه عشان ترتاحى وبجد صدقينى يمكن يبان انو فى الاول صعب لكن بعد كدا هتلاقيه بجد ساهله ومن قلبى بتمنى انك تلاقى كل الاساله لكل اجابتك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

جارة القمر
انا فعلا بتكلم عن كل واحد فيكم لانى انا واحد منكم وحابب انو يكون احساسى هو نفس احساسكم ومن قلبى بحاول اقرب منكم عشان تقبلونى صديق ليكم ومش بس ليكم لا واحد منكم حتى لو اقل واحد فيكم بس هبقى اسعد واحد لانى اكيد هلاقى فيكم الاخ والاخت ومن قلبى بتمنى دايما للجميع كل خير وسعاده وصحه وتوفيق وفرح وابتسامه تدوم يا رب طول العمر

shoshta_ joker يقول...

السلام عليكم.......
رجعت اقرا البوست زى موعدتك ...وقراته فعلا وحعلق ....بجد فرحانه اووووى انى عرفت مدونة حد زيك احساسك عالى اووووى حسيت فى كلامك ان انا الى بتكلم الكلام وجعنى عشان حسيته لنفسى .....وفكرنى بحجات مكنتش عاوزة افتكرها ....الاجابة الى لقتها جواك كانت صعبة جدا .....وانك تواجه نفسك اصعب بس اوقات كتير بتريح ....الفترة الى فاتت دايما بهرب من انى اقف الوقف دا مع نفسى ولزلت بس تعبت محتاجة اعمل كده.......مرسى ع بوستك فرق معايا كتير شخصيا.....نفسى اتعلم جيتار اوى ع فكرة ربنا يسهل ....حاجى هنا ع طوا ل ان شاء الله .......دومت بخير..فى رعاية الله.
shemo

amirelhob يقول...

shemo
مرسيى على انك منستيش وعدك وميرسى اكتر انك نورتى المدونه وميرسى على انك خدتى بالك من كل كلمه وقرتيها وميرسى كمان على رايك بس لو انتى فعلا عايزه تقفى مع نفسك نفس الوقفه يا ريت تبقى بسرعه عشان تلحقى توجهى نفسك قبل ما المشاكل تتراكم عليكى ومن قلبىبتمنى انك تزورينى تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

غير معرف يقول...

برغم إني مش فاهم هو إيه اللي صعب يتصدق في مدونتي

يمكن تقصد إنها رائعة بشكل لا يصدق

هههههههه

لا بجد
يشرفني مرورك
وأتمني نكون جيران
بس عايز منك توضيح
علي إيه اللي مش عاجبك في المدونه

بالتوفيق دائما

amirelhob يقول...

blackshwak
نورتى المدونه وبتمنى تتكرر الزياره تانى وايكد بقينا جيران ومن قلبى بشكر بجد المرو الجميل دا وبتمنلك كل خير وسعاده و صحه وتوفيق وفرح وابتسامه تدوم يا رب طول العمر

hayoomaa يقول...

ندك حق كلنا بندور علي اجابات لاسئله كلنا بندور احنا مين احنا صح ولا غلط كلنا جوانا الاسئله دي
ههههههههههه وسبحان الله كلنا لما نيجي نسالها منلاقيش حد جمبنا يرد علينا او بمعني اصح مش لاقيه يمكن حتي مش واثق ممكن يفيدك ولا لا
معظم اصلا اللي بيحبوا الجيتار وبيعزفوا عليه بيكونون دايما شويه انطوائين عاوزين دايما يقعدوا لوحدهم مع ان الاصحاب موجودين بس هما شويه حساسين


حلوة البلوج وحلوة الدونه علي فكره اسمها جذبني قلت اشوف في ايه قال يعني انا ناقصه اشتغالات


ماعلينا يارب مكنتش تقلت عليك وهتلاقيني اكيد في ادراجات جديد


تحياتي

دعاء العطار يقول...

بالرغم ان لحظات المواجهه صعبه جدااا لانها بتكشفلنا حاجات مش عايزين نأكدها لنفسنا الا ان ماينفعش نهرب من مواجهة نفسنا لان الهروب مش هينفعنا بحاجه هتيجى لحظه وهنحتاج نصارح نفسنا فالاحسن اننا مانهربش من مواجهتها

وصدقنى لما تصارح نفسك وتواجهها هتفهم نفسك اوووى وهتعرف انت فين وعايز ايه

بوست جميل

دمت بود

miroooo يقول...

السلام عليكم
الصراحه انا اول مره ازورك بس مش هتكون اخر مره ان شاء الله واحب اعبر عن اعجابى بالبوست الجميل ده واكيد هازورك تانى ان شاء الله لان شكل مدونتك تحفه تقبل مرورى و بالتوفيق

amirelhob يقول...

hayoomaa

نورتى يا قمر وعمرك ما تكونى تقلتى عليا دا انتى تزيدينى شرف ونور
اما بالنسبه لموضوع ان دايما اللى بيحبوا الجيتار انطوائين دا مش صحيح والله انا اجتماعى جدا بس يمكن فى رحلتى كلها ملقتش صاحب بجد اى حد كان بيبان انو صاحب كان بيبقى وراه هدف من الصداقه دى لكن انا بجد لو لقيت الصديق الصح اللى يخاف عليا قبل ما يخاف على مصلحتوا اكيد مش هبقى وحيدومن قلبى بتمنلك يا قمر تنورينى تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

dodoo
انا عن نفسى وجهت نفسى خالص عشان اعرف جاى منين ورايح فين خدت ايه وسبت ايه كسبت كتير ولا خسرت اكتر فكرت قبل م فوات الاوانقبل ما ارجع واقول يا ريت ما جرى ويا ريت ما كان بتمنى انى القى ناس كتير اوى زى تكون عملت كدا مش عشان انا دايما صح بس عشان هما كمان يرتاحوا يمكن يزعلوا من نفسهم شويه فى المواجهه لكن بجد بعدها هيرتاحوا ومن قلبى بتمنى انك تزورينى تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

miroooo
مبسوط اوى انك زورتينى ومبسوط اكتر انك نورتينى ومبسوط من تعليقك على المدونه وكلام الحلو فيها بس انا لسه فى الاول لسه مبقتاش حاجه جنب ناس من قبلى وتعبت بجد واحسن منى كتير وانا بصراحه ومش هنكر اتعلمت منهم ومش هذكر اسماء لانى اخاف انسى اسم ابقى ظلمتوا بس اكيد اتعلمت من كل واحد وواحده فيكم حاجه عشان شوفتكم اخ واخت قبل ما تكونوا مجرد اصدقاء ومن قلبى بجد بتمنلك كل خير وسعاده وصحه وتوفيق و فرح وابتسامه تدوم يا رب طول العمر

خوخه يقول...

شكراااااااااا كتير يا امير الحب
على فكره انا احب الموسيقى جداااااااا
وخصوصا عمر خيرت
بالمناسبه هي الموسيقى اللي ع البلوج عندك
انت اللي عازفها؟؟؟
بجد حلوه كتير

فشكووول يقول...

شد حيلك يا عمرو وارجع لنفسك بسرعه واتعافى من حالتك النفسيه.. وانت ترجع زى الاول واحسن كمان

Unknown يقول...

عندك حس موسيقى
وكمان بتعزف ودرست
وتريات ....يابختك:)

rony يقول...

انا اول مره ازور المدونه
وان شاء الله مش الاخيره
عارف احلى حاجه فى البوست ده ايه؟
انه تلقائى جداوطالع من القلب
يا رب هى كمان تكون حاساك وواحشها
زى ما هى واحشاك
بس كنت عايزه اقولك ان كل واحد فينا
جواه الف سؤال لكن مالهومش اجابه
كويس ان انت عندك الاجابه وده اريح
بكتييييييييييييييييير
ربنا يوفقك ويفرح قلبك
وشكرا على زيارتك ليا
تحياتى

ريمان يقول...

انتى بتعزفى ع الجيتاار


فكرتينى بايام زمان


كنت بعزف على الكمنجه


وبجد كنت بحبها اوى

بس سيبتها الوقتى

:(

Unknown يقول...

بالفعل إنها لحظات صعبة
وأسعد الله أوقاتك
تحياتى
ويبقى التواصل
أرجو دوام التواصل على الرابط التالى
http://fairsan.blogspot.com/

amirelhob يقول...

خوخه
ميرسى على انك نورتينى يا قمر وبجد بفرح اوى لما القى حد بيسمع عمر خيرت بس الاحلى لما يحس موسيقتوا مش بس يحسه والميوزك دا اذاعه مش انا اللى بعزفها للاسف ومن قلبى بتمنى انك تزورينى تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

فشكول
متخافش عليا انا بيكم اقوى من اى وقت هو يمكن بس ببعد لظروف خارجه عن ارادتى او لحزن نوعا ما لكن مجرد ما بدخل واقرى الكومنتس الجميل بتاع كل واحد او واحد ه فيكم بحس لسه انى لسه عايش وموجود ومن قلبى بتمنلك دوام التوفيق والصحه والفرح

amirelhob يقول...

rony
بجد كومنت جميل وميرسى اوى على كلامك اللى اكتر من رائع دا وبجد كتير عليا لكن صدقينى الاجابات لما تبقى موجوده من غير اسئله صعب لانك ساعتها بتتغلبطى مبتبقيش عارفه دا ايه حاله وتعدى ولا حاجه من جواكى بدور على الاسئله طول عمرها
بتمنى انك تزورينى تانى يا رب ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

ريمان
نورتى المدونه بجد و ياريت تحاولى ترجعى تانى للعزف قبل ما تنسى وتبقى زى كدا ولا حاسه ولا فارق معاكى وتحسى انك حتى فقدتى القدره على لمس الاوتار ومن قلبى بتمنى انك تزورينى تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

norahaty
تقدرى تبقى زى يا قمر وتعزفى احسن منى كمان وتدرسى العزف بس لو انتى فعلا من جواكى عايزها كدا بجد عاجبنى اوى انك نورتينى وعاجبنى اكتر انك حسدتينى لكن بتمنى انك تزورينى تانى ومن قلبى بتمنلك وبتمنى للكل الخير والسعاده والصحه والتوفيق والفرح والابتسامه اللى تدوم يا رب طول العمر

riri يقول...

بش عارفه خايفه بجد احسدك بس ففى نفس الوقت بش عارفه هحسدك على ايه ماانت برضو لاقيت اجابات بس بش لاقيت اسئله
وسبحان الله ايدى جبتنى عندك فى وقت غريب الملامح وكنت بقرا وانا بكلم نفسى
بس ااقولك عشان نخرج من جوه الكابه ده
انا بحب جداااااااا الجيتار وكنت لما بشوف اى حد بيعزف عليه كنت بقف واتفرج وكنت كتير اوووى بقعد اصقف جامد واتمنيت كتير ان كان يبقى عندى الموهبه دى او اتعلمها بس كان ربنا مدينى موهبه تانيه الرسم بس كنت بحس ان الجيتار ده اله الاحساس بتقدر توصل كل الا جواك من خلال صوت الاوتار بتاعت الجيتار لكن الرسم على الورق بش صوت
بش عارفه انا الكلام الا انا كتبه لى علاقه بالا انت كتبوه ولا لاء بس لاقيت نفسى برغى وراغيت
بس حلوه اوووى الاغنيه الا انت بدءت بيها

amirelhob يقول...

riri
مش مهم الكلام يكون له دعوه بالبوست الاهم انك نورتيثنى بزيارتك وانا بجد فرحان انك نورتينى هنا ومش معنى انك بترسمى انك اقل من انك تعزفى انتى يمكن احسن منى كمان لان ساعات لما نسمع الحقيقه بيبقى صعب لكن بيبقى اصعب لو شوفنها انتى ممكن تخلى رسوماتك تنطق وتتسمع قبل ما تتشاف سعيد اوى بوجودك هنا وسعيد اكتر بالكومنت الجميل دا ومن قلبى بجد بتمنلك كل خير وسعاده و صحه وتوفيق وفرح وابتسامه تدوم يا رب طول العمر

دموع الورد يقول...

كم جميل موضوعك
تألق ولك كل التقدير والاحترام

amirelhob يقول...

دموع الورد
مرسيى على مرورك الجميل ويا رب متبقاش اخر مره ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

سكرة يقول...

بجد جميل اووووووووى ياعمرو

واجمل ما فيك انك وجهت نفسك
وياريت تكلم حبيبتك وترجع حبك
وده منتهى القوة ربنا يوفقك ويسعدك

amirelhob يقول...

سكرة
الاجمل من انى وجهت نفسى انك نورتينى ودا اسعدنى اوى ومن قلبى بجد فرحان ان القمر نورنى ومن قلبى كمان بتمنلك كل خير وسعاده وصحه وتوفيق وفرح وابتسامه تدوم يا رب طول العمر