ادّلـــــــــع عليّه ولا يهمّــــــــــك


ادّلـــــــــع عليّه ولا يهمّــــــــــك......فى عنيّه أشيلك وأضمّـــــــــك

داانت ابتســــــامتك تسحرنـى....وافـــرح مــــع خفّة دمّـــــــــــك

قلبك كبيـــــر مليـــان بالحــــب....ومعاك حبيبى عرفت الحـــــب

دنا لو بروحى أطــوف الدنيـــــا....شمال جنوب أو شرق وغـرب

ألاقى تانــــــــى زيّــــك فيــــن....جمــال ورقّه وطيبـــة قلـــــب

أعرفنـــــــى ولا تزعـــــل منّى....ده ف قلبى من جوّه أسمــك

ادّلـــــــــع عليّه ولا يهمّــــــــــك......فى عنيّه أشيلك وأضمّـــــــــك

شفت فى عيونك بحر حنـــان....وانا معـــــاك أشعــــر بامــــان

من يوم ماشـــفتك وعرفتــك....وقلبـــى مايجيب غير سيرتك

ومعاك نســيت أيامى زمـــان....وزمــانى ابتدا مـــع حبّــــــــك

وزمــانى ابتدا مـــع حبّــــــــك....كل اللى عشته لوحدى زمان

حرمان ووحـــــده فيها هـــوان....حـــبّى وحبّك حـب حقيـــــقى

وطريـــــق حياتك هو طريـقى....وف قلبـــى من جوّه رسمــك

ادّلـــــــــع عليّه ولا يهمّــــــــــك......فى عنيّه أشيلك وأضمّـــــــــك

داانت ابتســــامتك تسحـرنى....واموت أنــــا فى خفّة دمّــــك

تحياتى ياسمين





10 التعليقات:

amirelhob يقول...

جميله اوى الكلام دا يا ياسمين ويا رب الكلام دا يبقى مصورد بيه شخص معين يا رب ويسعدك معاه ويا رب الكلام دا يبقى بجد جوا كل الناس اللى بتحب بجد لان ساعات بيبقى الكلام اقل من الاحساس وبيبقى فى بحر لا يمكن حد يحسوا غير اللى بيبقى جوا الحب جميل والاحساس بيه اجمل بس الاهم ان احتيجنا للحب ميخلناش ندوس على كرامتنا او نهدم حاجات كانت جميله فى قلبونا كلامك جميل جدا وشكلو حلو ويتصدق بس الكلام بيبقى احلى لما بيبقى من القلب
وايكد الكلام دا من قلبك لانك حد نضيف اوى وكويس ولسه فيه طيبيبه ولاد البلد وربنا يوفقك يا رب ويسعدك ومواضيعك انتى والقمر شيمو تغرق المدونه عشان الناس بدات تحب مواضيعكم اوى وتقراها كل يوم والتعليقات على كلامكم بجد بيفرحنى لان بحس ان انا اللى ناجح مش انتوا وربنا يسعدكم وتفضلوا يا رب ايد واحده

رانيا يقول...

بااااااااك جامد يا سمسمه وربنا يوفقك والكلام داحلو جدا والله وانا بعد اذنك هخلى خطيبى يقراه لانى هنقله ليه وادهوله فى الجامعه وبجد كلام حلو اوى وفعلا هما كدا الولاد يدلعوه علينا بس بردو منقدرش نستغنى عنهم ومبروك على ان عمرو اول كومنت ليكى على الموضوع ودا معناه انكم رجعتوا تانى اقوى من الاول وربنا يسعدكم يا رب كل يوم وكل دقيقه وكل ساعه

نور يقول...

روح بقى يا عمرو خلاص البنات كلت منك الجو عشان تعرف ان البنات احسن من الولاد وكلو منك الجو بس برد ومقدرش استغنى عنك يا قمر ويا رب تبقى معانا دايما وتقول رايك ومواضيعك الحلو دى قدام الكل ومبروك بجد الموضوع جامد جدا ورائع فعلا وهابى فالنتين داى يا عموره انت وكل الناس اللى هنا ومش ناوى بقى تعزمنا على اى حاجه قريب ولا انت بخيل متخافش هجبلك معايا هديه
ههههههههه

بوسى يقول...

الله على الكلام الجميل دا والله بجد على الكلمات اللى ممكن تخلى اى حد يحب لان الكلام اللحلو بيدخل القلب ومش محتاج
اى وسيط او محخاج اى تعليق لكن اى تعليق لا يمكن يوصف الكلام الحلو دا

هبه يقول...

الله على كلامك اللى بجحد جميل اوى دا ويسحر ويجنن انتى روامنسيه اوى وانا بتمنى انى احب واحده زيك كدا يكون كلامها حلو كدا ويا ريت تبقى تردى على التعليقات يا ياسمين يا ترى انتى مرتطبه ولا لا ويا ترى الكلام دا مقصود بيه حبيب فعلا ولا من القلب

حزومه يقول...

جد موضوع حلو بس انا بكتب تعلقيات كتير ومش بتظهر ليه
على العموم انا سعيد انى بقرئ موضيكم دى لانها بجد تجنن وبجد ليه هدف وعشان كدا انا عايز اشترك معاكم دا طبعا بعد اذنكم عشان اساعدكم شويه واقدر اعبر عن راى اللى هو تقريبا مشابع لرايكم وبجد ربنا يوفقك يا رب

2

نانسى يقول...

عمرو عايزه ابقى معاك فى المدونه لانى بجد عايزو اكتب حاجات كتير اوى فى الشارع مضيقنى والناس حاسه بيها وبجد نفسى اكون قريبه منك ومن كل اللى هنا فى المدونه ويا رب تكبر وتنجح يا عمور انت واللى معاك

ندوره يقول...

ى حاجه فى الواد عمرو دا ان اول ما المضوع بيتكتب بيجلى مسج على الاميل عشان اقرى بجد خدمه تجنن وفعلا يوم عن يوم بتقدموا حاجه احلى بكتير وبتتتكلموا فى مواضيع جرئيه وجامده وكمان بتتكلموا فى كل حاجه حب وروامنسيه
وعلفكرا انا بحس ان الناس هنا بتتسابق على انهم يعلقوا
على المواضيع ودا شئ كويس اوووووووووووووووووووووووى وربنا يسعدك يا ياسمين انتى وكل اللى معاكى فى المدونه

سمسمة يقول...

بجد والله انا سعيدة جداا ان موضيعى عجبتكم ويارب ديماا يعجبكم وربنا يخليكم لية يا احلى اصحاب
فى الدنيا ياسمين

lostlove يقول...

ربنا يوفقك يا قمر وتكتبي كلام احلي واحلي

لانك بجد احساسك عالي وكلامك ملوش وصف