اللى على راسه ريشه

النهاردا هنقرئ مع بعض اشتغاله جديد من ضمن الاشتغالات
"انت متعرفش انا مين "
جمله كلنا بنسمعها كتير ومش عارفين ايه الفراق يعنى
انت مين ولا ابن مين ويعنى ايه انت مين اصلا
يعنى مثلا عربيتين واقفين قدام بعض فى شارع اتجاه واحد تلاقى
الاتنين عمالين يقولوا لبعض ارجع وراء شويه يا كابتن يقولوا
انت بتقولى انا ارجع انت متعرفش انا مين ولا ايه

اصبحت الكلمه دى اى حد بيقولها ومحدش فاهم معناها ولا عارف بس
هو بيقولها عشان يلفت نظر اللى حواليه بس اللى يستفزك بجد
لما تلقى ناس معينه مع احترامى الكامل ليهم بيقولها زى مثلا

حارس العقار(بواب)

بتاع اللبن

الراجل اللى بيصلح الاحذيه

واللى بيمسح سلم العماره


كل دول ناس انا بحترمهم وبجد بيتعبوا عشان احنا نرتاح وبيشتغلوا بجد
وبشرف ومش بيعملوا حاجه غلط بس لما تلقى حد من الناس الطيبه دى
بيقولك انت متعرفش انا مين يبقى ليك حق تستعجب
ونفسك ترد عليهم بمنتهى السذاجه وتقولوا انت ابن مين يعنى
وبعا لانك متقدرش تعمل لا تخاف انو يقطع الخدمه فى اى مجال
هو بيساعدك فيه فضطر تسكت

المصيبه بقى ان كمان الجمله بدات تتقال فى طوابير العيش
وتدخل تلقى واحد يقولك لو سمحت يا فندم يا استاذ
ويروح داخل واخد عيش ولا همو طابور ولا حاجه وتقولوا
ما فى طابور حضرتك يقولك انا اقف فى طابور
انت مش عارف انت بتكلم مين

طيب فى سوال بجد محيرنى لو كل البلد ولاد ناس ومستويات
وعالم كلها معروفه طيب فى بقى المشال اللى عندنا
طيب هيفرق فى ايه انت مين ولا ابن مين فى اى حاجه عاديه زى طابور العيش
طيب لو انت اصلا حد احسن من الناس دى كلها رضيت ليه اصلا انك تجيب عيش
من فرن زى دى بلدى وفى منطقه شعبيه


اساله كتيره جوا الموضوع ومش لقى ليها اجابات لى كل الناس شايفه نفسها
فوق الكل والكل شايف انو هو الوحيد اللى معاه سر تغير الكون
واللى يفهم فى ححاجه او ميفهمش بقى بيتكلم فيها
ويا ترى التعالى والغروردا هيروح للاجيال اللى جايه كمان وهنسمع ف يوم من الايام
انت متعرفش انا ابقى ابن مين ولا هيكون ساعاتها فى حاجات تانيه بتتقال

احترت كتير من حالك يا بلدى واستغربت يا ترى انا فهمت
ولا غلطت
مقدرش ابطل حب ليكى ما انا منك اتولدت وعشت فيكى
وكبرت احلامى وسنين جوا كل شارع بتحضنيه باديكى
وعجبى !

6 التعليقات:

سلمى يقول...

هو الموضوع حلو يا عمرو بس مش عارفه ليه حاسه انو من غير مزاج يعنى مجرد موضوع وخلاص وبصراحه انت بدات تفقد بريقك فى الموضوعات وفعلا شكل شيمو تفوقت عليك بجد
انت فيك حاجه متغيره عننا احنا مش عارفنها
وماضيعك مبقتش زى الاول
رغم ان الموضوع جميل وموجود فعلا بس حاسو انو لسه ناقص
يا ريت يا عمرو ترجع تانى عمرو بتاع الاول لانك من بعد موضوع ساركل وانت متغير ودا مش صح

lostlove يقول...

الموضوع جامد وفعلا موجد كتير جدا وفي كزا مكان
بس انا مع سلمي انته متغير ليه بقي

عاويزن مواضيع زي الاول جمده كده وبمزاج صح عمور الي اتعودنا عليه عوزينك متالق كده وزي الاول
ويارب اشوفك احسن وتخرج من الحزن الي انته فيه ده وترجع عمور بتاع زمان
ومن قلبي اتمنه ليك كل السعاده والتوفيق

ندى يقول...

عمرو احنا قرينا مواضيعك عشان بتعبر عننا لكن ما ينفعش انك تكتب موضوع خالى من اى روح ومن اى جديد
انا اسفه فى اللى هقوله بس يا عمرو انت دايما عودتينى على الصراحه بس يا تكتب مواضيع كويسه يا اسفه بعنى متكتبش وسيب المدونه لشيمو لان بجد يا عمرو انت صعابن عليا لان اللى يوقع وميلحقش نفسو مش ممكن يرجع تانى

amirelhob يقول...

عندك حق يا ندى وميرسى على كومنتك الرائع دا بجد وعلبى الكلام اللى تكتر من مجرد رائع بس صدقينى انا فى حاله لا احسد عليها وتعبان ومضيايق وارجو انكم متزعلوش منى
لان بجد انا غلطان انى اسيبكم كدا بس اعذرونى الفترا دى مش هقدر اكتب مواضيع كتير وفعلا هسيب المدونه لشيمو
لانها فعلا قدرت تثبت نفسها ومش عيب خالص انى اعترف بدا بس عاشن ارجع عمرو تانى واقدر انافس شيمو محتاج انى ابعد شويه عشان اريح اعصابى وربنا يسعدكم يا رب ومن قلبى
بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

غير معرف يقول...

لالالالالالالالا ونبى مش تسيبها لشيمو الا شيمو خليك انت احسن منها الرخمه دى دخلتنى ومش عايزانى انام

غير معرف يقول...

بهزر شيمو دى عسوله والله وربنا يوفقكم يارب ويوففك ياعمرو وترجع عمرو تانى وموضوعاتك كل حلوه اوى