I have never been reluctant



والله ما عارف ابدا كلامى ازاى ويا ترى هبدا بايه باعتذار يمكن مش هيشفعلى الكتير عندكم

ولا اقولكم انى والله كونت تعبان ولا اقولكم ان الاصحاب بيسامحه بعض مهما حصل

بجد مش عارف اقول ايه عارف ان غيابى طال وانتظاركم ليا كمان نفذ ومنكم اللى نسينى اكيد

ومنكم اللى مش فارق معاه نوعا ما وعشان كدا بجد مش عارف هواجه كلامى لمين فيكم

بس انا هقول لاخواتى واصحابى اللى بجد منكم متزعلوش حقيقى غصب عنى ما بين امتحانات

وتعب وسهر وحيره وزهق وتغير وخوف وما بين ترقب وفرحه وبسمه صغيره

من اللى لسه بتدينا امل بسمه من اللى هى عامله زى نسمه الهوا فى الصيف

بتيجى فجاءه تحلى الجو فى ثوانى وتطير تانى فى لمح البصر اللى يعيش اللحظه

هو بس اللى بيحس بعدها بالحر لكن لو معشهاش مش هياخد بالو كدا او كدا الجو متغيرش

بس قبل ما ابعد عن موضوع حابب بجد اعتذرلكم ولو عليا اجى ومعايا ورده فى مدونه

كل اللى زعلانين منى عشان بجد انا مقدرش على زعلهم


.................................



من غير ما هقول مقدمات كتير تصعب الموضوع اكتر انا هدخل وارغى واقول راى فى الموضوع علطول


كلنا طبعا عارفين السماح عارفين يعنى ايه نسامح حد وحد يسامحنا يعنى ننسى جرح او ظلم حد

او ان حد ينسالنا دا لو حصل مننا

نعمه كبيره اننا ننسى ونسامح بس يا ترى مين بجد بيسامح ومين بيفضل شايل جواه

ومين بيسامح ملايين المرات وبيتسامح مره مرتين او حتى تلات مرات

انا بقى لما فكرت فيها وحسبتها من وجهه نظرى صح لقيت انى انا مش بستفيد من السماح دا

انا بسامح بس ومحدش بيسامحنى طب ليه مش احنا كلنا واحد وبنعبد رب واحد ودمنا زى بعض

كلنا نفس التركيب وتقريبا نفس تشابه الظروف مع بعض الاختلافات مش اكتر

طب ليه بقى فينا حد بيسامح من غير تفكير وفينا حد بيجرح ويبيع وما بيصدق يبعد عشان ميسامحش

انا مش عايز اقولكم انى فعلا ناويت مسامحش وانى بجد حاسس ان لازم اتغير

انا مش ملاك عايش على الارض انا لازم ابقى زى ناس كتير ادهن وشى بالالوان

مش هسامح تانى هشيل الكلمه دى من قاموس حياتى عارفين ليه لازم نشيلها مش عشان

احنا بنسامح كتير لا عادى ملايين الناس بتسامح كتير لكن عشان اللى بنسامحه بيرجع يغلط

تانى ويمكن مش كدا وبس لا دا تقريبا نفس الغلطه ومن غباء البعض مننا بيرجع بردو يسامح تانى

صدقونى اكيد كلكم بتقوله ان من الطيبه اننا نسامح تانى لكن دا بجد منتهى الغباء

والسذاجه

لانى عمرى ما كونت عازف على جراح حد ويا رب مكونش كدا

حسيت يعنى ايه تظلم وتتظلم ويعنى ايه تتكسر وتنكسر

دا راى انا وقرار قررت اخدوا يمكن اقدر اعيش وسط كتير من الناس بدل ما اعيش وسط

جزء قليل اوى بس هو اللى بيعرف يسامح ناس طيبين زيكم كدا بس يا خساره فى غيرنا

شايفنا متخلفين عايشين فى الاحلام






على الهامش

* كتير بيجلى كومنت يقول انى كونت سبب فى دموع حد او انى فكرته بحاجه

غاليه عليه او حاجه جرحه بجد انا اسف ليكم كلكم بس انا مش ملاك

انا زى زيكم ويمكن اقل منكم بقول اللى بيحصل من غير كدب

او تجميل عشان يوصلكم بسرعه بس هو جايز كمان بيوصل بجرح ودا غصب عنى صدقونى



* عرفت ان فى ناس اتكلمت عليا فى غيابى من المدونين وقالوا انى ممثل

وبحب اعيش اللحظه وكلام كدا والله العظيم ما زعلت منهم بس كونت هحب كدا اكتر

لما الكلام يكون فى وجودى على الاقل لو محترمتش رايك هحترم شجاعتك


* مش هخبى عليكم فى الايام اللى فاتت عشت كام يوم يعتبروا من اجمل ايام حياتى

و فى نفس الوقت خايف ميبقوش كدا بعدين


* لما بنموت بنبقى ذكرى والمصيبه لو و احنا عايشين بردو بقينا ذكرى



* ساعات بنبقى عاملين زى جيتار بس من غير الاوتار وبنطلع نغمات

وساعات زى الباينو كلنا نغمات بس مش مفوهمين




* الله يرحمك يا فضيله امام الازهر ويدخلك فسيح جناته*

60 التعليقات:

sweet angel يقول...

,,

sweet angel يقول...

يسعدني ويشرفني اني اكون اول تعليق

sweet angel يقول...

انا قرأت نص البوست
وبما اني جاية أهدي النفوس
امتحانات اية دي الي تخلي الواحد يغيب عن أصحابه وحبايبه
ما كلنا بنمتحن
(وش بيطلع لسانة)

sweet angel يقول...

اروح بقا أقرأ النص التاني واجي

لولا وزهراء يقول...

عموووووووووووووووور

لو قولت لك انى زعلانه من هان لغاية بكره مش هتصدقنى
بجد زعلانه منك اوى اوى انت مختفى لييييييه
امتحانات ايه يا عمرو اللى تبعدك عننا يا ابنى انا باخد ماستر ووجع قلب ومع ذلك باينه معاكم وموجوده

البوست بتاعك حلو اوى اوى
بص يا موووووور اى حد غالى عليا باقوله جمله اتمنى انك تفهمها وتحسها اوى اوى
من الغباء انك تعيش زى الملاك بين البشر
احنا ناس بنى ادميين وياريت تعامل كل الناس على كده يعنى مافيش ملايكه على الارض

ده تعليق نونو لانى زعلانه
هارجع اعلق تانى لانك عن جد غالى عليا جدا جدا

زهراء

لولا وزهراء يقول...

انا جيت تانى يا عمور
بص يا عمرو فى جمله حلوه اوى هى طبعا مش بتاعتى ومش عارفه الصراحه مين اللى قالها المهم الجمله بتقول

في ناس بنشوفها بالالوان وناس جواها مش بيبان وناس اسود وناس ابيض وناس محتاجه بس أمان واكتر ناس تآمنهم ما ييجي الجرح غير منهم وناس انت بعيد عنهم بتنسى معاهم الاحزان ....

يا ترى فهمت قصدى من الكلام

ان شاء الله ناويه اعلق تانى اقصد تالت
وبص بقى انا زعلى جااااااااامد اوى اوى علشان تصالحنى عاوزه عصير مانجو وجاتوه ومعاهم ورده بقى يعنى انت عارف اختك عامله فيها رومانسيه وكده يعنى

زهراء

نهر الحب يقول...

حزينة اوي [نك ديما حزين وان ده احساسك

حرام اوي الطيبين القليلين في الحياة يبقوا عايزين ميبقوش كدة

بص انا كنت بقول زيك كدة اني مش حسامح حد ومش حبقي طيبة لكن يظهر اننا مش بنعرف وبتجرح وبنرجع تاني منتعلمش

عايزة اقولك ان مش كل الناس زي بعض واكيد فيه ناس بيخافوا عليك ويحبوك وده اللي بقوله لنفسي حاليا

خليك طيب ومتسماح مع اللي يستاهل ده بس

ملكش دعوة باي حد يقول عليك بتدعي اللي بتكتبه
اكتب اللي انت حاسة وعايز تكتبه وبس

تحياتي

sweet angel يقول...

عندك حق
انا مش هعمل زي الناس الي هتيجي تقولك
الدنيا لسه بخير
صح هية لسه بخير
بس الخير قليل أوي أوي
وأنا اكتشفت حاجه
انك حتى لو هتتعامل مع حد طيب وتسامحه بدل المره ألف
لو هو بطبعه طيب وبيسامح
معاك انت هيتغير وهيطلع الي الناس بتعمله معاه عليك
لأنه عارف انك هتسامح
وبكده تبقى النتيجه ان الواحد ميلاقيش حد ساذج الا نفسه وبس
وأنا من فتره قريبه فعلا قررت
انا مش هعرف ناس تاني غير بعد ما اغير نفسي
واتعلم ازاي اقسى واجرح وميفرقش معايا حد

اسفه اذا طولت
سلام عليكم
وحمدالله ع السلامه

sweet angel يقول...

يالهوي
الناس دي جات امتى؟

sweet angel يقول...

شوفت يا عم
الناس كلها كانت واقفه مستنياك على باب المدونة

lostlove يقول...

نوووووورت والف حمدله علي سلامتك

ويارب متغيب تاني

بنسبه بقي للبوست
من اول جزء السماح

احنا اه بشر بس الي خلقنا بيسمحنا

وانا من وجه نظري

ربنا بيسامح العباد حتي لو غلطو في ايه معاد انهم يشركو بالله
بس زي ما قلت احنا مش ملايكه

وعشان كده سعات مبنقدرش نسامح ونغفر

بس اكيد مع الوقت بننسي وده بردو نوع من اوناع السماح
عشان انته لو نسيت حاجه وحشه حد عملهالك اكيد هتسامحه

تحياتي

ونوووووورت مدونتك من جديد

اتمني التوفيق

لولا وزهراء يقول...

حمد الله على سلامة العودة يافندم
وربنا يسعد قلبك بكل خير ياااااااااااااااارب

دايماً فاطمة تقولي مقولة انت فكرتني بيها دايماً تقولي من الغباء انك تعيش زي الملاك بين البشر ..بس كل ما اقرر مبقاش ملاك مبعرفش اكون الا ملاك

اعتقد انك ملاك ومش هتعرف تتلون او متسامحش

لـــولا

miroooo يقول...

واحشنى جدا يا عموره ولو قلتلك ان المدونه كانت ضلمه من غيرك ومن غير بوستاتك الجميله من هنا لبكره مش هاعرف اوصفلك احساسى وقلقى عليك انت من الناس الجميله بجد وطيب جدا بس خد نصيحه من اخت يا عمورة خليك زى ما انت اوعى تتغير للاسوا الطيبه شىء جميل جدا فوق ما تتخيل كفايه اوى حب ناس كتير ليك اى نعم الطيبين مالهاش مكان فى الدنيا دى بس اكيد ربنا هيجازينا فى الاخر تاكد من كدا سيب كل حاجه على ربنا وعيش بطبيعتك الحياه جميله ولسه فيها ناس كويسين وطيبين خليك متسامح زى ما انت ده اختبار من ربنا علشان يشوفك هتتحمل ولا لا؟ هل هتغير مبداك فى الحياه ولا هتثبت على مبداك؟
اتمنالك الثبات وياريت تتقبل نصيحتى
تاكد من حبنا لك
دمت بكل الخير

فشكووول يقول...

يا امير الحب ..
يا بتاع المزيكا
ازيك

احنا مجتمع متسامح وكلنا او على الاقل عن نفسى وبالاصاله عن غيرى مسامحينك خالص مالص بالص واكيد جالس .. حلوه دة بالاصاله عن غيرى دى .. اصلنازمان ايام ما كانت شويكار هى اميرة القلوب كانت بتعمل فيلم بتقول فيه خالص مالص جالص.

ثم ان انت مزعل نفسك ليه .. طب احنا الكبار فاضيين وماوراناش شغلانه .. وانت عندك انت واللى زيك امتحانات .. الله يساعدكم ويفتح عليكم ويوفقكم ..

انا عن نفسى اسامحك ولانش زعلان ولا حاجه .. شفت ازاى

اشكرك على الكلام الحلو اللى قلته عندى وربنا يبارك فيكم كلكم

تحياتى

blue-wave يقول...

حمدالله على سلامتك يا بطل
انا بس عايز اقولك كلمه
الناس اللى بتغير من اى حد ناجح وبتتكلم عليه دول كتير جداااا
والحل انك تنفضلهم وتخليك مع الناس اللى بتحبك وواثقه فيك وبتحب كلامك
تحياتى يا بطل

مرايتى يقول...

أولا حمد الله على السلامه وإن شاء الله أكيد ماحدش زعلان منك

ثانيا عمر الطيبه والتسامح ما كانت سذاجه الا لو كانت فى وقت فعلا تبان فيه على إنها سذاجه عارفه ان البشر دلوقتى الى برضه احنا منهم بقت قلوبهم حجر وما بقتش فارقه مع حد زعل حد بس دول الى ما عندهمش قلوب يعنى صاحب القلب الطيب مش الطيبه الخارجيه هو الى بيسامح لانه ما بيسامحش غير العزيز زى الزعل ما بيبقى جامد من العزيز برضه القلب ما بيسامحش غير العزيز عليه .. طب ازاى بتطالب الناس تسامحك وانت بتقول مش حتسامح تانى معادله علشان تتم لازم انت كمان تطبقها
وبعدين ما تنساش قول المولى عز وجل "والكاظمين الغيظ والعافين عن الناس والله يحب المحسنين "
علاقه طرديه مش مهم فى الدنيا المهم فى الاخره هنيئاً للعافين عن الناس وجنة الخلد كما قال رسولنا صلى الله عليه وسلم

معلشى طولت عليك بس لانى كمان وكلنا بنشوف زيك ويمكن أكتر بس برضه لما تقدر تعفو اعفو عند المقدره خلى قلبك حى زى ما هو ما تقتلوش بايدك

ربنا يسعدك يارب

7annen يقول...

اولا نورت مدونتى
ثانيا ربنا معاك يارب وبالنجاح ان شاء الله
ربنا يوفقك
ثالثا
ربنا يرحم امواتنا واموات المسلمين جميعا
تقبل مرورى

إبتسامة ملاك يقول...

ربنا يرحم امواتنا واموات المسلمين جميعا

*************

حمدالله على سلامتك ياعمور بجد نورت مدونتك من تانى وسعدت لما شفت تعليقك عندى بجد انبسطت اووى

انا قريت كلامك وحسيته اوووووووووووووووى
بس ياريت ارمى الماضى ورا ضهرت وعيش اللحظه
وربك كريم ورحيم بيك
صدقنى مش لوحدك اللى شفت كتير
انا أكتر منك انا يمكن الحزن اتخلق عشانى انا وكمان الغدر من اقرب الناس ليا
هقولك ايه ولا ايه بس
سيبها على الله وفوض امرك لربك قادر على كل شىء
بتمنالك حياه سعيده كلها فرح وسعاده بعيده عن الالالم الحياه وجفوتها
وربنا يعزك

ومليوووووووووووووووووووووون حمدالله على سلامتك

وربنا يوفقك يارب

كلام من قلبي يقول...

ولا يهمك المهم انك رجعت تاني الحمد لله وشكرا على زيارتك المهم انك افتكرتها مش انك اتاخر
اللهم ارمه وارحم كل المسلمين

احاسيس آيوشه يقول...

اولا حمدلله على السلامة
ثانيا البوست ماشاء الله كبير ودسم ومليان كلام كتير ولو هنعلق على كل كلمة محتاجين صفحات وصفحات
بس هعلق على حاجة واحدة بخصوص التسامح
مش معنى انك مش لاقى اللى يسامحك فى بعض الاحيان تبقى زيهم
انت بتتعامل مع رب البشر قبل ما تتعامل مع البشر نفسهم
اللى بيعمل خير او يمشى فى طريق الحق ربنا مش بينساه ابدا
خليك دايما متسامح بس فى نفس الوقت بشكل مش ياثر على كرامتك وحياتك

Prince-Palestine يقول...

حمد لله على سلامتك من توفيق لتوفيق يارب

دمنا على تواصل ودمدت بخير

silent girl يقول...

حمد الله على السلامه والله الغيبه طولت متغبش بقى علينا كدا:D

صاحبه الامتياز يقول...

انا زعلانه منك جامد يا قمر ايه الغياب دا كلو بجد وحشتينى ووحشنى كلامك

بس يرضيك انت كل الغياب دا عن المدونه وعن اصحابك كمان فى المعهد وعن كل دا

عموما ربنا يوفقك وانا جيت اقولك انك وحشنا وعايزن نطمن عليك حاول تكلمنا لاننا مش عارفين نوصلك و انا بالذات محتاجه اتكلم معاك اوى واطمن عليك جدا
لانى بجد مفتقدك

صمت المشاعر يقول...

عودا حميدا

واكيد التسامح اجمل شيء في الدنيا

منتظرين مواضيعك

دمت بكل خير

خوخه يقول...

السلام عليكم امير الحب
هههههههههه
انا كمان بقى كنت بمتحن وعارفه اني انا كمان بقالي قرن مش كتبت تدوينات جديده وكمان مش بقرا خالص اي تدوينات بس والله مش نسيتكم ابدااااااااااااا
حملله على السلامه وشور كلنا لازم نعذر بعض على الغيبه
المهم بقى احب اعلق ع البوست
انا بس عاوزه اقولك صوابعك مش زي بعضعا زي مابيقولو
يعني هتلاقي ناس بتسامح وناس لا هتلاقي ناس كويسه وناس لا
بس لو ماسمحتش الناس دي هيجي يوم وتغلط ومش هتلاقي حد يسامحك
لان الدنيا بتتكرر وهتعيد نفسها تاني وتتغير ليه طالما انت صح بغض النظر الناس بتتعامل ازاي خليك انت صح مش تعمل زيهم ودا كله عند ربنا ومحدش معصوم من الخطأ زي المقوله
(اعمل الخير وارميه البحر )
تقبل مروري
(خوخه )

nomanko يقول...

JUst one word
forgive
التسامح واحده من الصفات التي تجعلنا بشرا ، سامح دوما وتذكر ان هذا ما يجعلك انسانا

shemo يقول...

السلام عليكم......


مش حعاتب ولا حاجة
حقول ليك وحشه بس

و حقولك انك حد جدع اوى ومن الناس الى قبلتهم فى حياتى وبحترمهم اوى
ربنا يكرمك ويبعد عنك الاحزان



وبلاش تغيب كدا كتير

دومت بخير
فى رعاية الله
shemo

Sharm يقول...

اهم حاجة امتحاناتك تمام ؟؟


شارم
www.sharmlifeblog.com

Prince-Palestine يقول...

حمد لله على سلامتك


اول مرة بفوت مدونتك واتمنى مش الاخير

ياريت نكون على تواصل ودمت بكل خير

شريهان يقول...

الحقيقة وجهة نظر برضو ياريت تزور مدونتى وتقول لى رايك فى اول بوست لى

شريهان يقول...

ازيك عامل ايه مستنايك تعدى على وتقول ايه رايك فى اخر القصة الجديدة

Just waiting يقول...

مش عايز اقولكم انى فعلا ناويت مسامحش وانى بجد حاسس ان لازم اتغير
انا مش ملاك عايش على الارض انا لازم ابقى زى ناس كتير ادهن وشى بالالوان

ماينفعش تعمل زي حد مش معنى ان احنا نتجرح كتير ان احنا نتغير بالعكس
نستفاد من التجربة دي ونتغير للاحسن مهما واجهتك صعاب حول تتمسك بنفسك زي ماهي
وبعدين ان الناس تتكلم عليك من وراك دا بقى شئ عادي جدا
اعتقد ان انت مش احسن من عائشة

بص كان في حكاية كدا سمعتها عن الحسن البصري
ان في واحد اغتابه
ووصله الكلام دا قام الحسن البصري باعت ليه طبق فواكه هدية فلراجل دا راح يسأل بيقوله انا اغتبك انت ليه بتهاديني
قاله لانك هاديتني باللي اغلى منها هاديتني بحسناتك وكفاية بقى علشان انا كدا رغاية قوي

miroooo يقول...

فينك يا عمور؟
فين بوستاتك الجديده؟ اتمنى انك تكون بخير
مش عارفه انت بتغيب علينا كتير اوى
انا مستنيه البوست الجديد قريب
دمت بكل الخير يارب

amirelhob يقول...

sweet angel

صدقينى انا خدت القرار دا لما حسيت ان انا ساذج وسط ناس مبتعرفش تسامح او تتقبل ان حد يكون بيسامح وبعدين يا ستى ولا طولتى ولا حاجه وبجد انتى نورتى رغم انك رغيتى كتير (نفس الوش اللى بيطلع لسانه)

تنورى فى اى وقت يا قمر ومن قلبى بتمنلك

كل خير وسعاده وصحه وتوفيق وفرح وابتسامه

تدوم يا رب طول العمر

amirelhob يقول...

زهراء

كلامك صح جدا وانا مقدرش اقول عليه اى ملحوظه ومصدق كلاك اوى لانك معندكيش اى دافع انك تدينى امل فى اى حاجه جديد وصدقينى انتى من الناس القليله اللى بتابعنى وبتابع اخبارى وبهتم بالسؤال عليا وصدقينى رايك فى اى بوست بكتبه بيهمنى اوى وللاسف قدرتى انتى وكل الناس تاثروا عليا ورجعت اسامح تانى

وميرسى يا قمر على انك بتدينى وقت كبير فى قريت موضوعاتى المتواضعه

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

نهر الحب

فعلا يا نهر احنا مبنتعلمش !

يمكن عشان احنا طيبين بالفطره او طيبين زياده عن اللزوم انا كونت فاكر ان دا غلط بس لما حسبتها صح لقيتها نعمه كانت هتضيع مننا بالسهل لان تفكيرنا كان غلط

نورتى بجد المدونه يا قمر ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

lostlove

عندك حق جدا يا لوست وكلامك مفهوش ولا غلطه غير غلطه املائيه بس

وصدقينى انا ناويت ارجع تانى ومقتنع جدا بكلامك وانا مغمض لانى اتعلمت منك كتير واتعلمت كمان من الدنيا ان الناس اللى بتحب مش بتقول غير الحقيقه والصح
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

لولا وزهراء

عندك حق وفاطمه كمان عندها وانا مش هبقى ملاك اوى يعنى انا هبقى مجرد حد عادى اوى هعيش حياتى عادى جدا ومن غير اى نظام هعيشها زى ما هى كدا حياه خفيفه ولذيذه من غير اى تلون

ميرسى على انك بتنورينى يا قمر وبتهتمى بموضاعاتى

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

miroooo

ميرو زى ما انا وحشك انتوا كلكم وحشتونى بدرجه اكبر بكتير لانكم بقيتوا جزء منى ومتخافيش عليا انا حاولت اتغير بس فشلت كالعاده للاسف برجع تانى للى اتعودت عليه واتربيت عليه انى ابقى طيب و متسامح ودا مش فخر والله لكن دى الحقيقه

نورتى بجد يا قمر واديتى طعم للبوست بالكونت بتاعك دا يا قمرايه

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

أ.فشكووول

مهما قلت عليك او عدت مقدرش اوفيك حقك لا هنا ولا فى المدونه عندك ولا حتى فى بوست ليك لوحدك انت تعتبر صوت العقل فى البلوج ودى وجهه نظرى حتى لو اختلف معايا حد بس انا اتعودت احكم ومش بستنى رد غيرى على كلامى المهم اقول اللى حاسوا


وبجد نورتينى واضفت للبوست رونق غير عادى بتعليقئتك

ومن قلبى بتمنلك كل خير وسعاده وصحه وتوفيق وفرح و ابتسامه تدوم يا رب طول العمر

amirelhob يقول...

blue-wave

عندك حق واوعدك انىمش هبعد تانى بالفترا الكبيره دى صدقنى هرجع وهكون معاكم دايما ادعيلى انت بس وميرسى على انك نورتينى

ومن قلبى بتمنلك بجد كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

مرايتى

بيعجبنى اوى كلامك لانو ملموس ومحسوس كلامك بجد كان ليه تاثير كبير علا مش عارف ليه يمكن عشان منطقى جدا او يمكن عشان جبتى ادله من القرءان والسنه ودا بيشدنى اوى وبيبقى زى الم على خد فلان يخليه يصحى وياخد بالو من الخطر اللى جاى

ميرسى اوى بجد ليكى على كلامك

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

7annen
النور نورك انتى لانك انتى نورتى المدونه بجد

وبجد يا رب متبقاش اخر مره وميرسى على الدعوه ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

إبتسامة ملاك

الله يسلمك يا قمر يالى دايما منفرده ومتالقه بموضوعاتك وبجد تعليقك عندى دا بيعنى للبوست طعم تانى وبيدله اكتر من حقه
نورتى بجد ومتخافيش عليا هرجع تانى

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

كلام من قلبي

مقدرش انسى ناس غالين عليا

وميرسى يا قمر على انك نورتينى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

احاسيس آيوشه

كلامك صح مليون الميه وابقى غلطان لو قولتك انى مش مصدقه وعشان كدا قررت انى ارجع فى كلامى وابىق عيل وارجع اسامح لانى اقتنعت لاكتر من سبب و بجد انتى كلامك عين العقل

نورتينى يا قمر
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

Prince-Palestine

الله سلمك وبجد نورتينى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

silent girl

ان شاء الله مش هغيب تانى وادعيلى انتى بس يا قمر

ونورتينى بجد

وربنا يوفقك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

صاحبه الامتياز

قريب جدا هكون معاكم متخافيش عليا

وانتى اول حد هيعرف بوجودى وكلامى
وسلمى لكل المعهد
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

صمت المشاعر

فعلا التسامخ من اجمل الحاجات فى الدنيا

ونورت المدونه بجد

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

خوخه

ربا يوفقك اولا فى الامتحانات ويا رب دايما متوفقه

وانا مقتنعه جدا بكلامك ومصدقه وناوى انفذه عشان اكيد هو دا الصح وتقريبا كدا كونت انا اللى غلطان

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر ونورتى المدونه يا قمرايه

amirelhob يقول...

nomanko

عندك حق فى كلامك وفعلا لولا التسامح مش هحس انى من البشر

نورتينى بجد ومن قلبى بتتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

shemo

طيب انتى قدرتى توصفينى فى كلمات قليله انا بقى هقدر اوصفك ازاى معتقدتش ان فى كلام يقدر يوصفك او يديلك حقك لانك انتى بجد من الناس اللى بجد محترمه جدا جدا جدا

نورتى يا قمر وربنا معاكى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

Sharm

متخافش عليا كلو تمام

بجد نورتينى

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

شريهان

انا بعتذر عن وجهه نظرى لانها طلعت غلط ومدونتك بجد تحفه

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

Just waiting

كلامك صح جدا صدقينى وانا اللى كونت غلطان

وانتى مش رغايه يا قمر بالعكس دا انتى فيدتنى كتير جدا وربنا يوفقك يا قمر


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

miroooo

انا رجعت تانى يا قمر متقلقيش عليا وهتشوفى بوستاتى قريب

وربنا يوفقك يا رب يا اجمل ميرو

ومن قلبى بتمنلك كل خير وسعاده وصحه وتوفيق وفرح وابتاسمه تدوم يا رب طول العمر

ساسو يقول...

صباح الفل
مدونتك بجد جميله جدا
وشرف ليا اني اتابعها
بجد كلماتك كلها رقيقه

بالتوفيق

غير معرف يقول...

غزل

شكرا لك

ksa-flh

ksa-flh.com غزل المدينه يقول...

music اغاني

اغاني الجدعاني

جلسات شكشكه

جلسات عبودي المدينه

كلمات اغاني

موضي الشمراني

جلسات مطربات

youtube

اغاني خليجية

اخبار الفن و الفنانين

صور فنانات

نغم الغربيه

أسواق المنطقة الغربية

الحياة الزوجية

اناقة ادم

اناقة حوا

منتدى العروس

اغاني عبودي المدينه

اغاني دخون

اغاني دخون

thanx this topic very very good

i will spend my time in this site : ksa-flh.com