all my life


كل سنه وانتى طيبه يا اغلى عليا من روحى
كل سنه وانتى اطيب مخلوقه شوفتها فى الكون
كل سنه و انتى روحى وعقلى وقلبى
كل سنه و انتى بتمسحى دمعتى
كل سنه و انتى جنبى
وانتى بتدعيلى فى صلاه الفجر
وعلى سجاده الصلاه بتقولى يا رب وفقه
كل سنه وانتى حضن بيضمنى وبيدفينى
كل سنه وانتى بتشجعنى على الصح
كل سنه وانتى ايدك فى ايدى ولطريق الصح بتشدينى
كل سنه وانتى بتمسعينى وانا جوايا الف اه
كل سنه وانتى بتقوليلى ذكرياتى
وانتى بتحكيلى عن نفسى وعن شقاوتى
وعن تصرفاتى وانا صغير
كل سنه واحنا بنفتكر كل ابتسامه جمعتنا
كل سنه واحنا يا رب دايما متجمعين
كل سنه وانتى اقرب ليا من روحى
كل سنه وانتى بتخافى عليا
وانتى شايلنى فى عينك
كل سنه وانتى بصحه وربنا حافظك مش كل شر
كل سنه وانتى بتضحكى ضحكه اجمل من اللى قابلوا
كل سنه وانتى بتكبرى فى السن والمقام والغلاوه والجمال
كل سنه وانتى ايه من الايات
كل سنه وانتى معانا فى رمضان واللمه معاكى
بتبقى هى كل الشهر
كل سنه وانتى فى التروايح بتدعيلى
كل سنه وانتى دايما وقفه جنبى
كل وانتى لسه فى بدايه طريقك



كل سنه وانتى اطيب واجمل وارق واحلى
واحن واخف والطف واروح ماما


كل سنه وانتى طيبه يا امى


دا مش موضوع ومش فكره دا
احساس ورد جمايل من بحر جمايل عليا
جمايل لامى اللى مهما عملت مش هقدر
ربع ربع جمايله وفضلها عليا
مهما عملت مش هقدر اوصف حبى ليها
مش هقدر اوفئ حقها مش هقدر
اديها نعمه وحدها من النعم اللى عملمتهنى
مش هنسى طعم اكلها اللى هيفضل احلى اكل
فى حياتى كلها مهما كلت ومهما دوقت
مهما عجبنى ومهما شوفت هتفضل هى رقم واحد
هى الاصل ومش هنسى سهرها جنبى فى عز تعبى
دعائها ليا فى ايام الامتحان
كل دا ومش عارف حتى اوصف ربع حبها
وخوفها عليا ولا حتى جزء من عشقى ليها


اسف لانى غبت عنكم كتير بس غصب عنى واسف لانى احتمال اغيب اكتر
بس بردو معاكم بقلبى وبفكرى فاكركم واحد واحد و واحده واحده
اصحاب واخوات واحلى ناس بجد انتوا جزء منى


10 التعليقات:

lostlove يقول...

مهما نقول ونوصف في الام مش هنقدر نوفيها حقها بس انته قلت كل صفتها فعلا مين فينا مش بيفتكر طعم اكل اموه مهما اكل في اي حته كلام جامد وموضع حلو
بس بردوه يا عموور مش ده الي متعودين عليه منك انته عندك احسن من كد كتير عاوزين موووووضع جامد بجد عشان وحشتنا موضعك

بوسى يقول...

كل سنه وماما طيب يا عمرو وعقبال ميه سنه يا رب ومتبعدش عنك ابدا وتفضلوا مع بعض الا النهايه وترجعلنا بسرعه انت كمان فى مواضيع تانيه جديده

بسبوسه يقول...

انا مش مصدقه انك رجعت تكتب مواضيع تانى
بس زعلت فى اخر الموضوع عشان انت بتقول انك هتغيب
تانى وبجد كدا مينفعش احنا وحشتينا مواضيعك ولا انت انسحبت بعد تفوق الوجوه الجديده عليك على العموم كل عام وماما بخير ويا رب السنه اللى جايه تبقى اسعد واجمل واحلى
وهنستناك حتى لو غبت سنين بس ترجعلنا فرحان

نادر يقول...

كل سنه ومامو طيبه يا عموره وعقبال يا رب ما تكون عندها مليون سنه ولسه بصحتها ومعاك ومش تفرقوا مهما حصل ومتنساش بقى الهديه لاحسن تدعى عليك فى الفجر بدل ما تدعيلك هههههههههههههههههه

ندى يقول...

كل سنه وانتى طيبه يا مامت عموره وميرسى يا اجمل ماما على اجمل هديه لينا وهى الواد عموره دا العسل
وربنايخليكم لبعض يا رب دايما

nora يقول...

happy birthday ya 3mar ly mama we 3o2bla 100 sana
we ya rab yab2 as3ad 3ed milad we a7la 3ede 3lekom

mrmr يقول...

ربنا يخيلهلك يا عموره يا رب و اوعى تزعلها فى اى يوم مهما حصل دى هى الكل فى الكل واوعى تقولها لا ابدا ويا رب تفضل تدعيلك لحد اخر يوم فى الدنيا وعقبال يا رب ما تحج وانت معاها وعلفكرا يا مورا انا كمان عيد ميلادى النهاردا وكان نفسى تقولى كل سنه وانتى طيبه يا مرمر بس طالم مشغول مع طنط يبقى مفيش لوم عليك يا قمر

غير معرف يقول...

كل سنه وانتى طيبه يا مرموره وعقبال ميه سنه
وبعدين ياض يا عمرو قول لماما اننا كلنا هعنا بنقولها عيد ميلاد سعيد يا ست الكل
وايه حكايتك كل الناس هنا معظمهم بنات انت ايه ياض انت مش تعرف ولاد ابدا انا نفسى مره ادخل القى اول تعليق دا من ولد ههههههههههههههههه
ربنا يسعدك يا حبى ويسعد كل ايامك
حوده

حسام يقول...

عقبال مليون سنه يا ماما عموره يا رب
وعلفكرا انتى عيد ميلادك فى شهر حلو اوى وهو شهر العظماء كلهم يعنى الباشوات والروساء والمجهدين زى سعد زغلول وناس كتير اوى
وانتى فعلا عظيمه عشان انتى جبتى لينا الواد عموره واكيد غلبك فى تربيتو وطلع عينك بشقاوتوا وربنا يخليهلك كل اللى بتحبيهم يا رب

amirelhob يقول...

ميرسى على كلامكم الجميل والحلو دا وبجد انا بعشق ماما دى
وكل سنه وانتى طيبه يا مرم اهو عشان متزعليش يا قمر وعقبال يا رب مليون سنه كدا بس مش كل سنه بقى هقولك كل سنه وانتى طيبه لان هبقى مشغول مع ماما وربنا يوفقك يا رب
وميرسى على الكلام الجميل والحلو بتاعكم دا ويا حوده اعمل ايه طيب البنات هى اللى غاويه قرايه مش انا السبب والله دانا حته غلبان وبيبان علي االطيبه
و واوعى تفهمنى صح ابدا
وربنا يسعدك يا حبى على الكومنت الجميل دا
وبجد ومن قلبى بتمنلكمكل خير وسعاده وصحه وتوفيق وفرح وابتسامه تدوم يا رب طول العمر