Decision



طبعا لو بدات بالاعتذار هتبقى موضه قديمه اوى وكلام كدا ملوش لازمه ومتكرر

والكلام لما بيتكرر مبيبقاش ليه لازمه وبيبقى تقيل كمان

انا هقولكم انى بس كونت مشغول الفترا للى فاتت زيكم فى الامتحانات

والحمد لله عدت على خير وربنا سترها معايا


هبدا البوست الجديد دا بالكلام عن حاجات كتير اوى كانت جوايا الفترا اللى فاتت

بس كان غصب عنى لازم اعديها ومش اديها اهميه لحد ما تعدى الفترا اللى محتاجه منى

تركيز مش عادى حتى لو كان دا غصب عنى


اول حاجه عملتها بعد ما خلصت امتحانات غيرت شكلى عشان احس بتغير كبير فى حياتى

على الاقل لما ابص لنفسى فى المرايا احس انى واحد تانى

غير اللى عاش فترات حزن وخوف ورعب من اللى عدى وفات

حتى لو دا تغير بسيط بس على الاقل تغير

مش هقول انى مخسرتش الفترا اللى فاتت حاجات كتير

اصدقاء واحلام واحاسيس ومعانى حاجات كتير كان نفسى اكمل عمرى بيها

بس بردو الرصيد اللى كسبتوا من الدنيا كافى اوى انو يعلمنى ازاى اقدر

اشوف الحقيقيه من غير تشويش اشوف الابيض ابيض والاسود اسود

انسى اللون الرمادى اللى عقدنى كتير وكان هيضيع منى حاجات اكتر من اللى خسرتها

بس الحمد لله فوقت من اللى انا فيه قبل ما اصحى على الم يزود همى


الفترا اللى فاتت دى كانت من اجمل الايام فى حياتى

اصلها عارفتنى ازاى ابقى كبير وسط الكبار لا ومش بس كدا لا اخد مكان وسطهم يخليهم

يحترمه راى

احساس جميل انك تتحرر من قيود الطفوله و الضعف ومش معنى كلامى ان الطفوله شئ وحش

بس بردو ساعات كتير اوى وفى مواجهات كتير متنفعش تبقى صغير

لازم تاخد قرارت تحدد حياتك مينفعش تعتمد على حد لازم تختار طريقك عشان

متلومش غير نفسك ومتديش لنفسك فرصه انها تلقى شماعه تعلق عليها اى فشل ممكن تتعرضله

الاحساس الاصعب بقى انك تختار فى يوم ومن غير اى مقدمات انك تبقى لوحدك

ومش عايز معاك بنى ادمين عايز تسرح فى حياك تغلط وتصلح غلطتك بنفسك

تتحمل مسؤليتك يمكن هتغلط وهتحتاج مساعدات بس مش هتبقى هى العامل الاساسى فى حياتك

وكمان هتكون تدخلات بارداتك مش فرض عليك

مش حاجه خناقك ومحسساك انك ولا حاجه

اه طبعا فى ناس بتتدخل عشان تساعد ومش عايزه مقابل بس هى متعرفش انها بتهد اكتر ما بتبنى

وعشان ابدا اكون صح واختار حياتى صح خدت كل القرارت بنفسى ومن غير اى

تراجع خدت قرار انى انسى الماضى بكل ما فيه الحلو قبل المر الابتسامات قبل الدموع

وكانى لسه جاى الدنيا من جديد ومليش حد فيها نهائى اه فى ناس بحبهم وعايز افضل معاهم واكيد

هفضل معاهم وهطلب رايهم بس القرار هيبقى ليا انا

اكيد فى حاجات كتير مش هعرف اخد فيها قرارت لوحدى وهقع لكن هقوم تانى بسرعه

بناس كتير حواليا بيحبونى زيكم وزى اصدقاء ليا لسه بيهمهم مصلحتى

انا دعيت واتمنيت انجح وحاسس انى ان شاء الله انى مش هفشل

حتى لو انكسرت مش هتبقى بالدرجه اللى تخلينى ارجع عن قرارى

وعشان كدا بدات احضر لرجوعى مصر تانى قريب

بس بعد ما اخلص حاجات كتير ورايا عشان مبقاش شايل هم اى فشل بدرى

لان اللى بيفقد دفاتر الماضى لا يمكن يلاقى اقلام يسطر بيها دفاتر تسجل الحاضر


* اوعدكم الفترا اللى جايه هكتب بوستات كتير جدا تعوض غيابى الايام اللى فاتت *

*انا متوقع ان دا هيبقى اقل موضوع عليه تعليقات اتكتب فى المدونه لانو مش واضح اوى وكمان ميهمش حد اوى*


* علمت ان عيون الناس تعكس دائما الحقيقيه فارتديت نظاره النفاق حتى لا اجرح احد*


28 التعليقات:

داليـ ـ ـ ـ ـ ـ ــــا يقول...

بص بقه ياأمير الحب ياجميل

انا كنت مبتسمه طول القراءه وسعيده اوى بكلامك ده
تعرف ليه
عشان حسيت انى بقرء لحد كبير عقليا بالرغم من انك صغير السن سعيده اوى بعقليتك دى وقراراتك الجميله اوى دى

كمان حاجه ليا ممكن اقولها
الدنيا ابيض او اسود مينفعش فيها كروهات

بالنسبه للنضاره عشان النفاق
انتا مش محتاج تلبسها
ولا محتاج انك تنافق
وكمان مش محتاج انك تتعامل مع الناس اللى من النوعيات دى

انتا شخصيه ليها تفكير واعى وعالى وسابق سنك يبقا تتعامل مع النوعيات اللى متل شخصيتك دى
واللى مش عاجبه اسلوبك وعدم نفاقك
يبقا ايه يامان
يخبط راسه فى الحيط

بجد حقيقى سعيده بمعرفتى بمدونتك
ومنتظره بوستاتك

كان نفسى اتناقش معاك اكتر واقول كلام اكتر
بس عشان متملش منى
خلينى ضيف خفيف

تحياتى يامان

داليـ ـ ـ ـ ـ ـ ــــا يقول...

الله الله الله

كمان اول تعليق
سعيده انى اول تعليق
وده التانى كمان


خالص تحياتى

جوجو يقول...

السلام عليكم
كويس جدا المهم فعلا اننا نتعلم ونبدأ من جديد وننسى اللى عدى
نورت مكانك من جديد
ومنتظرين جديدك
تحياتى

اميرات الاسرار يقول...

السلام عليكم

احب اقولك ان التغير دا شئ مهم جدا فى حياتنا ولازم منه علشان منحسش بالملل من نفسنا بس كمان يكون التغير دا فى صالحنا وبطريقه صحيحه

عجبنى كلامك جدا وربنا يوفقك يارب الى الخير

تقبل مرورى
زهراء

غير معرف يقول...

كل اللى قولته جميل
انا متفقه معاك فى حكايه العيون
بس نضاره النفاق بلاش منها
انت ارقى من كده بكتير
فى نضاره تانيه اسمها افهم اللى قدامى واتعامل معاه بحنكه وذكاء
ايه رأيك مش دى اجمل
كل الود
تحياتى

ساسو يقول...

بحجز مكان
وراجعه تاني

أتنين حبيبين يقول...

مساء الجمال على أحلى أمير للحب
أنت جبت الخلاصه

بأحلى الكلام
******************
* علمت ان عيون الناس تعكس دائما الحقيقيه فارتديت نظاره النفاق حتى لا اجرح احد*
********************
مافيش أحسن من كده كلام يتقال بالزمن ده
والحمد لله ان المرحله عدت على خير وانك اتغيرت بس بتمنا بس من ربنا يا امير الحب انك تكون راضى عن نفسك وربنا يكون راضى عنك
واياك تاخد قرار تندم عليه بعد كده

المهم خلى بالك من نفسك وكون كما تحب
ربنا يكرمك يارب
هضيف المدونه عندى للتواصل ان شاء الله
تقبل مرورى

توتا

رحاب صالح يقول...

مساء الورد الاول
ودي اول زيارة وميرسي علي زيارتك مدونتي المتواضعة
وانا هبدأ من السطر الاخير ..انا اكره النفاق ..واتمني ان تخلع تلك النظارة فالنفاق صفة وان كانت مطلوبة هذه الايام ولكنها ستنقلب يوما ما عليك
ثم ...انا كل اللي قريته حلو اووي وجميل جدا وبجد احساس حلو انك تلاقي نفسك اتغيرت شكلا ومضمون وان تحس انك بقيت كبير وسط الكبار او الصغار او الناس عموما بس الاهم انك تقدر تحافظ علي نفسك واخلاقك ....وبتمني بجد انك تقدر تقوم كل ما تقع لان كل مرة هتقع فيها هتقويك عشان توصل لهدفك السامي ...تقبل مروري وان شاء الله لا تنقطع زيارتي لك ولا زيارتك لي

علاء المصرى يقول...

عزيزى

دى الى بيقولو عليها رياح التغيير

((( دعوة للتواصل * كاتب مصرى )))

ساسو يقول...

حمدلله علي سلامتك
كلامك جميل أوي
التغيير مطلوب جدا في أكتر الأوقات
بس لازم يكون تغيير للأحسن
بص بصبرك وايمانك هتتغلب علي مشاكل الحياه
وهتنسي المر كله
وجميل جدا انك تحس انك شخصيه قويه
لأن القوه هي مصدر الحياه
ويالا اكتب ونور المدونه من جديد
وكفايه غياب بقي

سَارةٌ يقول...

أمير .. حمدلله على سلآمتك بالسلامه .. والحمدلله ان الإمتحانات عدت على خير .. هيا كده دايماً فترة الإمتحانات كلها دوشه وربكه واقل حاجه انك هتخسر فيها حاجات كتيره .. المهم انك لسه متفائل انك تكمل

فعلاً كلآمك بيوضح انك اكبر من سنك .. حقيقه مش مجامله .. وخصوصاً لما قولت ..

--

وعشان ابدا اكون صح واختار حياتى صح خدت كل القرارت بنفسى ومن غير اى
تراجع خدت قرار انى انسى الماضى بكل ما فيه الحلو قبل المر الابتسامات قبل الدموع

--

يــآرب تكون قرآراتك دايماً صح .. وربنا يوفقك ف حياتك الجـآيه .. :)
ف انتظـآر بوستات التعويض اكييد :D:D

Tears يقول...

أجمل شىء انك قادر تفضفض

و ده فى حد ذاته بيريح و بيغسل كتير


تحياتي

همسات وبحــ الحياه ــر يقول...

التغيير لابد منه
واحنا لازم نتعلم من كل حاجة :)
* علمت ان عيون الناس تعكس دائما الحقيقيه فارتديت نظاره النفاق حتى لا اجرح احد* اكيييييييد

انا سعيدة بمرورك فى المدونة
وبشكرك على سؤالك فى غيابى :)
اكيد طبعا عرفتنى :)
همسات على ضوء القمر :)
تحياتى

فكرة من الزمن ده يقول...

ازاي تقول مايهمناش البوست ده
بالعكس ده طمننا عليك وفرحت شخصيا جدا
انك قدرت تقرا نفسك وتعرف تتعامل معاها لان في كتير مش بيقدرو يواجهو نفسهمم ولا يروضوها ولا يعرفو نقاط ضعفهم وقوتهم عشان يعرفو يخططو لحياتهم
بجد انا سعيدة بيك جدا وكانك اخ اصغر ليا وبيحاول يخطط لحياته بطريقة منهجية وعلمية صح
وانا واثقة ان شاء الله انه هيقدر وهاينجح
وكلنا حواليك هنسعد بيك في اي مكان
تحياتي

amirelhob يقول...

داليـ ـ ـ ـ ـ ـ ــــا

عندك حق فعلا والله واوعدك انى ان شاء الله هاخد خطوه صح فى موضوع النفاق دا مع انى بخاف اجرح حد

وميرسى بجد على كلامك الحلو اوى دا بجد انا كدا من حقى اتغر جامد بقى

بجد نورتينى ونورتى مدونتى الصغيره المتواضعه جدا دى


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

جوجو

وعليكم السلام :D

عندك حق بجد يا جوجو اجمل حاجه اننا نتعمل ونبدا من جديد بيى اللى اتعلمنه ونكمل بيه حياتنا حزن او فرح مش هتفرق كتير طالم باختيارنا

نورتى المدونه يا جميل

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

اميرات الاسرار

وعليكم السلام :D

عندك حق هو فعلا بيغير كتير فى حياتنا حتى لو التغير دا بسيط وقليل بس اهو بيفرق معانا اوى بجد يا زهراء بتنورى المدونه بتعليقاك ويا رب متبقاش اخر مره وتنرينى كدا وتجميلى البوست بتعليقك


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

الشـــــوكه النــاعمه

انا معاكى انها اجمل بس صعبه على حد زى بينخدع فى الناس بسهوله بس الحمد لله المرض دا خلص من زمان وربنا يكملى اللى جاى على خير يا رب

ميرسى بجد على كلامك الحلو دا

وعلى انك متابعنى كتير كدا بجد بتنورى المدونه يا قمر كل مره وبتزيدى حماستى على كتابه موضوع اجمل


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

ساسو

ماشى هسمع كلامك وهحاول انفذه لانى مقتنع بيه جدا بس يا رب النتجيه تيجى بسرعه

وانا بالنسبه لموضوع انى اكتب تانى ومغيبش ادينى بحاول اهو انى اديكم ولو جزء من حقوقكم عليا او ارد نص الللى بتعمله معايا من صبر ومسانده

نورتى يا قمر مدونتى ويا رب تنوريها تانى ودايما


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

أتنين حبيبين


ربنا يخليكى على كلامك الحلو دا اللى بجد واكيد اكتر من حقى و كتير جدا عليا

على العموم انا عارف انو صعب اننا نشوف الناس ونوجهم بالحقيقه بس هحاول اخلع النضاره دى واكمل حياتى عادى واكيد دا بدعواتكم ليا


ميرسى بجد انك نوريتنى لاول مره وزودى المدونه نور على نورها



ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

re7ab.sale7

نورتى المدونه يا قمر فى اول زياره وان شاء الله متبقاش الاخيره وتنورينى دايما

ثانيا مفيش شكر على انى زورتك انا قريت بوست عجبنى جدا علقت عليه يا رب بس يبقى الكومنت بتاعى مش دمه نقيل

ثالثا اوعدك ان شاء الله ان احاول ابتعد عن نفاق ممكن يضيعنى


ومره تانيه ميرسى بجد انك نورتينى


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

علاء المصرى كل يوم

نورتينى بجد يا علاء وان شاء الله هنتواصل انا بحب اصلا ان يبقى ليا اصدقاء كتير ربنا يكرمك

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

حَـبآيـۃْ.بـטּـدۉڷ

ميرسى يا قمر بجد على كلامك الجميل دا اللى مقدرش اوصف فرحتى بتعليقك قد ايه لانو اكيد كتير عليا الكلام الرائع اللى فيه بس ان شاء الله ابقى قدو

واما بالنسبه لبوستات التعويض ان شاء الله مش هتضيع انا معاكم وهحاول بكل جهدى اعوضكم وربنا يكرمكم

وصدقينى القرارت بالنفس احلى بكتير من اى حاجه تانيه بتبنى حياه سعيده وهاديه


وميرسى تانى بجد ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

Tears

عندك حق بس الاجمل لما القى ناس بحبهم ويحبونى افضفض معاهم زيكم كدا ناس بجد غالين عليا اشيلهم فى عيونى ولا اقدر فى يوم على زعلهم

ميرسى بجد انك نورتينى يا قمر
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

دموع القمر

ومين يقدر ناس محترمه من اساسيات البلوجر طبعا فاكرك يا قمر ومستنى من زمان انك تنورى وسط اخواتك من تانى على العموم عوده جميله

ميرسى بجد على كلامك ويا رب كل بوست من جديد لجديد يكمل ويبقى احلى

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

فكرة من الزمن ده

بجد كتير عليا الكلام دا وشرف ليا انى ابقى اخ اصغر لاخت كبيره محترمه بس علفكرا انا اخ صعب اوى يعنى لازم الكلام يتسمع :D

عموما اوعدك انى ان شاء الله انجح فى التخطيط عشان ابنى صح وبعد كدا افرح بثمار اللى زرعته وادعيلى انتى ربنا يكرمك

ومعلش نسيت ان ليا اخوات بجد وقولت ميهمش حد غصب عنى بجد

ربنا يفرحك دايما


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

ابو المفاصل الواصل يقول...

وطنى حلمى الجميل اسكنته فى عقلى ووجدانى/
فاحتويته بحبى فى قلبى وفكرى حتى احتوانى/
وهو فرحى وسعدى ويستحق منى اغلى الامانى/
واترفع كثيرا عن سلوك احد ساكنيه لو اذانى/
فالمنغصات كالبهارات ضريبة تدفع طول ايامى/
ولا عجب من هذا المنطق والفكر الساكن فى كلامى/
فالوطن الحر عند الاحرار مجموعة سامية من المعانى/
يلهج بها القلب قبل ما ينطق بها قلمى او يسطرها لسانى/

ابو المفاصل الواصل يقول...

وطنى حلمى الجميل اسكنته فى عقلى ووجدانى/
فاحتويته بحبى فى قلبى وفكرى حتى احتوانى/
وهو فرحى وسعدى ويستحق منى اغلى الامانى/
واترفع كثيرا عن سلوك احد ساكنيه لو اذانى/
فالمنغصات كالبهارات ضريبة تدفع طول ايامى/
ولا عجب من هذا المنطق والفكر الساكن فى كلامى/
فالوطن الحر عند الاحرار مجموعة سامية من المعانى/
يلهج بها القلب قبل ما ينطق بها قلمى او يسطرها لسانى/