يلا ندور




طبعا كل واحد فينا جواه حاجه عمروا ما بيقدر ينساها الحاجه
دى ممكن تكون مكان او شخص او عاده او حدث فى يوم من الايام
ولان دى كلها حاجات جميله جوانا لايمكن تتمسح من ذاكرتنا
لانها ساعات بتجرحنا لاننا بنندم على انها بقيت مجرد ذكرى
ولكن فى حاجات تانيه واحنا قاعدين مع نفسنا فى عز الليل بنفتكرها
ونبتسم اول ما نحسها او نفتكر ايه اللى حصل فيها لانها بجد بتبقى حاجه غاليه علينا اوى
ممكن الذكرى دى تبقى يوم نجحنا فى الدراسه او يوم ما مصر فازت ببطوله او يوم
ما قابلنا حد بنحبوا او يوم ما حضرنا خطوبه زميل او زمليه لينا
او حاجه حصلت واحنا راجعين بليل فى ايام الشتا
او واحنا بنمتشى فى مكان غالى علينا زى مثلا النيل
او مكان معين واحنا فيه جالتنا مكالمه معينه اتقال لينا فيها اجمل كلام
او واحنا راييحين الجامعه والموصلات كانت زحمه او يوم ما كونا معزومين
فى رمضان عند حد معين او كونا عازيمين حد
ممكن تكون الذكرى اكله كانت اجمل ما دوقنها فى حياتنا
او اول يوم فى الجامعه واحنا لسه بنتعرف على بعض
او واحنا بنغش فى الامتحانات او واحنا بنفطر الصبح قبل الطابور مع بعض
او واحنا خارجين يوم الفلانتين داى
او اول هيده جاتلنا فى عيد ميلادنا او يوم ما فقدنا حد بنحبوا ومات
وكونا كلنا ايد واحده فى يوم الوفاه
او لما نشوف صوره لينا واحنا صغيرين ونبقى مكسوفن اوى
احنا كونا صغيرين كدا واشقياء ومجنينى الجيران واهلنا معانا
او واحنا بنلعب تحت البيت او واحنا بنتفرج على ماتش معين




كل دى ذكريات جميله منها اللى وجعنا ومنها اللى فرحنا منها اللى لسه عايش فينا
ومنها اللى مات عشان كان لازم يتنسى يا ريت كلنا نقلب مع بعض فى صندوق
ذكريتنا ننلعب وندور فى الماضى الهدايا والصور ونقول "هنا كونا فى المصيف وهنا كونت انا وحبيبتى
او انا وحبيبى الصوره كانت ساعات رحله المدرسه"
كل دى ذكريات هنلقيها فى حياتنا كانت ولا زالت يمكن بتستخبى فى الصور
لكن هتفضل عايشها جوانا وفينا وبنفتكرها دايما الحلو منها والمر

3 التعليقات:

غير معرف يقول...

الذكريات حاجات كلها جميلة فعلنا الحب بينتهى بزكريات وانا حاسه بيك اوى ميرسى على الموضوع الجميل

غير معرف يقول...

احلي حاجه الزكريات بتخليك تقول انا كنت زمان كده يارتني ارجع لليوم ده للحظه ديه حتي لو كانت مؤلمه بس طبعا محدش بيحب يفتكر الالم واسعد حاجه فعلا لما تفتكر لحظه سعيده وتبتسم من غير متحس واحنا من غير زكريات مش هيكون لينا مستقبل موووووووووووووووضع جامد جدا

amirelhob يقول...

ميرسى على تعليقاتكم وميرسى على ارائكم اللى اكيد انا بتعلم منها لانها بجد تهمنى وبجد بتفيدنى وبجد بحس انى ليا اخوات بيحرصوا على انهم يقولوا رايهم بس يا ريت تكتبوا الاسامى عشان الحيره متقتلنيش ومن قلبى بتمنلكم كل خير وسعاده وصحه وتوفيق وفرح وابتاسمه تدوم يا رب طول العمر