The big losser



عارف ان كلكم زعلانين منى لان بقالى فترا كبيره مكتبتش
بس والله كان غصب عنى
كان غصب عنى لان جوايا حاجات كتير متغلبطه جوايا مشاكل
جوايا احاسيس عكس بعض
خايف اخسر كل حاجه و ساعتها بجد هموت
نفسى القى اجابه لمليون سؤال جوايا
تعبت وفى نص الطريق توهت
حاجات كتير اوى مش عارف هى صح ولا غلط
العيب فيا ولا فى الدنيا ولا فى الناس
طيب يا ترى انا بتعذب ليه عشان بحاول اتغير
ولا دا دين قديم ولازم اسددوا


احترت كتير قبل ما اكتب الموضوع ومكنتش عارف بجد هكتب ايه
ويا ترى اللى هيقرئ الرساله هيفهمها ولا هيحسها
انا حتى احترت فى لون الخط كونت عايز ابعد اكتر
واصبر شويه لكن لقيت اميلات كتير وتعليقات كتير
بتسال عليا ولانى بجد بحبكم مقدرتش اهمل كلامكم دا
بس خوفت بجد اكتب حاجه تخليكم تكرهونى
ودا ساعتها بجد هيبقى موتى حتى وانا عايش

كلكم مستغربين ليه انا كاتب العنوان دا
بس انا فعلا الشخص دا اللى فى العنوان
جربت احب اتجرحت دمعت كونت خايف اصلا
اقولها ولما قولتها لقيت نفسى بخسر روحى
بخسر حاجات كتير اووووى
كونت فاكرها كلمه سهله طلعت اصعب من انك
تغرق فى بحر ومحدش يبقى سامعك
الف حبل وحبل مكتفين صوتى
ضلوعى من بين نفسى بتتكسر
ليه مش كل حاجه بتمناها مش بتحصل
هى دى القسمه والنصيب ولا دا طابع الحياه
الدموع ليه مش بتخلص ليه كل يوم بتتجدد
ليه كلمه تعبت بقت هى عنوانا
ليه الحزن بقى هو رمزنا
طيب دا صح ولا غلط حالنا دا
يرضى مين وليه بيحصل فينا كدا
يا ترى عشان احنا بعدنا عن ربنا ولا عشان احنا
بنسرح بخيالنا

يا ترى نسنحق كل التعب دا والسكوت والوجع
نسحتق تتكسر كتافنا ونبقى محتاجين حاجه نتسند عليها واحنا لسه
فى بدايه حياتنا

وليه كل حاجه بتبقى حلوه بنلقيها صعبه
وعمرها صغير اوى ومش بتزيد عن ثوانى وبع كدا ترجع
حياتنا تانى زى ما هى ابيض واسود
الالوان فيها معدوم

ليه لما نحب حد بنختار ابعد حد واصعب حد ممكن نحبوا
ليه لما بنخاف نتجرح بنلقى الجرح فعلا جوانا
يا ترى هو دا بختنا طيب ولو دا حالنا واحنا لسه فى بدايهطريقنا
ايه هيبقى حالنا بعد كدا
ليه كل ما نكتب فى كتاب حياتنا كلمه فرح بتنزل دموعنا
ليه كل ما بنتعب مش بنلقى حد يضمنا
بجد حراام ليه لما بنحب نلقى الحيره والغيره والشوك
هما نصيبنا وهو طريقنا
ليه البرد بيبقى هو جو ايامنا
اول ما نخاف مش بنلقى حضن يضمنا يدفينا ولو قولنا
اللى جوانا بنلقى الف لا بتمنعنا

ليه بنحب دايما اننا نروح للصعب
ليه بنحب دموع عنينا
طيب ليه حياتنا كدا ليه
ليه صوتنا دايما لما يجى يقول
حاجه تعبنا بيتكتف وبيتعبنا ليه بيكسرنا
ليه مبقاش فى نور فى الدنيا بقت ضلمه
ليه كدا حصل ايه يا دنيا بجد تعبت

بجد نفسى اموت يمكن دى اول مره اطلب فيها الموت
باشتياق ناس اكيد هتقول
عليا مجنون وهتقول انى مش مؤمن بس
بجد انا مش عارف ليه كل ما افرح وابدا ابتسم
حتى مش بتضحك بلقى الحزن جاى بسرعه اوى
بيستعجل غيابو بيحسسنى انو جزء منى
مينفعش يفرقنى وانا خلاص اتعودت عليه

وبجد بعتذر لاى حد حبيتو وقربت منو
لانى خايف افرقه انتظرت فى ليل طويل
ان القى قمر ينور حياتى كل ما اقرب
القيه كان سراب خوفت اظلم حد
فظلمت نفسى
خوفت اجرح جرحت روحى
والبركه فى الحياه
البركه فى الدنيا اللى خليتنى افقد
حتى النطق ونسيت الكلام بجد صعب اوى
لما تحسوا اللى انا حاسوا


no more my life

12 التعليقات:

lostlove يقول...

هي الدنيا كده مش بتخلي كل حاجه حلوه للاخر الفرح علي طول قصير وحتي في اسعد اوقات فرحنا بنبكي لان الدمعه اقرب حاجه لقبنا

يارب ياعمور الاحساس ده يروح منك وحرام تدعي علي نفسك بل موت ومش عشان خصرت حاجه تخصر كل حاجه
ويارب الموضع الجاي تكون اسعد من كده

بوسى يقول...

ربنا يوفقك اي عمرو وترجع تانى زى الاول يا رب تيبقى اسعد واحد فى الكون وبجد اول مره اقرئ موضوع فى الدنيا احس فيه ان انا شايفه اللى كاتبو وشايفها حياتة كلها

نادر يقول...

عمرو بجد انت كدا واله بتعذب نفسك مفيش حاجه تستاهل ويا ريتنا ما كونا استنينا رجوعك لينا تانى
وبجد كان ليك حق تبعد بس بج احنا مش هنقدر نشوفك كدا لازم ترجع احسن من الاول عشان كل الناس اللى بتحبك

slama يقول...

rabna ma3ak ya 3mer we begad keda 3'lt 3lik enk te3ml keda fe nafsak we akead fe nas bet7ebak ,3aezak terga3 tany we ana wa7da menhom

basel يقول...

kolana ma3ak ya 3mora we hanstnak le 7ad ma terg3 a7san men el awel

نسمه يقول...

ربنا معاك يا عمرو وبجد فعلا اللى بتقولوا دا حاجه وحشه اوى لما حد يحسوا لانو بجد بيبقى احساس صعب اوى لما تحس انك وحيد وفى ليل مش فيه قمر وان كل ايام ضلمه والوان كلها سودا انت بجد حزين اوى يا عمرو ربنا يوفقك وترجع احسن من الاول

دينا يقول...

عمرو انت لازم تواجه مشاكلك واحنا معاك مينفعش انك انت اللى تبعد احنا ممكن اى حد فينا يبعد لكن ات مينفعش فين عمرو بتاع المعهد والجيتار وعمرو بتاع الفيس بوك حلال المشاكل وعمرو حلال مشاكل الميل فين ايام لما كانت الناس اهم حاجه عندك فين لم اكونت بتقول راحتك فى راحت الناس وبتفرح لما تلقى ضحكت عيل صغير ولا انك تساعد حد كبير
فين كلامك الحلو اللى كان دايما بيعجبنا ونقول عليك انك اكبر مننا بميه سنه معقول كل دا انت نسيتو

amirelhob يقول...

lostlove
ميرسى يا قمر على الكومنت الجميل دا واسف عشان اتاخرت فى الرد لكن الله اعلم بالظروف كان عندى حبت ظروف وادعيلى بقى انها تعدى على خير وربنا يوفقك يا قمر وتبقى معانا تانى زى الاول

amirelhob يقول...

بوسى ونادر

وحشنى اوى تواجدكم فى المدونه ووحشنى اكتر انكم كونتوا معايا فى الاول وفجاءه بعدتوا انا مش حزين انا قولت شعور جوايا وان شاء الله هيختفى قريب وربنا يوفقكم يا رب ويسعدكم وبتمنلكم من قلبى كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

سلمى وباسل
بجد كلامكم جميل اوى وبجد بحبكم جدا رغم ان كلماتكم بسيطه بس ليها معانى كتير اوى جوايا وردودكم دى بتزود تفائلى انى لسه مبقتش لوحدى وربنا عالم انا قد ايه بحبكم وبتمنى فى يوم انى اعمل موضوع يعجبكم ويكون افضل موضوع قريتوه هنا ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

نسمه ودينا
ميرسى يا قمر انتى وهى على الكلام الجميل دا وبجد اوعدئكم انى احاول اتغلب على حزنى دا وارجع تانى عمرو اللى عرفتوا بتاع الاشتغالات بس معلش الفترا دى مشغول عنكم بسبب ظروف خارجه عن ارادتى لكن اودعكم انى قريب جدا هبقى معاكم وهستنى انى دايما اكون اول رد على كومنت كومنت ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

شروق يقول...

اوهم نفسك انك سعيد عمرو واضح انك حساس جدا عشان كدة بتتاثر في كل حاجة حوليك بس دة اكبر غلط حاول متفكرش كتير عجبني اوي لما قلت اننا بعدنا عن ربنا حسيت انك فعلا انسان مؤمن وواثق انك تقدر تعمل حاجة كويسة بس ياريت تحاول تخرج نفسك من المود دة وانا هدعيلك بجد اختك الصغيرة شروق