عن نفسى اتحدث ... !!!



مش عارف ابدا منين ومش عارف ازاى اصلا هكتب
يمكن دا اول موضوع لما اجى اكتبه مبقاش محضر هقول ايه
وابقى متردد اتكلم ولا لا بس هسيب نفسى تتكلم لانى بجد تعبان ولانكم انتوا
اقرب حد ليا يمكن انتوا كمان اهلى واقرب صحاب ليا
انا جاى عشان اسالكم كام سوال جوايا ومغلبنى
وتعبنى اوى ونفسى القى ليهم اجابه ومتاكد انهم جوا كل حد فيكم



نفسى اسال نفسى انا كويس ولا وحش انا طيب ولا بمثل انا استحق الحياه
وانى ابقى اسمى انسان ولا لا
طيب انا ليا ملامح ولا مجهول فى قمر منور ايامى ولا ضوء شمعه مصيره ينطفى
مشوارى قريب ينتهى ولا لسه فى بدايتو ممكن اعمل حاجه بجد
ولا هقف محلك سر طيب انا رايح فين كسبت مين وخسرت مين
ومين اللى يستحق انى اعرفوا ومين لا طيب هما بجد بيحبونى ولا
مجرد مصلحه طيب انا كمان بحبهم ولا مجرد كلام

؟ ؟ ؟ ؟ ؟ ؟ ؟ ؟ ؟ ؟ ؟

كل دى اساله جوايا ومش عارف ليها اجابه وللاسف جاتلى مره واحده
كونت مبسوط وقولت افكر فى بكرا لقيت الاساله دى جوايا
اتخنقت حسيت بحبل كتفينى صوتى رفض انو يطلع منى
دموعى غصب عنى خنيتنى ونزلت يمكن عشان كونت لوحدى
طيب ازاى وحدى وانا حواليا اهلى هو ممكن نحس الغربه واحنا
فى حضن اقرب ما لينا طيب ممكن نكون جنبهم وهما بعيد عننا
طيب لو بكينا هيشوفوا دموعنا ولا لا
ولو شفوها هيمسحوها ولا هتنزل مننا ومش هتسمحها غير ايدينا
طيب يا ترى اللى بيحصل دا صح ولا غلط
طيب احنا نستاهل دا ولا لا
؟ ؟ ؟ ؟ ؟ ؟ ؟ ؟ ؟

طيب الناس اللى بتعامل معاهم دول كويسين ولا وحشين طيب اللى لو هما وحشين
يا ترى كل الناس كدا ولا يمكن اقابل ناس كويسين ويطلعوا احسن من اللى اتكعبلت فيهم
وانا فى مشوار حياتى
طيب انا ليه خايف من بكرا اوى كدا يا ترى دا ضعف ايمان منى ولا انا مقصر
فى حق ربنا عشان كدا مش مطمئن
طيب هو انا ضعيف ولا قوى ممكن اقف ضد اى جرح ولا هيكون اقوى منى ويهزمنى
طيب لو حد واحشنى اعمل ايه عشان اكلموا او احسوا طيب يا ترى هو كمان عندو
نفس احساسى بانى محتاجلو اوى كدا وحاسس بيا وبيفكر فيا زى ما بفكر فيه
طيب ليه مكلمنيش ولا مش عايز يسمع صوتى
طيب دموعى اللى بتنزل وانا بكتب دى هو حاسسها دلوقتى ولا مش فارقه معاه
طيب انا ممكن احلم بي ولو مره عشان بس اطمن عليه ولا حتى الحلم بقى صعب عليا
يا ترى هقدر ابوص فى عينو لو شوفتوا ولا هتكسرنى وحدتى
؟ ؟ ؟ ؟ ؟ ؟ ؟ ؟

كل دى اساله جوايا ومش لقى ليها حل هموت وانا بكتب الموضوع دا بس بجد مخنوق
ومش عارف ايه الصح وايه الغلط مش عارف بكرا دا جاى وجايب ايه
خايف منو اوى كدا ليه
طيب انا هعرف اكمل حياتى ولا لا يا ترى هى صعبه بجد ولا انا
عايش فى كابوس وهقوم على حلم جميل كل دى اساله وحاجات جوايا بجد تعبنى


يمكن دا اول موضوع احسوا قبل ما اكتبوا بس دى الاساله اللى جات
فى بالى وانا مضيقك وعشان ملقتش اجابه ولعت سجاره وسكت
وقولت يا رب ارحمنى من تفكيرى بجد تعبت وتوهت واحترت
انا من غيرك ضيعف وراجعلك وبتمنى ترضى عنى

يمكن مقدرش اكتب تانى مواضيع لان بجد فى حاله
غريبه ومش عارف ايه اللى حصلى بس اكتبوا تعليقتكم وانا هرد عليها
علطول وكل يوم بجد هتوحشونى وبجد اغلى ناس على قلبى ويارب
اقدر اكتب مواضيع بكرا عشانكم انتوا يا ارق ناس
يالى بجد بحبكم من قلبى اصحاب واخوات بجد
نفسى محدش فيكم يحس اللى انا حاسوا

. . . . . . . . . . . . .

10 التعليقات:

lostlove يقول...

اجابه سؤالك جواك انته وانته بس الي بس الي تعرف انته وحكايت تستحق الحياه ولاء لو مكنتش تستحقها مكنتش فضلت فيها وكل انسان اتولد يستحق الحاه عشان دي نعمه من ربنا ولازم نقول الحمد لله لمجرد اننا عايشن بنسنبه بقي لانك ضعيف ولا قوي طيب ولاشرير جواك خير ولا جواك شر كلنا جونا كده بس لازم ندور علي نوع الانسان الي احنا عاوزينو ونختار هنكون ايه وهنبقي ايه ومش مهم راي الناس فيك المهم انته شايف نفسك ايه وتكون مرايه نفسك لانك الوحيد الي شايف نفسك صح وانته الي تقدر تحكم علي نفسك صح وبلاش حكايت مش هكتب تاني عشان انته فعلا عندك موهبه الكتبه ونته فعلا شخص كويس اوي وانسان محترم وصديق مخلص وانا سعيده جدا بمعرفتك

amirelhob يقول...

ميرسى جدا على الكومنت الجميل والكلام اللى بجد بيريحنى وبيخلينى اتاكد ان فى ناس لسه بتقف جنبى وبتسندينى وبجد ومن قلبى بتمنلك كل خير وسعاده وصحه وتوفيق وفرح وابتسامه تدوم يا ر ب طول العمر

غرام يقول...

موضوع جميل يا عمور بس اكيد كل الاجبات دى جواك وعلى راى شرين دو جواك تالها
ميرسى على الموضوع الجميل

amirelhob يقول...

يمكن جوايا بس صدقينى مش شايفها وميرسى على الكومنت الجميل دا
ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

نانسى يقول...

انا عايزه اسال سوال هو انت موضوعاتك كلها حلوه كدا وبجد بحس فيها انى انا اللى كاتبه الموضوع لانو بجد بيوصف حاجات كتير اوى فينا ودى احسن حاجه لما نلقى حد بيكتب اللى احنا بنحسوا ودا بجد بيطمنا اننا مش حاسين الحاجات دى لوحدنا وربنا يوفقك يا عمور يالى بجد حسيت انك اقرب حد ليا بموضوعك دا وعلفكرا انا جبت ميلك وضفتك عندى بس للاسف مش قبلت الاضافه ومش عارف ليه ولا يا ترى مش بتقبل اى حد عشان المعجبات على العموم ربنا يوفقك وبجد اختيارك للصور بتاعت المواضيع تجنن وانت كمان صورتك حلوه وزى القمر ربنا يوفقك يا رب

سامح يقول...

عندك حق الموضايع فعلا تجنن وخاصه موضوع الصداقه وموضوع صلاح جاهين انتوا بجد بداتو المدونه صح ولو تعبتوا شويه هتوصلوا وبجد يا ريتكم كدا وبرافو على اسم المدونه فعلا جامد ويا ريت تتكلموا عن اى اشتغاله تشوفوها عشان انا مش هنزل شغلى غير لما اقرى عنكم كل يوم الجديد انا عايش فى لندن علفكرا يعنى لازم تقولوا الاخبار بصراحه عشان اعرف اخبار مصر منكم

amirelhob يقول...

ميرسى بجد على الكلام الحلو دا واللى مش كفايه فيه كومنت واحد بس دا محتاج الف كومنت عشان يترد عليه وسعيد انك وثقت فينا يا سامح وفى اخابرنا ومتخافش هنقول كل حاجه لحد ما نعتقل
الى نانسى....
يا قمر المواضيع دى كويسه عشان انتوا بتقروها وبعدين يا قمر انتى زى اختى وانا لو اعرف اميلك صدقينى هقبلوا ومش موضوع معجبات انا مش تامر حسنى ولا عمرو انا واحد زى زيكم ويمكن اقل كمان وعشان فاضى قولت اعمل حاجه ليها لازمه واعبر عنى وعنكم يمكن اقول كلام عايزن تقولواه ومحدش قادر يفهمكم ولا يوصلكم وعشان كدا انا معاكم
واختيارى للصور دا الفضل فيه يرجع ليكم لانكم انتوا اللى بتخلونى افكر بدماغكم واشوف انى اللى هيعجبكم
ومن قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

غير معرف يقول...

بجد موضوع حلو اوى وصح كل واحد فينا بيسال نفسه نفس الاسئله دى ربنا يوفقك فى حياتك ويارب نلاقى اجابة للاسئله دى

بسبوسه يقول...

وحشتنا اوى يا عموره وبجد نفسنا نعرف اخبارك وانا كل ما اقرئ موضوع بقى عايزه ارد عليه واعلق وبجد بحبكم اووووووووووى وبجد وحشتونى وانت كمان يا عموره وحشنى اوى ووحشنى كلامك الحلو

ناسنى يقول...

عمرو عايزه ابقى معاك فى المدونه لانى بجد عايزو اكتب حاجات كتير اوى فى الشارع مضيقنى والناس حاسه بيها وبجد نفسى اكون قريبه منك ومن كل اللى هنا فى المدونه ويا رب تكبر وتنجح يا عمور انت واللى معاك