اول تاج



''تاج جميل جالى من شيمو صاحبه *مدونه shababek*
وبصراحه كونت مستنيه ..


- اسمك ؟؟

عمرو.

- سنك ؟؟

بالسنين والارقام 18 الا شويه

لو بالتجارب والخبره مش عارف ممكن ابقى كام .

- اسم مدونتك ؟؟

استغالات.

- مجال دراستك ؟؟

حاجات كتير اوى رغم ان سنى صغير ميوزك ولغه ايطالى ومعهد فنون مسرحيه

ودبلومه علم نفس من بلغاريا وطبعا كل دا انتساب وكورسات انما الدراسه الطبيعيه

اولى هندسه

- هل فكرت في اغلاق مدونتك ؟؟ والسبب ؟؟

اه فكرت مره من المرات انى اقفلها لانى كونت زهقت شويه وكونت بحس انو مفيش رد

على مواضيعى ساعتها بجد حسيت بالفشل بس رجعت تانى وقولت هكمل.



- ايه رد فعلك لو حد قل أدبه عليك في المدونه ؟؟

الطبيعى انى مردش عليه لانو اقل من انى ارد عليه وبمسح الكومنت ولا كأنى قريته اصلا

والكلام دا طبعا لو حصلت لانها لسه لحد دلوقتى محصلتش.


-أسوأ مدونه دخلتها ؟؟

المدونات اللى بتتكلم عن حاجات اقل من انها تتقرئ ويمكن المدونات دى اقل من انى كمان اقول اسمها .


-هايحصل ايه لأيميلك بعد ما تموت ؟؟

اكيد بعد فترا هيتمسح من عند كل الناس وهياخده اللى هيلقى الباص ورد بتاعه فى "my private box"

من اهلى وهيرجع تانى يشتغل عليه ويعمل add لناس و Ignore لناس .


- اديت الباسوورد لحد قبل كده ؟؟

اه واحد بس.

السفر بالنسبه لك ؟؟

تطلع ومعرفه واصدقاء لانو بقالوا فترا كبيره اوى فى حياتى كل شويه ياخدنى معاه فى رحله

جديده وغريبه يمكن ساعات مش ببقى عايز كدا او راضى لكن منكرش انى بستفيد.


- المود بتاعك ايه ؟؟

حاولت احدده معرفتش وكتير جربوا وفشلوا ساعات فى عز حزنى بضحك وساعات وانا بضحك

دموعى تخونى وتنزل منى غصب عنى.


بتعمل ايه في وقت فراغك ؟؟

بكتب ، العب كوره ، فيديو جيم ، اتفرج على فليم رعب، اقرئ شعر

ودا طبعا بيحصل وانا دماغى فى الف حاجه تانيه.


- بتحب تأكل ايه ؟؟

بيتزا وجمبرى و المكرونه الايطالى والرز واللوبيا وسفتاشى اكله صينى تحفه.


-الصفات اللي ورأثتها عن والدك ؟؟

العناد ،الذكاء،العصبيه،الهدوء وليس البرود.


-الصفات اللى ورأثتها عن والدتك؟؟

الطيبه ،الحب بدون مقابل ، ازاى تقدم الخير من غير ما تستنا رده

امتى تقول رايك وامتى يكون فعلا ليه صدى.


-اكتر 7 حاجات بتحبهم؟؟

- الجيتار صحبى وحبيبى انا وهو زى بعض بالظبط حاجه واحده تقريبا وبنحب بعض اوى

- جمع اى نوع من الشمع والنضارات الشمسيه من اى مكان فى العالم وباى تمن غالى او رخيص

-الكوره واتفرج على متشات المنتخب واعلق على كلام الناس بطريقه تضحكهم

- لما اصحى من النوم على صوت الناس اللى بتبيع وانزل القى طفل صغير بيضحك على الصبح

- لما القى حد قدامى حزين واقدر اخليه يضحك ودى بتبقى قمه سعدتى انى غيرت حال بنى ادم من حال لحال

ولا كانى خدت لقب افضل انسان فى الكون ببقى فرحان لدرجه مش عاديه

- انى اجمع زهره القرنفل لانها جميله اوى وشكلها وعطرها بيشدنى اوى اوى اوى

او انزل فى عز المطر وادور على نفسى والقيها بتغنى

- لما اروح ازور اغلى حد عندى فى قبره لانى بتمنى اكون فى يوم جنبه.....


- اكتر 7 حاجات بتكرهم ؟؟

-الكدب مع انى عملت كدا من فترا بس رجعت واتأسفت

-الخيانه واننا منحفظش على الامانه اذا كانت قلب او صداقه او حب

- اللؤم وانك تخبى اللى جواك عشان يبان انك غلبان وانت اصلا حوت

-الظلم وان حد يجئ عليك وانت مكنتش تتصور ان دا هو اللى هيظلمك

- لما ابقى وسط الناس وحاسس انى وحيد ومحدش سامعنى غير نفسى

- لما يكون حد معتمد عليا فى حاجه ومعرفش اعملها يعنى تقريبا لما بفشل

- لما القى حد كتب على مكان لسه مدهون جديد بحس انو ضيع مجهود ناس كتير ....


- شخصيتك بتشوفها ازاى انت واللى حواليك؟؟

بالنسبه للى حواليا بيقوله انى غامض و منهم اللى قال انى عندى قدرة اضحك الحجر

وابكى البهلوان وبالنسيه ليا كل ما القى عمرو يرجع يتوه منى تانى .


- ليه اقتحمت عالم التدوين؟؟

لو للدرجه دى مضيقكم ممكن انسحب

بس انا دخلت عشان احس انى عايش بتكلم واسمع رد على كلامى عشان يبقى ليا صوت ووجود

مش صفر على الشمال او كتاب مرمى فى مكتبة كتب ديكور بيجمل الشكل مش اكتر.


- احلى تعليق اتقال على مدونتك او فى موضوع عندك ؟؟

احلى تعليق كان من بنت قالت ليا "مش عارفه ادعى عليك ولا اقولك برافو انت خليتنى اعيط"

ساعتها بجد حسيت انى قدرت اوصل جوا القلوب وان كلامى محسوس مش مجرد تعليقات للمجامله .


- اهميه التعليقات ليك ايه ؟؟

مهمة جدا لان زى ما قالوا اللى سبقونا "من زرع حصد" انا كمان عن طريق التعليقات دى بحصد

حب ناس وبحس انى مجهودى مضعشى على الفاضى ودا بيخلينى ادور على الافضل .


- احلى بوست كتبته ؟؟ وايه سبب حبك ليه؟

احلى بوست كتبته كان "Answers without questions"

لانو لقى اكبر عدد من الردود عند الناس وتقريبا هو بدايه نجاحى فى التدوين...



- افضل مدونه قريتها؟؟

انا مش بفضل مدونه بعينها لكن فى كل مدونه بلقى شخصيه جديده اتعرف عليها

وكلام جديد بستفيد منوا وفكره اجدد بتعلم منها .


- اهميه الانترنت ليك ؟؟

لا خلاص مبقتش اقدر استغنى عنوا بقى جزء من حياتى تقريبا بيخلنى لسه عايش فى مصر

رغم انى بعيد عنها مسافات ومسافات بتفرج على كل جديد وكأنى لسه فى بيتنا الصغير .


- ايه هو السؤال اللى كان نفسك تتسأله ؟؟ وايه جوابه؟

كان نفسى اتسال ايه هى عيوبك

وكان جوابى وبصراحه

عنيد جدا، غيور على حد لكن مش من حد، شاكك، عصبى ، بدأ نوعا ما يتخللنى شعور بالغرور

ويا رب اقدر اتخلص منوا واقتلوا قبل ما يكبر وافقد السيطره عليه .


-اهداء التاج ؟؟

لاختى الجميله "simba.giral"

............

72 التعليقات:

راء يقول...

- لما ابقى وسط الناس وحاسس انى وحيد ومحدش سامعنى غير نفسى

معرفش ليه قبل ما اقرا التاج كله عيني وقعت ع السطر ده!!!

تاج جميل واجاباتك رائعة واحترمتك جدا من ردودك..

عجبني اوي البوست بتاع انسرز وذاوت كويستشنس ده..معلش مكسلة اغير اللغة بتاعت الكيبورد^_^

وكل سنة وانت طيب

shoshta_ joker يقول...

السلام عليكم.......
ازيك يا عمرو .....اجاباتك حلوة اووووى
.....بس حننصب كده من اولها انت مظبت التاج ع مزاججك بس ولا يهمك يلا الاسئل حلوة برده واجاباتك احلى ومرسى انك قبلت التاج ورديت عليه بالسرعة دى.....دومت بخير ...فى رعاية الله.
shemo

shoshta_ joker يقول...

رجعت اقولك كل سنة وانت طيب
shemo

lostlove يقول...

تالق دائم ويارب تكون فيه علي طول
واحلي حاجه في الموضواع انك بتتكلم بصراحه علي كل سؤال ومتقبل النقد
ولو في اهانه هتتجلها ودي احلي حاجه
ربنا يوفقك ويسعدك وتكون احلي مدونه يارب
اتمني ليك التوفيق من كل قلبي

أميرة علي كوكب مهجور يقول...

اجابتك حلوة جدا والبوست بتاع اجابات من غير اسئله بجد حلو ونصحيه اخويه لو في ايديك تغير الوضع متتردش وحاول تعمل حاجه يمكن اللي كان زمان يرجع تاني مين عارف

كل سنه وانت طيب وعيد سعيد عليك يارب

واتمني ليك ابتسامه وسعاده وفرحه وووو هو انت بتقول ايه تاني :)

شوية قهوة يقول...

السلام عليكم
التاج جميل جدا واجباتك جوة
شكرة على الزيارة وان شاء الله متكنش اخر مرة

اقصوصه يقول...

مبروكك التاج

وكل عام وانتم بخير :)

نبضُ الأدب يقول...

تمنياتي بالتوفيق ..

المدونة صوت مسموع لشريحة كبيرة من البشر .. فلتحرص على إيصال رسالة مفيدة و نافعة تنفع بها الآخرين .. واثقة من قدرتك على ذلك

وفقك الله ..

Faith يقول...

تاج جميل **

ومدونه أجمل

كل عام وأنتم بخير
ينعاد عليكم بالصحه والعافيه يارب =)

Faith يقول...

كل عام وأنتم بخير =)

مدونه جميله

miroooo يقول...

كل سنه وانت طيب يا عمرو بجد اجاباتك حلوه اوى وكمان اسلوبك فى الكتابه رائع وبصراحه اكبر من سنك بس ربنا يوفقك ان شاء الله والى الامام دائما

well يقول...

تمام يا عمرو ..
وكل عان وانت طيب
تحياتى.

(green eyes) يقول...

كل سنة وانت طيب
اجاباتك على التاج وضحت كتير من جوانب شخصيتك بس استوقفني انك هادي وعصبي في نفس الوقت !!!
وكمان الاكله الصينيه دي انا اول مرة اسمع عنها انا جربت السوشي بس للأسف معجنيش خااااااااالص :(
انا سعيده جدا اني زورت مدونتك واتمنى نبقى على تواصل على طول

shoshta_ joker يقول...

http://fishdrow.blogspot.com/
مدونة جديدة صديقة
مدونة اختى بنت البلد (بكرة احلى)




shemo

حـــلـــم كـــان يقول...

- لما اروح ازور اغلى حد عندى فى قبره لانى بتمنى اكون فى يوم جنبه.....


صعبه اوى

ربنا يصبرك على فراق اغلى حد عندك

وبعيد الشر عنك

Batoooot_soso يقول...

السلام عليكم
جميله المدونه وجميل الرد على التاج
وكل سنه وانت طيب
اه وبشكرك على الزياره
تحياتى
بطوووط

ЯậŇ MỗŘỹ يقول...

السلام عليكم و رحمة الله و بركاته
تاج يليق بك أمير الحب
اجاباتك رائعه و جميله و أشعر فيها بالصدق

غير معرف يقول...

بتقول انك كنت مسلم وغيور على دينك
كيف لانسان ذاق حلاوه الاسلام ان يكفر بالله

كيف لك انت تهين رسولنا الكريم وتهين رب العرش العظيم

كيف تسير وراء الكفر والالحاد وتترك نور الاسلام

للاسف انت لم تكن مسلم متدين وغيور على دينك كما تقول

ولكنك كنت من اصحاب النفوس الضعيفه
التى اسلمت دون يقين
وللاسف هناك من امثالك من يسيرون وراءك

ولكنك لم تسطع محو الاسلام اؤكد لك ان فى بطاقتك الشخصيه ديانتك مسلم
ولكن للاسف انت وامثالك عارا على الاسلام

لو تدرى عن يقين كيف وصل لنا هذا الاسم الذى تجرح فيه

وكيف تعذب رسولنا ليحمينا ويضعنا داخل الاسلام الذى يدعو الى التسامح والامن

لبكت عينيك بدل الدموع دم على ما اصاب رسولنا الكريم من مهانه وتعذيب

لو تدرى عن يقين ماهو الاسلام وافضال ربك عليك
فهو الذى خلقك واعطاك كل النعم
ما اكفاك التعبد والتسبيح والشكر لله ليلا ونهار

ولكنك فى غفله وفى غمامه انت وامثالك
تختبئون وراء ستار الالحاد لتفعلون المعاصى والذنوب والعياذو بالله

واكبر دليل على ذلك انك تتحدث عن القران وتجرح فيه فقط
مع انك لاتؤمن باى ديانه اخرى
لا مسيحيه ولا يهوديه وكلهم ديانات سماويه من عند الله

وانت لا تؤمن باى رسول نزل من عند الله
ومع ذلك لا تهين الا رسولنا الكريم
محمد صلى الله عليه وسلم

لانك تعلم عن يقين ان الاسلام على حق
وانه دين الله فى الارض
وتعلم ان الله موجود وتعلم كل هذا
ولكنك مصاب بمرض النفور من التوحيد والعياذوا بالله

فكر قليلا وتأمل الكون واسال نفسك من خلقك ومن خلق هذا الكون
وانظر حولك ستجد كل شئ دليل على وجود الله سبحانه وتعالى
وستجد كل شئ يسبح بحمده

تذكر ايام اسلامك وانت تقف بين يدى الله فى الصلاه
وابكى على ما فعلته بنفسك

انا اعلم جيدا انك لم تنشر هذا التعليق ولكن هذا لايهم واعرف جيدا انك ستسخر من كلامى لان الشيطان للاسف غلبك لانك كنت ضعيف النفس والايمان
وهذا لايهمنى
ولكنى ارضى ضميرى امام الله واوضح لك الغمامه التى امام عينيك
وربى وربك الهادى الودود

الله لا اله الا انت سبحانك انى كنت من الظالمين

جوجو يقول...

السلام عليكم

كل سنة وانت طيب انا عارفى انها متأخرة

على فكرة اجاباتك حلوة جدا

تحياتى

Somaya Kamal El Din يقول...

حلوة ردودك

وربنا يكرمك وتحقق اللى نفسك فيه

وكل سنة وانت طيب مع انها متاخرة

الغدوف يقول...

الإجابات جاءت جميلة
بالتوفيق

Unknown يقول...

كلاااام جاميييل
كالاااام معقوووول
ما أقدرش أقووول
حاااجه عاننننوه.

غير معرف يقول...

أيها الفاني
لا سلا م عليك لأنه ديني الإسلام وافتخر به وصاني بان اسلم على من له دين وأنت لا دين لديك انته وجماعتك تعانون من نقص ومرض نفسي وانا متاكد من الشي هذا لأنه أنت وشاكلتك تعرضتم للقهر والاضطهاد الأسري من ضرب وذل وعدم اهتمام من الاهل وقصور في التربيه مما نتج عنه نقص في الشخصيه وخوف وشك وعدم استقرار عاطفي ونفسي وانصحك انت وشاكلتك زور اقرب طبيب نفسي للتاكد من كلامي لذلك انت انسان رافض للواقع وتلجا الي الخيال والحلم بالعيش بالحياه الماسنويه الي انت وغير درسها وهي تقدس الشيطان وتكفر بكل الاديان وتتلذذ بالخمر والنساء والجنس وانت بنفسك تهاجم الجنس والنساء المسلمات ؟؟

اسال نفسك واسال كل انسان على شاكلتك .. هل انت مرتاح نفسيا ؟ لا والله واقسم بالله انك تموت باليوم الواحد الف مليون موته لانك لا تجد الراحه النفسيه حياتك ضنك وجحيم وقهر ووساوس وهذا اكبر دليل واتحادك فييه انه كلامي صحيح ودليل على ذلك من خلال كتاباتك التي لا تخلو من السب والشتم والرفض للواقع لانه اي انسان راضي النفس سعيد يرا نظره تفاءل وحب للحياه ولكن انت واشكالك ترا الحياه موت وكره وبغضاء تبحث عن الراحه ولا ولن تجدها الى ان تموت وحتى بالموت ….اسال الله ان يهديك بس

اتقي الله في نفسك وفي اهلك وفي دينك اتقي الله في نفسك الذي كل يوم يعطيك الفرصه انت واشكالك للتوبه النصوحه حتى تعود الي ربك وتستغفر ذنبك وانت تعلم انك غلطان ولكنك تكابر نفسك على ذلك اتقي الله الذي لم ياخذ بصرك حتى ترى الحق .. اتقي الله الذي لم يشل يديك وانت تسب وتلعن لدين حتى تستغفر وتتوب اتقي الذي الذي تاكل وتشرب وتعيش على ارضه عاار عليك اذا جاءك شخص في بيتك واكل وشرب وشتمك تغضب وتثور فما بالك بالذي خلقك واشكالك من عدم واتمنى من الله العلي انه يردك اليه رد جميلا ..

وحسبنا الله ونعم الوكيل
ترقبوا ردودي المزلزلة من الآن فصاعدا
وكن جريئا وانشر تعليقي لو كنت تجرؤ

shoshta_ joker يقول...

السلام عليكم.....
ازيك يا عمرو .......
انت فين يا بنى ....كل مدخل عشان اشوف ردك ع التعليقات مش بلاقى حاجة كنت عندى شغف انى اشوف ردك ع التعليقات بتاعت التاج ودلوقتى بقيت شغوفة اكتر اعرف فى ايه الى بيحاصل فى مدونتك ....انا لسه من القراء الجدد فى المدونة وبجد مش فاهمة حاجة خالص من التعليقات الى عندك.....حرجع تانى واتابع ويارب خير ان شاء الله........دومت بخير فى رعاية الله .
shemo

Unknown يقول...

سنيور امير الحب!
الله يعينك ويقويك
كل دى دراســــات:)
وكمان كلية الهندسة
الله يعطيك الصحة والقوة

Unknown يقول...

(كل ما القى عمر
ويرجع يتوه منى تانى)
مين عمر؟وازاى يتوه؟

amirelhob يقول...

Just Smile

ميرسى بجد انك تورنى المدونه وميرسى انك بتهتمى انك تبقى متواجده عبر صفحاتى المتواضعه ويمكن عينك وقعت على السطر دا عشان السطر دا فعلا حالتى بجد من غير ما تزويق ولا تزين فى الكلام دا انا فعلا ويمن ربنا كاتب انك تعرفينى كويس من قبل ما تقرئ البوست ويا رب دايما تنورى المدونه ومتبقاش اخر مره اما بالنسبه لموضوع انك تغيرى اللغه ولا يهمك كلنا ساعات بنكسل بطريقه مله ومن قلبى بتمنلك كل خير وسعاده و صحه وتوفيق وفرح وابتسامه تدوم يا رب طول العمر يا قمر

amirelhob يقول...

shemo

يا قمر معلش بقى انا عارف انى نصيت شويه بس دا اول تاج ليا بقى ومن حقى انى استغلوا جدا حق الاستغلال:)

وبعدين فى الكومنت التانى انتى بتقولى رد على التعلقيات اهو يا قمر جيت عشان ارد على التعلقيات واذا كونتى انتى مش فاهمه حاجه انا مش فاهم اى حاجه من التعلقيات الغريبه دى واللى مش مفهومه بس اتعودت انى ممسحش اى كونت طالم مفهوش لفظ خارج ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

lostlove

ميرسى بجد على تعليقات وبجد وحشتينى جدا ونفسى ترجعى تانى تبقى معايا فى المدونه لان بجد ناس كتير اوى نفسها تقرئ مواضيعك ووحشها كلامك جدا ومن قلبى بتمنى يا رب يا قلبى ترجعلنا تانى وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

أميرة علي كوكب مهجور

يا رب دايما بوستاتى تعجبك يا قمر ويا رب دايما كدا تنورينى واوعدك انى هاخد بنصيحتك اكيد وحد يطول يبقى ليه اخت تنصحه ومش يسمع كلامها اكيد يبقى غلطان واوعى تانى بقى تقلدينى فى الامنيه بتاعتى لاحسن هرفع عليكى قضيه فى محكمه الحقوق الفكريه(:
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

كلام من قلبي

ان شاء الله مش هتبقى اخر مره تنورينى

وميرسى بجد انك نورتينى وزورتينى

وميرسى على كومنتك يا قمر ومن قلبى

بتمنلك كل خير وسعاده وصحه وتوفيق وفرح

وابتسامه تدوم يا رب طول العمر

amirelhob يقول...

اقصوصه

الله يبارك فيكى يا قمر ويا رب يجيلى تانى بقى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

نبض الأدب

يمكن انا لكا قريت الكومنت قعدت مستغرب

شويه يا رتى عايزه تقولى انت صح ولا غلط

لكن اعتبرت انى غلط عشان ادور دايما على

الصح

ويا رب تيجى تانى وتنورينى وتقولى رايك

ومن قلبى بتمنلك كل خير وسعاده وصحه

وتوفيق وفرح وابتسامه تدوم يا رب

طول العمر

amirelhob يقول...

Faith

كلماتك بسيطه اوى بس جميله اوى اوى اوى

وميرسى على الدعوه الجميله دى وميرسى

على كلامك الحلو وكل سنه وانت الخير فيها

ومن قلبى بتمنلك كل خير وسعاده وصحه

وتوقيق وفرح وابتسامه تدوم يا رب طول العمر

amirelhob يقول...

miroooo

ميرسى يا قمرايه على كلامك العسل زيك دا

وبجد ميرسى انك كل بوست جديد بتعلقى عليه

ودا بيفرحنى اوى ومن قلبى بتمنلك كل

خير وسعاده وصحه وتوفيق وفرح وابتسامه

تدوم يا رب طول العمر و يا رب متبقاش اخر مره تيجى تنورينى يا قمر

amirelhob يقول...

well
حبيب قلبى وحشنى جدا وكونت مستنى تعليقك

عشان تشجعنى بس يا خساره طلع بتقولى كل

عان على العموم مش مشكله هعديها وبقولك

وانت بخير ومن قلبى بتمنلك كل خير وسعاده

وصحه وتوفيق وفرح وابتسامه تدوم يا رب

طول العمر

amirelhob يقول...

(green eyes)

ميرسى يا قمر انك نورتى مدونتى واكيد هنبقى على تواصل دايما وهتنورينى وهنورك ودا شرف ليا يا قمر ومن قلبى بتمنلك كل خير وسعاده وصحه وتوفيق و فرح وابتسامه تدوم يا رب طول العمر ويا رب انتى بس تنورينى تانى يا قمرايه وميرسى على تعليقاتك الجميله دى

amirelhob يقول...

حـــلـــم كــــان

ولا نورتى المدونه المتواضعه دى بس انا

عارف ان الموت علينا حق بس اللى رفضه هو

الفراق اللى لا ومن قلبى

وصدقينى صعب لما تفقدى اغلى حد عندك

فى يوم وليله ومن قلبى بشكرك على الدعوه

الجميله دى وتبمنلك كل خير وسعاده وصحه

وتوفيق وفرح وابتسامه تدوم يا رب طول

العمر

amirelhob يقول...

Batoooot_soso

وعليكم السلام

اولا مفيش شكر على انى زورتك انا عجبنى الموضوع عشان كدا علقت عليه وانتى كمان زورتينى وانا مش هشكرك عشان مبحبش اعمل فوارق و يا رب تيجى تانى وتالت وتنورينى يا رب دايما
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

أحن إلى ذكرى تقسو علىّ

وعليكم السلام يا قمر

وميرسى بجد على الكلام اللى اكبر منى بكتير

دا وكمان امير حب ايه بس دا مجرد نيك نيم

انا بتمنى انك تيجى تانى وتنرينى يا رب

ومن قلبى بتمنلك كل خير وسعاده وتوفيق

وفرح وابتسامه تدوم يا رب طول العمر

amirelhob يقول...

جوجو
وعليكم السلام

مش مهم متاخره الاهم انها من قلبك يا قمر

ودا كفايه وميرسى بجد على كلامك الحلو دا

ومن قلبى بتمنلك كل خير وسعاده وصحه وتوفيق

وفرح وابتسامه تدوم يا رب طول العمر

amirelhob يقول...

Somaya Kamal El Din

ميرسى يا قمر على انك نورتينى

وبعدين متاخر مش متاخره كفايه انها اتقالت

مش مهم الوقت المهم دايما المعنى

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

الغـــــدوف

ميرسى على مرورك ويا رب متبقاش اخر مره

وميرسى على تعلقيك الجميل دا ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

فركشاوي ..ناوي

ميرسى على كلامك الحلو ا اللى بجد كتير عليا ويا رب تنورنى دايما وتقولى رايك فى مواضيعى وعلفكرا النيك نيم بتاعك جامد جدا وربنا يوفقك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

أنصار السنة والسلف الصالح

عاجبنى اوى الكومنت بتاعك وعاجبنى اوى طريقتك فى الاستفزاز اللى ملقتش عندى اى صدى ولا اى رد عاجبنى كمان اسمك اللى ملوش دعوه خالص بيك وعاجبنى كمان انك كتبت الموضوع مره من غير حساب ومره بحساب

عاجبنى انك عايز تقول حاجه بس اللى عاجبنى اكتر انك ضحكتينى منتهى الضحك

اولا
ربنا مدكش الحق انك تقيم الناس انت عبد زيك زى لا انت زياده عنى حاجه ولا انا زياده عنك حاجه انت مسلم وانا مسلم انت مؤمن وانا مؤمن انت بتعبد ربنا وانا كمان بعبد ربنا
ربنا انت معاكس الحق انك تقيم تدين الناس ولا ربنا قالك حسابهم ولا حتى ادالك الحق انك تهديهم ولا طلب منك انك تنشر الاسلام وتقول مين مسلم ومين لا ومين قريب منو مين لا

عرقتى برنا دى شئ بينى وبين ربى وقد قال تعالى "انما الاعمال بالنيات" وهو الوحيد اللى مطلع على اعمالى اللى ظهر منها واللى بطن وعارف كمان انا بعمل ايه دا اولا

ثانيا
انت تيجى المدونه هنا غصب عنك تحترم الموجدين فى كلامك وفى انتقداتك وملكش الحق غير انك تعلق فقط على البوست لكن تقيم اشخاص دا مش من حقك ولا حد طلبوا منك

انت ممكن تعيب فى الموضوع دا حقك وانا اتعلم منك ماشى لكن تغلط فى تربيتى او فى اهلى ادوس عليك بالجذمه واسف انى بقول كدا فى كونت كتير اوى هيقروئه لكن اى حد هيبقى مكانى دا اقل رد هيرده

ثالثا

انا مشيلتش الكومنت مش عشان انا خايف منك لكن عشان انا انا بحب الوضوح وبحب ارد على اى حد مهما كان صغير زيك بالظبط وبالنسبه لاسمك بصراحه مش عاجبنى وكمان ازاى اتباع السنه والسلف الصالح وحاطط سلاح هو انت اتعلمت ان الدين بالسلاح ولا نسيت قول الله تعالى "لا اكراه فى الدين "
بتمنلك تراجع نفسك وتبطل تبقى عامل زى المايك بيردد اى صوت وخلاص ولا ليه اى شخصيه ولا ليه اى ايمان بس غاوى حب الظهور فقط لا اكثر وبتمنلك كل خير وسعاده

amirelhob يقول...

norahaty

نورتى يا قمر المدونه وبجد كلامك جميل جدا اولا اللى بيتوه منى اسمو عمرو مش عمر وعمرو دا بقى انا انما ازاى بيتوه دا موال كبير لانو بيتوه منى بعد ما بلقيه بيتوه منى الطفل والشاب والراجل اللى اسمو عمرو مببقاش عارف ايه يرضيه وايه لا ومن قلبى بتمنلك كل خير وسعاده وصحه
وتوفيق وفرح وابتسامه تدوم يا رب طول العمر

غير معرف يقول...
أزال أحد مشرفي المدونة هذا التعليق.
noon kiko يقول...

بص بقا
انابسمع دلوقتى فيروز اغنية ليالى الشمال الحزينه
وصوتهاة مع كلامك عملى حالة اكتئاب بيور
انا اصلا كنت ما صدقت هديت الايام دى واستعوضت ربنا ف كل حاجه
الاقى مدونتك كانى ببص ف مرايه
لا كده صعب
بس هقولك حاجه
مدونتك بالضبط زى صوت فيروز
حنين ودافى وحزين

رحلتنا في الحياة يقول...

اجاباتك جميلة بتقول انك شخصية مميزة جدا
عجبنى مجال دراساتك المتعددة وبقول ماشاء الله ومش عايزة احسد لانى من النوع اللى مش بعرف اركز غير فى شئ واحد
ربنا يوفقك دايما وبما انك عازف جيتار عايزين نسمع عزفك بقى :)
مرسيى للزيارتك المدونة

ريمان يقول...

كلنا والله الانترنت ليه اهميه كبيره اوى بالنسبه لينا


بجد بقينا خلاص مدمنين


انت بتعزف ع الجيتار

طب ابقى سمعنا مره كده مقطوعه تكون مسجلها لنفسك عشان نسمع كده ونشوف قد ايه انت موهوب

تاج جميل ربنا يسعدك

Cute Kitty **sookra يقول...

اولا مساك شيكولاته
ثانيا
سورى على التاخير
اجاباتك حلوه اوى بجد
وفيك حاجه مشتركه معايا
انا كمان من عشاق القرنفل
وزرعته عندنا فى البيت لكن العصافير الله يسامحهم قضوا عليه
ربنا يوفقك فى كل حياتك يارب
واكيد موش هاتاخر تانى
انا رايحه الف عندك شويه ويمكن الاقى شويه قرنفل هاخدهم واجرى من غير مااقولك
انت بسنك دا على فكره ممكن تكون ابنى
هههههههههههه

نونا يقول...

بجد يا عموره انت مازالت فعلا فى المقدمه ومواضيعك تجنن وكلامك احلى بكتير من الاول ومبروك نجاحك اللى بجد تستحقه وتستحق اكتر منوا بكتير لانك واحد محترم بجد والموضوع دا حلو جدا وعاجبنى جدا موضوع اجابات بدون اساله دا تحفه والله ووصفت نفسك واجابات والقصه بطريقه مشوقه جدا جدا ربنا يوفقك يا رب ويسعدك يا عموره وبجد وحشتينى جدا

الملكة هند يقول...

اجابات حلوة

تحياتى

amirelhob يقول...

واحده من الناس

بوصى بقى انتى كمان ايه الكلام الكبير دا

واللى اكبر من انو يتقال على مدونتى

فيروز مره واحده طيب ابدئ بحد على قدى

بجد نوريتنى ويمكن لو كونتى علقتى على المدونه قبل كدا كونت خدت الكومنت دا من الكومنتس اللى عجبنى لانو بجد جميل جدا وفرخت بيه اوى ان مدونتى لمسه الناس اوى كدا ومن قلبى بجد بتمنلك كل خير وسعاده وصحه وتوفيق وفرح و ابتسامه تدوم يا رب طول العمر

amirelhob يقول...

آيوشة

نورتى المدونه يا قمر وبعدين احدسى براحتك يعنى انتى شايفنى خلاص من كتر الحسد ماشى عمال اتكعبلع وبعدين انتى قولتى ما شاء الله ومفيش حسد بعد ذكر الله ودا احسن حاجه يا قمر ويا رب متبقاش اخر مره تنورينى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

ريمان
نورتى يا قمر المدونه بجد وكل يوم بستنى ناس جديده تنورنى وتفرحنى بتوجدها فى المدونه وسعيد انك ضيفه جديده منورنى ويا رب متبقاش اخر مره وعلى دوام دايما ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

sookra

مساء قرنفل يا قمر نورتى المدونه وبعدين متزعليش ان العصافير جت جنب القرنفل خيرها فى غيرها يا قمر وربنا يوفقك وتزرعى تانى بس فى بيت زجاجيه من غير عصافير بقى او اى حاجه وبعدين ابنك ايه بس يعنى كدا عمرى ما هكبر بس علفكرا دا مشكله ليكى انتى انا بالنسبه هعتبر لسه شباب وعشان انتى وانا منزعلش اعتبريها اخوكى الصغنون ):

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

نونا
نورتى المدونه يا قمر وربنا يسعدك يا رب على كلامك اللى كتير عليا جدا وبليز بلاش كدا لانى بجد ما بتصدق عشان اتغر وان بتمنى انى اعرف اسيطر على نفسى قبل الغرور ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

الملكة هند
نورتى يا قمر المدنه ويا رب متبقاش اخر مره وميرسى على مرورك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طو ل العمر

riri يقول...

بص بقى ياعمرو انا بحقد عليك دلوقتى عشان من اول ماعملت المدونه وانا نفسى فى تاج وكنت ناويه اسرق تاج من نفسى كده بس قولت السرقه حرام يابت ياريرى
هههههههههههههههه طبعا انا بهزر معاك بس بعيد عن التاج والرد على الاسئله الا انا كان عندى تتطفل جامد اووى وانا بقرا كل سؤال اعرف اجابته ايه
عجبنى اوووى ردك على انصار السنه ان اى حد مكانك او انا شخصيا كان زمانى متعصبه وبغلط فيه بش عشان بينصح ويقول الصح والغلط لاء
عشان انا طول عمرى اسمح للناس انها تتدخل فاى حاجه ماعدا حاجه واحده
هيا علاقتى بربنا عشان دى الحاجه الوحيده الا مينفعش حد يدخل فيها
وكمان موضوع ان يكفر حد ويقول ان حد مسلم او كفر
انا بش هفتى عشان انا بش داعيه ولا من مشايخ
بس حرام انك تكفر انسان مسلم
وبش انت الا هتحاسب الناس
انت ممكن لو شوفت حاجه غلط تقول غلط لكن بش تكفر حد
معلش ياعمرو ان انا ادخلت ورديت بس انا عن نفسى بتعصب بجد لما حد يدخل فى علاقه اى انسان بربنا
وراغيت كتير بس انت اكيد اتعود يعنى

TWEETY يقول...

ازيك ياعمو
ايهاب

انا جيت اسلم على حضرتك

مرايتى يقول...

اولا شكرا لشيمو انها عرفتنا أكثر عليك

ثانيا بحيك على إجاباتك الاكثر من رائعه

أنت بنى ادم جميل

ربنا يكرمك ويعزك ويرززقك ما تتمنى

جارة القمر يقول...

شخصيتك حلوة

وانت شخص عندك طموح

طموحك هو اللي حيوصلك اوعى تحس بالفشل ...
خلى النجاح دايما قدامك

بالتوفيق ياعمرو

riri يقول...

ادينى جيت ودخلت انت بقى روحت فين :d
يالا ادخل بقى بسرعه













عشان تبعتلى التاج :p
بهزر معاك طبعا عشان نطمن عليك ونقرا الجديد

amirelhob يقول...

riri
نورتى يا قمر وحشنى اوى الكومنت بتاعك يا قمر واسف لو اتاخرت على الرد عليكى بس كونت نوعا ما بمر بحاله زى عدم اتزان كدا وللاسف طولت شويه ويا رب يستر على الايام اللى جايه اما بالنسبه لردى على الشخص اللى ذكرتى اسمو دا انا اسف انى رديت عليه لانى تقريبا نزلت لمستواه او رفعها لمستواى لكن انا رديت عليه عشان ابين ليه انى مش بخاف غير من ربنا ومن قلبى بتعذر لو رديت عليه لان دا اقل من انو يترد عليه ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

TWEETY

تقريبا عديتى عليا غلط او كتبتى كومنت غلط بس ولا يهمك نورتينى بعض ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

مدونتى إسمها مرايتى

ميرسى على كلامك الجميل دا وبفخر انك يا قمر اتعرفتى عليا اكتر ودا يسعدنى واكيد بقينا فريند بعد ما بقيت open book ليكم ومن قلبى بتمنلك كل خير وسعاده وصحه وتوفيق وفرح وابتسامه تدوم

amirelhob يقول...

جارة القمر

ميرسى يا قمر على انك نورتينى وعلى كلامك اللى كتير عليا اوى اوى واكيد حد تانى احسن منى هو اللى يستهله والطموح دا حاجه لو مبقتش موجوده فى الانسان بقيى جسد من غير روح ملوش اهداف وسعدي جدا انك نورتينى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

well يقول...

بقالك كتير غايب ...
طمنا
تحياتى

amirelhob يقول...

well
اطمن يا صحبى زى ما بيقوله محدش بيعش وشكرا بجد على سوالك يا صحبى ويا رب متفوق وسعيد ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

غير معرف يقول...

عجباني اجاباتك :)))))))))))

amirelhob يقول...

Hager Za3bal
ميرسى يا قمر انك نورتينى و انو عجبتك اجابتى وبجد كان وحشنى تعليقاتك اوى وبجد نورتنيى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر