لسة بادئين النهاردة

بسم الله الرحمن الرحيم


واللهم صلى وسلم وبارك على سيدنا ونبينا " محمد " الامى
وعلى اله وصحبه وسلم تسليما .
اما بعد ........


احنا لسة عاملين المدونة النهاردة وده اول موضوع فيها
ويسعدنى ان اول جملة كانت " بسم الله الرحمن الرحيم "
ويارب تكون وش السعد على المدونة
عاوز اقول ان المدونة هتتكلم فى كل حاجة بأذن الله
يعنى السياسة ... واللهم ابعد عنا الحكومة
لانى عندى اخوات خايف عليهم .....



وهنتكلم برده فى الرياضة ... يعنى شوفتوا ابو تريكة ضيعها ازاى
المهم اننا هنتكلم فى كله بخصوص الرياضة .

وهنتلكم فى ام علاء عملت وام جودة سوت
يعنى هنفضح الناس كلها .....

وبجد هنتكلم فى كل الحاجات اللى بتحصل فى البلد دى
وغيرها من البلدان
يعنى المهم من ده كله اننا هنقولكم ايه اللى بيحصل بوجهة نظر حقيقية مش اللى بنشوفها
فى التلفزيون

وهنتكلم مع بعض كلنا عن طريق شات ودردشة هحطه هنا
علشان نتواصل ولو عندك رد على موضوع عجبك مش لازم تقوله فى الدردشة لاء
يمكنك طبعا كتابته فى الرد على الموضوع .

واهم حاجة فى الشات انكم تقدروا تقولوا عن اللى جواكم او لو عاوزيننا نكتب
موضوع بخصوص حاجة
او عاوزيننا نقول رآيننا فى حاجة


وهنتكلم فى كل حاجة وهنخوفهم مننا ومن خوفهم مننا ممكن يحجبوا مدونتنا بس احنا
مش بنخاف احنا نقدر نعمل زييها فى ثانية


يلا اسيبكم بقى علشان عاوز انام ... ولما اصحى هبقى اكلمكم


سلامو عليكم


الحمد لله رب العالمين

8 التعليقات:

غير معرف يقول...

بالتوفيق يا بوب واحنا معاك

غير معرف يقول...

نوم العوافى يا عمور وابقى سلملى على السرير احسن عندى ارق غرام

amirelhob يقول...

ميرسى يا قمر على المداعبه الرقيقه دى ومن قلبى بتمنلك يا رب كل خير وسعاده وصحه وتوفيق وفرح وابتسامه تدوم يا رب طول العمر

Ranim Ayman يقول...
أزال المؤلف هذا التعليق.
Ranim Ayman يقول...

انا اسفه اني كتبت تعليقات عند حضرتك
واسفه كمان لو كنت تعديت حدودي
انا اسفه انا همسحهم كلهم

تحياتي الي المدونة الرائعة

تحياتي مبتسمة دائما

amirelhob يقول...

ranim
مين قالك انى زعلان او مضيق ومين قالك تمسحى الكومنت العكس الكومنت دى مهما اكتر لماتبقى موجود يا ريت تقولى السبب

Ranim Ayman يقول...

مش عارفه بس حسيت اني تعديت جدودي جامد ومكنتش عارفه امسحهم فكتبت الكومنت وبعدان عرفت امسحهم فمسحتهم مش عارفه انشرهم تاني ولو انت حسيت اني تعديت حدودي تمسحها مش عارفه

تحياتي

Ranim Ayman يقول...

احب اقولك حولت والله مرجعش لاول بوست واقراء من الاول المدونة بس مقدرتش اقاوم اديني رجعت هقراء بوست بوست وكلمة كلمة من الاول خالص ومبروك علي المدونة ههههههههههههههه

تحياتي مبتسمة دائما