Crossword puzzle

http://1.bp.blogspot.com/_m1yNgYT4sVk/SqIzJe3vCCI/AAAAAAAAAp4/LeFP2Iieb0c/s320/%D9%83%D9%84%D9%85%D8%A7%D8%AA+%D9%85%D8%AA%D9%82%D8%A7%D8%B7%D8%B9%D8%A9.jpg



ورجعت تانى ليكم اكتب لناس بحبهم وبحب كلامهم وكلامى معاهم

هبدا الاول كدا بكام حاجه كدا عايز اقولهم مهمين اوى بالنسبه ليا

البوست اللى فات على قد ما كان اقل تعليقات على قد ما رجعنى تانى احب الكتابه كانى لسه فى الاول


وكانى لسه عضو جديد فى البلوجر لسه عندو حماس الكتابه

وكمان عايز اقولكم بجد شكرا على الوقت اللى قضيتوا وسطكم بستفيد من رايكم

وبفرح بتعليقاتكم اوى لانى بحسها هى دى نجاحى جنبكم

ومش هنكر انى اول ما كتبت كونت فاكره سهله و اى حد ممكن يكتب مكنتش بصراحه

بقدر احساس حد ولا كلام حد مجرد كلام فى كومنت بكتبه عند اى حد عشان

بس ابقى موجود لكن بعد كدا بجد عرفت ازاى انتوا ناس محترمه وجميله جدا

فى كلامها وفى تفكرها لفيت على مدونات كتير منها اللى بيحلم ببلد جميل

واللى بيحلم بحياه غير حياتو واللى بيحلم ببكرا ازاى يبقى اجمل من اللى فات

واللى بيعبر عن نفسو من غير اى اقنعه ومش مهم عندو غير انو يبقى صريح قدام نفسه وقدام اللى بيحبهم

بجد انا لو قعدت اعد اتعملت منكم قد ايه مش هقدر اديكم حقكم

................

ثانيا

انا عملت بوست جديد اسمو فلاش شايف انو هو دا اللى هكتب فيه الفتره اللى جايه هيعبر عنى اكتر من اى

بوست تانى عشان حقيقى هو دا اللى بحسه والموضوع دا هيبقى اول فلاش عيشتوا


........................

انا قولتكم البوست اللى فات انى قررت اعيش لوحدى بس بصراحه انا كدبت عليكم

كدبت عشان مش انا اللى قررت الظروف هى اللى قررت واختارت انى اعيش لوحدى

كونت فاكر انى مبسوط وان هو دا نفس قرارى عشان كدا كدبت على نفسى وصدقت كدبتى

انى انا كدا اللى قررت اعيش لوحدى لكن انا بقولكم الحقيقه لانى بجد مقدرتش ابقى قد الظروف دى

صعب اوى على حد زى عاش حياتو كلها وسط ناس بتخاف عليه وبيحبهم

صعب على حد بيعشق اخوه وبيموت فى اخته اللى مليه حياتو

و كل الصعب فى كدا حصل عشان فى قوه اسمها الظروف

قررت وحكمت بكدا لا ونفذت كمان

قوه معندهاش استنئاف زى اللى بنشوفه فى

المحاكم معندهاش تاجيل

القرار بيتنفذ فى لحظه صدوره

رغم انى بجد زعلان ومخنوق على انى لوحدى على قد ما اتعملت حاجات كتير اوى جميله

عرفت قد ايه والدتى بتتعب فى شغل البيت قد ايه المسئوليه حاجه مش سهله

قد ايه الالتزام ليه فوايد على قد ما هو نوعا ما بيخنق اتعملت حاجات كتيره

اكيد هحتاجها فى يوم


بس بجد اللى مزعلنى انى حياتى بقت حروف متكسره ومتلغطبه حروف من غير نقط

او حتى ليها معانى فعلا اللى بنبحهم ويحبونا بيكمله فينا حاجات كتير

يمكن انا كنت عارف معاد الفراق بس مكنتش اتصور انو هيبقى صعب اوى كدا

احساس صعب بجد ان اللى بتحبهم وعشت معاهم عمرك كلو يجى اليوم اللى يوحشوك فيه

وحتى ميسبوش اى حاجه تصبرفراقهم غير ذكريات بتنزل عليها دموع كل ما تشوفها

انا كونت فاكر انى حد جامد اوى اى فراق اقدر اتحمله طلعت اضعف حتى من الفراق

اللى بنختاره

وانا وسط كل دا حسيت فجاءه بجد انى فى مكان ضلمه ومفيش عليا غير فلاش

كاميرا بيقولى اختار سؤال لنفسك وجاوب عليه

بصراحه انا اول ما جه السؤال بس فى بالى ملحقتش افكر فى الاجابه دمعت

عشان بجد صعب اوى لو دا حصل صعب اوى ان السؤال

يبقى هتعمل ايه لو اتفرض عليك فراق نفس الناس اللى بتحبهم دول

بس فراق مفهوش رجوع فراق مش بالاختيار دا بالاجبار

سرحت شويه وبجد اتعذبت فى التفكير

اصلوا احساس صعب اوى انك تفكر فى انك هتفارق حد منهم للابد

كلهم غالين عليك كلهم ما بينك وبينهم اجمل ايام فى حياتك اجمل ثوانى ودقايق

صعب بجد يجى يوم وتقول انا كونت هنا مع ناس فرقتهم

صعب تسمع اغنيه سمعتها معاهم فى لحظه كنتوا هتمتوا فيها من البرد

وانا بجد صعب انسى حاجات كتير صعب انسى اول كوبايه شاى اعملها انا واخويا

والحفله اللى عملنها فى المطبخ صعب انسى اول اسمى تختاره اختى تنطقه يبقى اسمى

صعب انسى دعوه حلوه من امى ليله امتحان وهى على سجاده الصلاه

كل الحاجات دى بتخلى الفراق كابوس عندى مش عايز اعيشه


بجد وحشونى حتى وانا لسه سايبهم مش عارف اعمل ايه لما يعدى كم يوم عليا وهما بعيد



على فكره انا دلوقتى مش لوحدى اوى يعنى معايا بابا بس بشوفه كل فين وفين بنتقابل فى البيت صدفه

لو فاضين انا عارف انو غصب عنوا و عنى بس خايف افرقه ومكنش شبعت منوا

وعلى فكره كمان اهلى سافروا مصر وسابونى زى ما انا هنا

هما اه هيرجعوا تانى بعد فترا بس للاسف انا بقى هنزل ونفترقتانى بس فترا اكبر عشان خلاص نقلت دراستى مصر

مش عارف الحياه بتختار الاصعب ليه دايما عليا وتنفذه ومش عارف ليه انا دايما بفرح بيه ساذجه

ولا رضا بالحال وخلاص

عموما مبقتش تفرق معايا لان احلى حاجه فى كل دا ان هقدر اعتمد على نفسى اكتر فى اللى جاى





* كل واحده بقى من اخواتى الحلوين تجهز نفسها على اسئله كتير فى الطبخ وكدا

ومحدش يقولى غلط عشان مغبش عنكم للابد


* مش عارف ليه ببقى فرحان اوى وانا بكتب البوست زى ما يكون البوست هو العيد

يمكن عشان بجد بحبكم اوى ومبقاش ليا دلوقتى حد غيركم احكى معاه واقوله على اللى جوايا


* مش هنكر انى خايف بجد من عباره "اللى بعيد عن العين بعيد عن القلب "




علمتنى الحياه ان الدموع لا تنزل الا على الاحباب





ادعولهم يرجعوا بالسلامه وسلام انا بقى عشان مطولش عليكم

30 التعليقات:

جوجو يقول...

السلام عليكم
ربنا يرجعهم بالسلامة ويطمنك عليهم
ومش يفرقكم ابدا
الفراق صعب جدا وخاصة لما يكون مش قدامك حل غيره ربنا يصبرك وان شاء الله كلها ايام وهتعدى وبأذن الله تعدى على خير
تحياتى

زهرة يقول...

ربنا يرجعهم بالسلامة .. لان مش سهل حد يعيش لوحدة .. واللمه حلوة اوى

حضرتك نورتنى بالزيارة لبيتى الضغنون "مدونتى"

اتمنى تكرارها الدائم

واسمح لى بمتابعتك

صمت المشاعر يقول...

ربنا يارب يوفقك في حياتك وميفرقكش عن اللي بتحبهم ابدا ويجمعكم دايما علي خير

افروديت يقول...

شوف أنامش عارفه ليه أصلآ فراق..بس ايآ كان ربنايقدرك لحدماترجع ليهم تاني لأن الفراق كلمة معناهاأصعب من أنهاتتقال كده.. ربنايوفقك في حياتك

بس اقولك أنت برضه هتقدربكده تعتمد علي نفسك وتبقي حدكويس اكتركمان وربنامعاك.. أمابخصوص الطبخ أطلب أنت بس ومش يهمك وأناأبعت دليفري ع طول .. أو أوصفلك وخلاص وربنامعاك وأنت بتاكل من وصفي ههههههههه.. باااي

أتنين حبيبين يقول...

على فكره

انت حد جميل اووووووووووى عرفته
وبتمنا يدوم الود

وبصراحه اللى من غير اهله وناسه عايش تايهه وسط الناس
احنا اهلك واخواتك وجنبك على طوووووووووووووووول
وان شاء الله ربنا مش يحرمك منهم ويرجعوا بألف سلامه ياقمر
وانا تحت امرك شوف عاوز تاكل ايه وانا اساعدك

ههههههههه

تحياتى ليك ياعسل

توتا

لـــولا وزهـــراء يقول...

عموووووووووووور

اولا انت حد جميل اوى مش اقصد فى شكله لكن جميل فى اخلاقه
فى اهتمامه بالاخرين
فى السؤال عنهم فى الاطمئنان عليهم
جميل فى انك بتعرف تشارك الاخرين فى كل حاجه هما بيعملوها

ثانيا تحت امرك فى اى سؤال فى المطبخ
ثالثا البعيد عن العين مش ممكن يكون بعيد عن القلب لاسباب كثيره فى جمله بتقول التى احبها قريبه مهما بعدت
يعنى مهما كانوا الناس اللى بنحبهم بعيد عننا فى المكان لكن هتفضل مشاعرنا الحلوه لهم فى قلوبنا وفى قلوبهم كمان
عارفه ان الفراق صعب لكن كلنا عنده امل فى لحظة لقاء تجمعنا مع من نحب
ربنا يفرح قلبك يا عمرو
من قلبى ادعى لك بالسعاده والهنا والفرح اللى يدوم العمر كله


زهـــــــراء

Noha Saleh يقول...

ان شاء الله ربنا يرجعهم بالسلامة ومايكونش فى بعد تانى
انا اول مرة ازور المدونة وان شاء الله مش هتكون اخر مرة لانها فعلا مدونة جميلة اوى

miroooo يقول...

السلام عليكم
عارفه انى مش بازورك كتير بس انا عارفاك باردو يا عمورة انت من احسن الاشخاص اللى عرفتهم من خلال المدونه بجد
حقيقى الفراق صعب جدا جدا بس ربنا معاك ان شاء الله
ادعى ربنا يجمعكم بخير يارب
ربنا يرجعهم بالسلامه ويطمنك عليهم
وان كان على الطبخ احنا موجودين باردو فى الخدمه انت تؤمر يا عمور
ربنا معاك

ساسو يقول...

يارب يرجعهم بألف سلامه
وباذن الله مش هيبقي في فراق تاني
وباذن الله ربنا مش هيكتب عليك غير كل شئ جميل لانك انسان طيوب أوي
وبجد هتفرح وهتعيش أسعد حياه

وانا جاهزه
انا في الطبيخ
ميه ميه
اي خدمه
بس انت تؤمر
اعتبرني اختك واي حاجه
اسألني فيها
وبجد هاكون جاهزه
ودا شئ يسعدني جدا

خالص تقديري واحترامي

حَـبآيـۃْ.بـטּـدۉڷ يقول...

عمري ما دخلت المدونه دي ومطلعتش بإستفاده جديده ..
دايمـاً إحساس الغربه صعب .. بس الأصعب انك تحس بغربتك حتى وانت بين اهلك .. انك لما تحب تفتكر موقف حلوو .. ذاكرتك تخذلك ..

وبعدين ايه " لوحدي " دي .؟

امال الناس اللي بتدخل ودخلت وهتدخل هنا دي كلهم ايه .. اكياس جوافه !!

حكاية المطبخ دي .. هحاول اساهم باللي اقدر عليه .. اومليت وعصير موز كويس اووي كده .. :)

ربنا يرجعك بالسلامه .. ويحفظلك اهلك كلهم .. ويخليك ليهم .. ويخليهم ليك .. وحاول تتأقلم عالحياه كده .. وافتكر دايماً إنها خلآآص " هانت " ..

ربنـآ يوفقك .. :)

دموع القمر يقول...

ربنا يجمعك بكل احبابك
هو انا مش فهمت انت افترقتوا ليه
ربنا يقرب البعيد
ليك عندى تاج ابقى تعالى خده :)

dalia يقول...

بجد يا امير كلامك موثر اوى يا رب تبقى دى اخر حاجه تخليك تحزن

كلامك جميل جدا وبجد انت شخص رومانسى اوى بجد كلامك جميل اوى وطريقتك حلوه .

ممكن اعرف انت كم سنه ومنين يعنى عشان نبقى اصدقاء وعلى فكرا انا ضفت ايميلك
يا رب تقبله انا بجد عايزه اتعرف عليك اكتر وبتمنى يا رب توافق وبجد انا خدت قرار انى هتابع المدونه دى علطول ويا رب متبعدتش فترا كبيره تانى

Story pain يقول...

تجربة صعبة لكن زي ما قلت اتعلمت منها حاجات كتير..للأسف في حاجات كتير مش بنعرف قيمتها غير لما نفقدها

ربنا يرجعهم ليك بالسلامة..وماتفترقوش تاني

سعيدة جدا بزيارتي لمدونتك :)

كلام من قلبي يقول...

ربنا يرجعهوملك بالسلامة يا رب

فعلا بيكون احساس صعب اوي انك تفارق ناس انت بتحبهم واتعودت عليهم ولو كانت فتراة صغيرة
تحياتي

amirelhob يقول...

جوجو

وعليكم السلام

ميرسى بجد على كلامك وعلى الدعوه الجميله دى وربنا يكرمك يا رب وميرسى على انك متبعنى وبتمنى يا رب ان دايما تبقى فى احسن حال

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

زهرة

نورتينى طبعا واضفتى الكثير من الجمال الى مدونتى وطبعا متابعتك ليا دا شئ يشرفنى

ويا رب اكون دايما عن حسن ظنك

وبتمنلك يا رب دوام التوفيق والنجاح


ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

صمت المشاعر

ربنا يوفقك يا رب وميرسى بجد على الدعوه الجميله دى ويا رب كل المسلمين يفضله جنب بعض وميتفرقوش ابدا


ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

افروديت

ربنا يخليكى وبجد نورتى المدونه بس بما انك قولتى ربنا يستر من طبخك يبقى اوعدك انك اخر حد هفكر فى انى اساله لانى لسه شباب وبحلم بحياه جميله مش عايز احصل ناس ماتت بس وصفه غلط بس بجد ميرسى على كلامك الجميل دا وعلى انك نورتى مدونتى المتواضعه ويا رب دايما من نجاح لنجاح

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

أتنين حبيبين

لو انا فعلا حد جميل يبقى عشان بجد وسط ناس اجمل بتمنى يا رب مفقدش صورتى الجميله دى وسطكم وسعيد بجد انى عرفتك وان شاء الود غصب عنك مش باختيارك ما هو محدش يلاقى اخوات وناس طيبين كدا ويبعد عنهم

وميرسى بجد على كلامك اللى كتير عليا جدا

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

زهـــراء


طبعا انتى بقى يا زهراء لو قعدت اوصف ليكى انا قد ايه مقدر كلامك احتمال اضيع عمرى ولسه موصفتش لكن صدقينى انا بجد سعيد انى اتعرفت عليكم من اول يوم عرفتكم وانتوا بجد غيرتوا فيا حاجات كتير
بتمنى اللى جاى يبقى فعلا احسن ليا وليكم وبتمنى يكون فى جديد كل يوم فى حياتكم ويا رب دايما تبقوا ايد واحده

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

Noha Saleh

المدونه لو فعلا جميله يبقى عشان انتوا بتشاركونى فيها بتعليقاتكم وارئكم الجميله بتمنى يا رب تفضل المدونه عاجبكم كدا ورائعه بيكم

ويا رب متبقاش اخر مره فعلا تزورينى فيها وهستنى انك دايما تعلقى على مواضيعى اللى تعجبك

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

miroooo

مش مهم تزورينى كتير المهم انك تبقى دايما بخير وعلفكرا لو انا فعلا من اجمل الناس اللى عرفتيهم يبقى انتى من اروع الناس بجد اللى فى عالم التدوين يا رب تفضلى كدا منوره عالم جميل بيكى وبجميع الناس اللى هنا

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

ساسو

ربنا يخليكى يا قمر على كلامك الجميل اوى دا وبجد انتى اختى مش زى اختى بتمنى يا رب انى كونت اسالك فى اى حاجه فى المطبخ بس مفيش نصيب بس اوعدك هسال الايام جايه كتير بس يا رب مش تورطينى

بتمنى يا رب ايامك اللى جايه يبقى كلها فرح وخير وبتمنى تبقى من اسعد خلق الله على الارض


ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

حَـبآيـۃْ.بـטּـدۉڷ

اكيد بتستفيدى طبعا مش فى اغانى ببلاش شغاله :d

بجد انتى من الناس اللى بعتز بمعرفتهم وبجد بتنورينى جدا

وبتضفى جمال على البوست بتعليقكاك بتمنى يا رب الود والاحترام يدوم ما بينى وبينكم كلكم وابقى دايما سايب حاجه جميله تفتكرونى بيها

وبالنسبه لمساعدتك شكرا مش عايزه عشان بجد كتيره عليا اوى انا مش عارف من غيرك كونت هعمل ايه :O

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

دموع القمر

افترقنا عشان قدرنا الفرقا بتمنى يا رب محدش يشوف فراق اغلى ما ليه زى ولا حد يحس الاحساس اللى بجد كان بيقتلنى بتمنى ايامك كلها تبقى خير وسعاده واما بالنسبه للتاج بقى اكيد هجاوب عليه فى اقرب وقت ان شاء الله
ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

dalia

ميرسى يا قمر على كلامك الحلو اوى دا و طبعا انتى سالتى كم سؤال ردهم هتلاقيه على البروفيل بتاعى بتمنى يا رب نبقى اصدقاء واخوات كمان وربنا يكرمنا كلنا فى رمضان وايامك تبقى احلى واسعد من اللى فاتت ويا رب تفضلى فعلا متابعه المدونه زى ما بتقولى ودا هيبقى شرف ليا انا طبعا

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

Story pain

تجربه صعبه بس صدقينى النتائج ايجابيه جدا وبجد حاجات كتيره اوى اتغيرت فى حياتى يمكن مش جميله اوى بس تعبتر من احلى ما اتغير فى حياتى

يا رب تنورينى دايما ويا رب تكون عجبتك المدونه بجد نورتينى ونورتى المدونه البسيطه اوى دى

ومن قلبى بتمنلك رمضان يكون كريم عليكى وعلى الامه الاسلاميه اجمع

amirelhob يقول...

كلام من قلبي

مش صعبه اوى هى لما الايام بتعود خلاص تقدرى تقولى القلب بيتعود ينسى او يأسى بجد انا مش عارف بتمنى يا رب محدش يعرف طعم الفراق ولا يحسه ابدا

وبجد شكرا على انك متابعنى ومتابعه المدونه البسيطه دى

ومن قلبى بتمنلك رمضان يكون كريم عليكى وعلى الامه الاسلاميه اجمع

الراقي للتنظيف يقول...


هل تعبتم من تنظيف المجالس والكنب ؟ هل تجدون صعوبة في ازالة البقع والاتربة من المجالس ؟ نقدم لكم الحل الامثل لخدمات التنظيف بالاحساء وهي شركة تنظيف مجالس بالاحساء الشركة المتخصصة في تنظيف المجالس والكنب والساد والموكيت بالاحساء والمتخصصة في خدمة عملائها بالاحساء منذ عشرات السنوات فهي خير صديق يمكن الاعتماد علية في تنظيف المنازل والمجالس بالاحساء , ايضا تقدم شركة المثالي جروب خدمات التنظيف الاخري والتي يمكن الحصول عليها بكل سهولة ويسر والمقدمة من قبل افضل شركة تنظيف بالاحساء وهي
شركة تنظيف شقق بالاحساء
شركة تنظيف منازل بالاحساء

شركة شفط بيارات بالاحساء
شركة تسليك مجاري بالاحساء
شركة كشف تسربات المياه بالاحساء
تواصلوا معنا للحصول علي الخدمات بافضل جودة وارخص الاسعار

الراقي للتنظيف يقول...


شركة المثالية للتنظيف بالاحساء هي افضل شركة متخصصة بالاحساء يمكنكم الاعتماد عليها في الحصول علي جميع خدمات التنظيف ومكافحة الحشرات فهي الشركة الرائدة لجميع خدمات التنظيف بجميع انواعها للمنازل وكل ما يحيط بها من جنائن وحدائق بالاضافة الي خدمات مكافحة الحشرات ورش المبيدات الامنة والفعالة علي المنزل بكل السبل والطرق كما توفر شركة المثالية للتنظيف بالاحساء خدمات اخري للنظافة مثل تنظيف الخزانات وتنظيف وصيانة المسابح علي ايدي خبراء للنظافة متخصصون منذ عشرات السنوات فلدينا
شركة تنظيف مسابح بالاحساء
شركة صيانة مسابح بالاحساء
شركة تنظيف خزانات بالاحساء
فعندما نتكلم عن شركة المثالية للتنظيف بالاحساء فهي افضل شركة تنظيف شقق بالاحساء حيث يعتمد عليها الكثير من اهالي محافظة الاحسء والمنطقة الشرقية في جميع خدمات التنظيف واصبحت هي افضل شركة متخصصة في تقديم النظافة الشاملة للشقق والفلل والمجالس فلدينا
شركة تنظيف بيوت بالاحساء
تواصلوا معنا للحصول علي افضل خدمات التنظيف مع شركة المثالية للتنظيف بالاحساء