اشتغالات ومش اشتغالات !



طبعا كلنا عارفين اللى بيحصل على النت وكلام البنات والشباب
وكلام الحب والاعجاب والتعارف بين ناس يمكن مشفوش
بعضهم اصلا بس حبوا بعض لمجرد كلامهم
مع بعض على الشات او على الاميل

"البدايه"

هو وهى يفضلوا يوصفه لبعض كل حاجه جميله فيهم وطبعا
عشان الحكايه تبقى مطبوخه بيقوله لبعض اى عيبين
صغيرين عشان يبانوا انهم صادقين قدام بعض
وهاتك يا كلام بقى بعد كدا

انتى منين؟

من المعادى وانت؟

من المهندسين


"اما بعد"
ودا بقى حوار صغير لازم يتقال بعد فترا من التعارف

انا معجب بيكى وانا كمان معجبه بيك
طيب انتى ايه اكتر حاجه عجبيتك فيا؟
صراحتك !
وانت ايه اكتر حاجه عجبتك فيا؟
صراحتك !

"كرسى فى الكلوب"

وفجاه يقولها بحبك وطبعا الرد الطبيعى وانا كمان بحبك
ومن هنا بقى تبدا قصه حب اساسها الكدب والنفاق والخداع
اتنين قالوا لبعض كل حاجه كدب واتعرفوا عن بعض
من وراء ستاره كبيره اوى اسمها النت
وكل واحد قعد يوصف للتانى مميزاته وجماله
وذكريات مالينا تاليف
وطبعا الموضوع كلو فشنك فى فشنك

"الموضوع كبر اوووى"

وبعد كدا البنت تكشتف انو متجوز و هو يكتشف انها مخطوبه
و مقرئ فاتحتها وجارها بيعاكسها وهى قايله لنص الشارع انها
بتحبهم ومش من المعادى اصلا زى ما قالت ولا هو اصلا من القاهره
وطبعا تبعد عنو وهو يبعد عنها لانهم خلاص بقوا كتاب مكشوف لبعض
وزهقوا من بعض وكل حد فيهم يدور على ضحيه جديده وتستمر الاشتغاله!

"القاعده ساعات بتنكسر"

رغم ان كتير من الناس بتكدب بس فى ناس
بتبقى صادقه ومينهم ناس بجد اتجوزت وعايشين
حياه كريمه وربنا كرمهم عشان
مكدبوش على بعض
ومكنش فى دماغهم اصلا انهم يحبوا
ولانهم بجد كويسين ومش مخططين
ربنا كرمهم بس للاسف مش هما دول القاعده
دول كانوا مجرد ناس كسروا القاعده




ساعات الحقيقه بتبقى صعبه علينا اننا نشوفها بعنينا
او اننا نشوف نفسنا غلطانين بس احنا فى المدونه
وعدنكم نقول كل حاجه ونعدى كل الخطوط
طالم هنقول بجد ومش هنخاف وطالم مش بنجرح
فى حد ولا بنغلط

9 التعليقات:

غير معرف يقول...

طيب ياترى الانسان الى كتب ده محبش من الميل ولوحب ممكن يقولنا انت حبيت بجد ولا زى ما كتبت ارجوك بسرعه الرد

غير معرف يقول...

ارد انا عليك عمور حب مرة لكن هو مش عايز يجرح اى بنت عشان هو مش لقى الى فى خيلة اوكى الى فى خيلة دى جميلة اوى ابقى رد علية وعلى فكرة انا بحب واحد من على الميل مش انت بس بس عمور مختلفة ميرسى

غير معرف يقول...

في ناس بتكدب وناس بيتكدب عليها بس حب النت من اي اتجاه اكبر احتمال ليه الفشل لان الاتنين بيشوفه بعض من منظور واحد وهو من وراه الشاشه طبعا وده مينفعش خالص
فين اساس الحب النظره الابتسامه لمسه الايد لاول مره جو الرومنسيه ده الي كله بيتمنها اكيد كل واحد وي وحده نفسهم يعيشو الحظه ديه مع نصهم الناتي الي يكملهم في كل حاجه اكيد كل شخص عندو نقص في حاجه وهنا بيجي دور النص التاني الي بيكملنا ومفتكرش لمجر كلام من وراه شاشه هيجي النص ده بطريقه صح

amirelhob يقول...

طبعا انا استنيت على الموضوع دا عشان ارد عليه لحد ما اشوف رايكم انتوا فيه ايه ولانى متعود معاكم على الصراحه وعلى انى ابقى صريح معاكم مهما حصل لازم اقولكم بجد على اللى حصل معايا
انا كدبت كتير فى انى اقول لىبنات كتير انا بحبكم من على النت وكدبت اوى كمان وغلطت وخونت ثقتهم فيا ويمكن غرورى كان هو السبب لكن لما رجعت لنفسى وفكرت لقيت انهم ملهومش ذنب فى كل اللى حصل غير انهم وثقوا فيا ومش عيب انى اغطل بس العيب انى لما احس بالندم معترفش بغلطى وانا فعلا اعتذرت لكل الشخصيات دى على كل الشتات وفى كل مكان
لكن دلوقتى قلبى متعلق بحد مقدرش احب غيروا دا فعلا اللى لقيتو بعد طول انتظار يمكن هو بعيد عنى لسبب ما لكن ان شاء الله هنبقى قريبين من بعض
ويا ريت اللى يكتب تعليق يقول اسمو عشان اعرف اوجه كلامى لمين
ومن قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

amirelhob يقول...

الى صاحب او صاحبه التعليق التالت صدقينى مش كلهم كدب فى ناس بتحب بجد بس دى الناس اللى بتبقى واخده الصراحه هدف ليها وطريق ومش بتختلف عنوا و انا شوفت اتنين من اصدقائى اتجوزا من النت وحاليا عايشين كانهم عارفين بعض من مليون سنه وحياتهم سعيدها جدا بس دا طبعا وقف على اختايرهم الصح
ومن قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

lostlove يقول...

مهو في ناس بتحب بجد بس الاغلبيه كدب وهو ده الي موجد كتير مش كل الناس بتقول الصراحه علي النت والشاتات بس في اكيد ناس صادقه في مشاعرها ومش بتكدب ودي الي وخده حياتها من الاول صفحه بيضاء وبتعامل الناس بصدق في كل حاجه وربنا يوفقك في حياتك ويسعدك يارب يا احلي اخ وصديق

amirelhob يقول...

انتى لو بداتى صفحه بيضا هتلاقى كل الدنيا بيضا والناس حلوه بجد ومش بتكدب بس لو خدتيها بحذر هتلاقى كل الناس وحشه عيشى الحياه وجربى بس حطى دايما امل فى ان الحكايه تنجح وانها ممكن تفشل عشان لو حصل ومكملتش متبقاش صدمتك كبيره وربنا يسعدك يا رب وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

Ranim Ayman يقول...
أزال المؤلف هذا التعليق.
Ranim Ayman يقول...

ههههههههههه اختيارك للموضيع غريب المهم مش هفضل كل مرة اقول نفس الكلام المهم المهم اكيد في ناس كويسة واكيد في ناس وحشة واكيد فيه ناس صادقة وناس كدابة المهم في الموضوع ازاي الواخد يعرف اللي قدامه ده صادق ولا كداب موضوع غريب بس حلو اوي قراءت الكومنتت وضحك بس عجبني الموضوع ولسه برضوا مصرة اكمل من الاول
تحياتي مبتسمةدائم