الحب من طرف واحد



بسئل نفسي سؤال عجيب اوي ؟؟؟
هو الحب زي بكره الخيط
يعني ليه طرف واتنين وتلاته ولا ايه الكلام ده
يعني احنا بنتكلم ونقول الحب من طرف واحد
لا والله يا سلام من طرف واحد طيب ليه وازاى
و ليه بتحب من الاول طالم انت ولا انتي شايفين انو من طرف واحد
بتحب ليه من الاول وتتعب قلبك معاك
ونرجع ال ايه نقول قلبنا اتكسر وليه اصلا حبينا حب من طرف واحد لا والله ما هو انتي ولا انت غلطانين من الاول
ونرجع نظلم الحب معانا مع ان احنا الي غلطانين واختارنا غلط من الاول
طيب ما تيجو كده نشوف يعني ايه حب من طرف واحد
1 انا شفت حد وبنتكلم مع بعض
2 الحد ده كويس اوي ومحترمه وشخصيه جذابه
3 بيحترم رائ اوي اوي
4 بيعملي شخصيه ادام الناس
5 بيحب يتكلم معايا علي طول
6بيحب يفضل جنبي طول الوقت
واكيد في 7و8و9 واكتر لو عاوزين
بس فين المهم فين الي المفروض يتقال
نبوص كده علي الي المفروض يتقال
1 الحد ده بيقول كلام حلو علي طول
2 دايما شايف اني احلي حاجه في حياتو
3 بيحب دايما يقول كلام حلو وانا موجوده
4 صريح معايها من الاول
5 صارحنى بحقيقه مشاعروه ناحيتي
6 مش انا بس الي حاسه كده هو كمان حاسس نفس الاحساس
7 اخير قلت ليه بحبك وهو قالي بحبك
وفي كتير 8و9 واكتر بعد كلمه بحبك بس كفايه كده
ليه مش بنقول في وجهه النظر الاولى ان دي صداقه عاديه يعني ولا احنا كده نختارغلط وبعدين نتكلم
الحب زي ما بنحس بيه لازم يكون في حد يحس بينا
ولا مش هيكون اسمو حب هيبقي مجرد وهم
حاله بنعيش نفسنا فيها شويه وخلاص ومع الوقت بنحس اننا ظلمنا نفسنا
مفيش حاجه اسمها حب طرف واحد في حاجه اسمه تبرير مواقف علي اساس انها حب وهي غير كده خالص
ومش نظلم بقي الحب معانا
والله الحب ده غلبان ومظلوم معانا دايما
عشان احنا اللي بنختار غلط الحب اساسو الصدق
يعني عشان احب حد وحد يحبني لازم اشوف الاول هو احساسو ايه من ناحيتي
ولازم عشان اقدر احسو يكون هو بيحسني ولا كده ضاع اساس الحب
الي هو تبادل احساس بين طرفين
اكتمال الحب النص التاني الي بيكمل كل حاجه فينا
الي بيخلي للحب معني صح الي بنتبادل فيه كل احساسنا ومشاعرنا صح
لشخص واحد في وقت واحد
وهو يبدلنا نفس الاحساس هنا بيكتمل الحب وبيكون صح
عشان الاختيار صح من الاول وياريت بقي نبطل نظلم الحب
عشان احنا الي بنختار غلط من الاول
عاوزه تحبي بجد عاوز تحب بجد
اختار صح واختار حد بجد يستاهل
عشان مش تظلم نفسك او تظلمي نفسك
لان
كله الا جرح القلب
القلب لو اتكسر بيغب اوي علي ما يرجع تاني
وعمره ما بيرجع زي الاول
اخر كلامي بلاش حد يظلم قلبو وياريت نختار صح من الاول
طولت عليكم بس ياريت اشوف رايكم
يلا بقي سلام واشوفكم مع حاجه جديده من وجه نظري
مش وجه نظر حد تاني
والي يشوف كلامي مش يستغرب بس يبص للواقع
واكيد الواقع مؤلم بس هى دى الحقيقه

9 التعليقات:

نانسى يقول...

بجد موضوع حلو وفعلا كلامك صح احنا اللى بنظلم نفسنا باننا بنسمى احساسنا من طرف واحد حب وعشان كدا بنرجع نقول ان الحب دا من طرف واحد وعشان كدا لازم نفكر كويس قبل ما نتقدم اى خطوه نندم عليها بعدين وربنا يوفقك يا شيمو وعايزن نتعرف عليكى بقى لان واضح ان دماغك كبيره يا قمر وعايزن نعرف عندك كم سنه
ربنا يوفقك يا رب

نسمه يقول...

تسلمى يا شيمو على المواضيع الجامده دى بس ليه مش انتى اللى بتنشرى مواضيعك بنفسك عشان نتعرف عليكى اكتر وانا لو عندى مشكله وعايزه اخد رايك اعمل ايه ومتخافيش انا بنت والله مش ولد وعامل بنت بس لان من طريقه كلامك حسيت انك عاقله وطريقتك جميله اوى فى الكتابه وبجد اللى احلى من الموضوع هو الصوره بجد تجنن يمكن محدش يفهمها اوى لكن بجد صوره تجنن وشكلها لايق اوى فى الشكل الجديد للمدونه

amirelhob يقول...

فعلا شيمو يوم عن يوم بتختار مواضيع جامده وحلوه وبجد بفرح اوى لما القيها بتكتب مواضيع اجمد واحلى منى وبدات تاخد الناس منى وطالم بتنافسنى فى حاجه جميله انا بجد مبسوط منها لان دا هيخلينى ادور على مواضيع احلى واجمل عشان اقدمها ودا هيعود بالنفع عليكم انتوا يا حلى ناس وربنا يسعدك يا رب يا شيمو وتاكلى منى الجو علطول لانك بجد تستحقى الاحترام وبجد مواضيعك حلوه وطريقه كتابتك احلى من طريقه كتابتى
ومن قلبى بتمنلك يا رب كل خير وسعاده وصحه وتوفيق وفرح وابتسامه تدوم يا رب طول العمر

بوسى يقول...

بجد تسلم ايدك على الموضوع يا شيمو وفعلا بدات تاكل منك الجو الحق نفسك لاحسن تروح فى الرجلين يا بنى البت سخنه خالص وموضيعها جامده وشكلك هتقعد فى بيتكم تقشر بصل
ههههههههههههه
بجد انتوا الاتنين زى العسل وموضيكم جامده جدا

سلمى يقول...

يا نهار ابيض يا عمور انت بينسحب منك البساط وشيمو دى شكلها هتعلق منك كل الناس اللى بتقئ بس يا ريت انتوا الاتنين تفضلوا على نفس الطريقه فى الكتابه لانها بجد طريقه لذيذه ومشوقه والمنافسه بينكم احسن حاجه عشان احنا اللى هنستفيد
وربنا يكرمكم يا رب

lostlove يقول...

تسلمو بجد علي الكلام ده انا مش عارفه اقول ليكم ايه الموضوع حلو بيكم انتم نسمه انتي ممكن تيجي شات المدونه اسمو اشتغلات وده الينك بتاعوhttp://xat.com/ashtghalat واي حاجه يا قمر تحبي تتكلمي فيها انا معاكي علي طول وبجد شكرا ليكم علي كلمكم ده
وياعمور يا قممر انته الاصل وانا كلامي مش يقدر ينافسك حتي ولو ربع منافسه
وانته حد جميل وكلامك اجمل
ويارب اشوفكم علي طول بخير يا احلي ناس

amirelhob يقول...

مبروك يا شيمو بقى ليكى جمهور اهو وناس بتقرئ مواضيعك وبداتى تاكلى منى الجو ودا بجد مش مجامله لكن والله فعلا
انتى الفترا دى نمسك الخشب بجد مواضيع جميله واراء بجد صح وبتعبرى عن فكر اعمار مختلفه ويا رب تفضلى دايما فى التميز ومش عيب انى اتعلم منك لان انتى فعلا شاطره
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

سلمى يقول...

حلو اوى جو التعاون اللى بينكم دا وبجد حاجه مفرحنى بس ليا سوال ليك يا عموره انت ليه بقالك كام يوم مكتبتش اى موضوع وحاسين فى تعليقاتك انك حزين اوى فى حاجه عندك يعنى مش بتهزر ولا تضحك زى الاول ودا اكيد ليه سبب يا ريت نعرفوا منك
وربنا ينجحكم يا رب وميرسى يا شيمو على لينك الشات
انا دخلت بس مكنش فيه حد هكلمك تانى اول ما القيكى بس يا ترى اسمك ايه هناك ؟

amirelhob يقول...

لا والله انا مش حزين ولا حاجه بس هو تقدرى تقولى كدا حبت مشاكل وربنا يعديها على خير ومع شويه انشغال وزهق يعنى جو كدا من اللى هو بيجى لكل الناس فترا ويورح كدا ادعى انو ميطولش يا قمر وهتوشوفى النهاردا موضوع ليا يا رب يعجبك
وبتمنلكم كلكم ومن قلبى كل خير وسعاده وصحه وتوفيق وفرح وابتسامه تدوم يا رب طول العمر