جد من غير اشتغالات







عارف انو موضوع غريب وبعد فتراغياب كبيره اوى عنكم بجد وحشتونى
يمكن الموضوع غريب لانو ناس كتير اوى ممكن تكون عاشتوا وفرحت بيه
وناس ممكن تكون فاكره لانو كان ذكرى لحد جميل ودا اللى اغرب ما فيه



نبدا موضوعنا ونقول فى الاول يا رب تبقى كل السنه كلها حب
وفرح وسعاده لكل الناس

كلنا فى عيد الحب دا او عيد الحب التانى بنفكر بجد فى اللى بنحبوا
مش لاننا طول السنه ناسينوا لكن عشان اليوم دا ليه ذكرى
فى كل واحد فينا فى حكايه وحدوته كل حبيب بيستنى من الطرف التانى
هديه كلمه بحبك كلمه حبيبى ووحشتينى كل دى كلامات فى عيد الحب ليها معنى تانى
واحساس تانى غير اى احساس قبل كدا كل اللى بيحبوا بجد ما بيصدقوا اى فرصه عشان
يظهروا حبهم للطرف التانى ناس بتتعمد تهتم بناس فى اليوم دا على امل انهم يحسوا بيهم
وباللى فى قلوبهم

كلنا حبينا وعشنا لحظات جميله وبنفتكرها الحلو منها والوحش وبنفتكر اول لمسه ايد
واول ضحكه اول مسج من الحبيب واول رنه واول كلمه واول مره اتقبلنا فيها
اول مره سمعنا صوته واول كلمه نطقها ساعات بتحكم الظروف اننا نفتكر
الذكريات دى لوحدنا وميبقاش معانا الطرف التانى لظروف غصب عننا ودا بيبقى
خارج عن ارادتنا لكنبتبقى الذكرى بردو جميله
حتى لو الحد صاحب الذكرى دا كان جرحنا وغلط فينا
داس على حبنا ونسيه بردو بتفضل الذكريات جميله لانها
بتفكرنا بلحظات قلبنا دق فيها بجد مكنش مستنى اى مقابل
اوقات حسينا فيها بجد بالامان والدفء فى عز البرد
فرح فى اصعب اوقات الحزن حد كان بيمسح دموعنا فى اوقات جرحنا
وعشان كدا بقول لاى حد مزعل حد ولسه بيحبوا كلموا يمكن ربنا
يوفقكم وترجعوا يمكن ايامكم بعد الفرقا ترجع تانى يمكن تبقى قصه جميله
بعد كدا والدنيا تكلم عنها اى حد جرح حد اتاسف ليه يمكن يسمحك وتبقى
اجمل ذكرى ليك فى اجمل عيد حب


نروح بقى للناس اللى لسه بتحب وحبيبها معاها او حبيبتو معاه
ايام جميله وفرح واحلام جميله ضحك وهزار وفرفشه
خروج وفسح وجرى ودردشه
لمسه ايد وضحكه من بين الشفايف ابتسامه
تنور الليل اللى من غير قمر همسه فى قلوبنا
يوم لا يمكن يتنسى من اجمل ما يمكن احساس يخدك لبعيد وتطير معاه
ايام لا يمكن تتنسى احلام وذكريات وحكايات وحودايت بتتقال
قصص حب تتحكى ودروس بتتعلم وتتفهم
عواطف بتتحرك احساسيس بتتولد كل دا عشان حسينا ان الدنيا كلها بجد بتحب
فى وقت واحد وخايفه على بعض اوى ومش قادر تستنى عن بعض ودا
اللى بيخلنى نكمل اكتر ويشجعنا عشان نقوى حبنا ونقرب من اللى بنحبوا اكتر واكتر




ربنا يسعدكم ويوفقكم تلقوا حب يريح بالكم ويطمنكم على ايامكم
ايد تطبطب عليكم فى ايام الوجع والتعب
صوت حنين يطمنكم على احلامكم ويقولكم هنعيش معاكم ايامكم
بالحلو والمر فيها بالحزن قبل الفرح حد يدفيكم فى برد الشتا
وربنا يجمعكم معاه فى بيت واحد جسدين بروح واحده
ويسعدكم

20 التعليقات:

سلمى يقول...

موضوع جميل تسلم ايدك يا قمر على الموضوع الحلو اوى دا وانا فعلا حبيبى كلمنى النهاردا ورجعنا لبعض بس انا خايفه انو يرجع يجرحنى تانى وخصوصا انو داس على قلبى بجد ومش عارف اعمل ايه يا عمرو تفتكر ارجع فعلا واسامح ولا ابعد عنو ومرجعش تانى ابدا

بوسى يقول...

موضوع حلو يا عموره وباااااااااك جميل جدا وبجد وحشتنا فعلا وكلامك كمان وحشنا ومواضيعك كمان وانا فعلا كونت ناسيه ان النهاردا عيد الحب بس وانا بلقب على النت عرفت وخدت بالى ودا بجد الحى حاجه لانى غيرت يومى كلو وقومت خرجت اتفرج على البلد وهى كبلها احمر واحلى حاجه خدمه النشر عندك لما بتنشر موضوع بيجى مسج انك عملت حاجه جديده بجد تسلم ايدك وبعدين انتوا بعدتو مره واحده ليه انت وشيمو سمسمه ولا انتوا عايزن تزعلنوا منكم بجد لازم ترجعوا تانى وبمواضيع تانيه احلى واكبر وربنا يوفقكم كلكم كدا ويا رب يا عمرو تكون بتحب كدا عان اطمن عليك يا ابنى

lostlove يقول...

كل عيد حب وانته الحب فيه ويارب يكون اسعد عيد حب عليك
سلملي حبيبتي الي بيحب حد بيسامح ارجعي لحبيبك واديلو فرصه تاني وعيشي علي امل انو يتغير ومش تخافي وبازن الله ربنا ش هيجب جرح

بوسي انا اختفيت فتره بس اكيد في موضوع هينزل ليه قريب
سمسمه بقي الي مش عارفه اختفت ليه لاكن اككد ليكم انا وعمور مش هنختفي تاني خالص ولا هنغيب عنكم
سلامي ليكم جميعا يا احلي ناس

نوسه يقول...

اكتر حاجه فى الموضوع يا عمور انك بتتكلم بكل بساطه ومن غير كلام كبير ولا معقد بتقول اللى جواك واللى انت حاسو بتخلى احساسك كلام بيتكتب ويتحس ويتقرئ وعشان كدا الناس بتوصل لكلامك من قلبها وتحسوا بسرعه وتقراها وتعلق عليه لانها بتحس الكلام من قلبها هخى وانا واحده منهم

سمير يقول...

مدونه جميله يمكن انا اول مره ادخله لكن هدخلها كل يوم لان كلامها عاجبنى اوى ويمكن انا لسه مقرتش كل المواضيع بس هقرئهم دلوقتى ويا رب المواضيع تبقى احلى واجمل واروع من كدا ويا رب من نجاح لنجاح ويا ريت تقلبلونى صديق ليكم هنا

حتومه يقول...

موضوعك جميل جدا يا عموره وتسلم ايدك والحمد لله لحقتنا عشان ننزل نجيب الهددايا

بسمه يقول...

بجد كلام جميل اووووووووووووووووووووووووووووووى وبجد ايوه كده بقى ارجعوا تانى ورجعوا المواضيع الحلوه والكلام الجميل بس بردو عايزن حبه مواضيع شقيه من اللى يودوا فى داهيه ولا انتوا خفتوا ؟؟؟؟؟؟
انا بستفزكم عشان تكتبوا مواضيع علفكرا وربنا يوفقكم يا رب

هبه يقول...

ايه يا عموره فينك هو انت بقيت بتكتب موضوع كل اسبوع ولا ايه انت مواضيعك كانت مغرقه المدونه وفين مواضيع شيمو بقالها كام يوم غايبه ليه وفين مواضيعها ويلا يا جماعه ارجعوا بسرعه تانى احنا عايزنكم اوى

غير معرف يقول...

انا متنى المواضيع اللى جياه يلا بقى مش تتاخروا علينا احنا بنيجى كل يوم عشان نقرئ المواضيع دى وبجد احلةى مدونه بس حاسس ان ناقصها حاجه لسه


سوسه

حازم يقول...

جد موضوع حلو بس انا بكتب تعلقيات كتير ومش بتظهر ليه
على العموم انا سعيد انى بقرئ موضيكم دى لانها بجد تجنن وبجد ليه هدف وعشان كدا انا عايز اشترك معاكم دا طبعا بعد اذنكم عشان اساعدكم شويه واقدر اعبر عن راى اللى هو تقريبا مشابع لرايكم وبجد ربنا يوفقك يا رب

2

نانسى يقول...

عمرو عايزه ابقى معاك فى المدونه لانى بجد عايزو اكتب حاجات كتير اوى فى الشارع مضيقنى والناس حاسه بيها وبجد نفسى اكون قريبه منك ومن كل اللى هنا فى المدونه ويا رب تكبر وتنجح يا عمور انت واللى معاك

غير معرف يقول...

موضوع جامد وتسلم ايدك على المجهود الرائع يا فنان وبجد انت زى اسامه منير وكلامك معقول وجميل وبجد بتفهم ويا ريت تقول سنك عشان نعرف انت كم سنه يا مان

amirelhob يقول...

اسف على التاخير فى الرد على الكومنت دا كلو بس انا بقولك يا سلمى ارجعى ليه ومتخافيش اللى بيعرف قيمه حد لا يمكن يبعد عنوا تانى صدقينى لانو بيبقى اتعذب فى بعدوا بجد ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

بوسى
اشسف ليكم كلكم على الغياب لكن والله غصب عنى ومش بايدى ظروفى بقى اعمل ايه لكن اودعك مش هبعد تانى واوعدكم كلكم انى هفضل هنا مكانى معاكم منكم وليكم بكتب واستنى ردودكم يا اغلى ناس عرفتها وحبى بمعرفتكم

amirelhob يقول...

lostlove
متالقه دايما فى ردودك وفى مواضيعك منوره المدونه يوم بعد يوم وربنا يوفقك فى حياتك ويسعدك ومن قلبى بتمنى ليكى الخير والفرحه والابتسامه وبتمنى اشوفك دايما معانا

amirelhob يقول...

نوسه
البساطه اتعلمتها منكم انتوا ومش ممكن فى يوم كونت اتكلم الا عشان اقول راي ليكم الا لو حسيت انكم هتقفه جنبى وتردودا لعى كلامى وتسلمى يا قمر على تعليقك دا

amirelhob يقول...

سمير
تنور كل يوم يا حبى وهستناك ويا رب تقول رايك فى المواضيع وبجد بتمنى انك تنورنا علطول

amirelhob يقول...

حتومه وبسمه

اوعدكم انكم تلقوا الاحسن بعد كدا علطول لانى بجد الفترا اللى فاتت كونت مشغول شويه لكن ربنا يعلم انا قد ايه مستنى انى ارجعلكم واعمل باك فى مواضيع حلوه رغم انى هتخلى شويه عن الدور الرئيسى وهى انى احط عينى على اى فساد

amirelhob يقول...

هبه وحازم
بجد انا عارف انكم متابعين من كتير وميرسى بجد على انكم واقفين جانبى من زمان وبتشجعونى على انى اكون احسن وعمرى ما هنسى ليكم الكلام الحلو دا وربنا يوفقكم

amirelhob يقول...

نانسى
فى اى وقت يا قمر ادينى اسم حسابك وانا هضيفك واكيد هتفيدينى وتنورينى فى المدونه وانا بقبل اى حد جديد طالم انو هيضيف للمدونه كلام جميل وفكر جديد ومن قلبى بتمنلك كل خير وسعاده وصحه وتوفيق وفرح وباتسامه تدوم يا رب طول العمر