مصلحه الحكومه اولا


طبعا كلنا دلوقتى بقى عندنا معرفه قويه بشخصيه عبد
القوى اللى كان بطل اعلانات مصلحه الضرائب
فى شهر رمضان الكريم وقد ايه عبد القوى دا وحش
والحكومه طيبه ومبقاش فى رشوه وان كل دا بيحصل
عشان مصلحتنا طي بانا ليا كم سوال كدا تعالو نفكر فيهم
مع بعض وهستنى ردودكم على الاساله دى


1- ليه الاعلانات دى كانت فى رمضان بس وبعد كدا
بقيت قليله اوى وساعات كمان مش بتيجى؟


2- طب ليه الاعلان اللى فيه موظف الضرائب بيرفض
فيه ياخد الرشوه مجبوش وش الموظف ودا طبعا
لان مفيش اصلا موظف عاقل هيعمل كدا ولا
عشان متبقاش دعايه؟

3- ايه معنى الشعار بتاع الصملحه اللى بيقول
"مصلحتك اولا"
وايه مصلحتى فى انى ادفع فلوس نصها بيدخل جيوب الكبار
وكلنا عارفين؟

4- وازاى اروح للحلاق واقولوا ادينى فاتوره
او حتى لو هشترى حاجه من الفرن ازاى
اطلب فاتوره طيب واقول البائع ايه دا عشان مصلحتى
بردو ولا عشان الحكومه لازم تعرف انو بودى فلوسى فين ؟

5- وياترى الناس مستنيه الاعلانات دى عشان تعرف ان عليها ضرائب
ولازم تدفعها والا هيبقى فيها ابو زعبل وكلابوش


6- طيب اللى مش بيدفع كم الف بيحصل فيه ايه وبيتحبس
وياخد عقوبه بجد ولا عديها المره دى يا صاحبى
طيب ويا رتى هو اولى بالسجن ولا اللى خد ملايين وهرب برا البلد؟

7_ طيب ايه الضرائب اللى بقت على العمائر والشقق ولا هى البلد مبقتش
عارفها تلم فلوس مننا ازاى ؟

8_طيب يا ترى الناس راضيه بالقانون الجديد وهتدفع من غير مشاكل
ومن غير قضايا ومحاكم ؟
10_طيب هى فعلا مصلحتنا اننا ندفع الضرائب بجد ولا نتهرب
احسن ويا رتى لما ندفع الضرائب هنلقى اللى بندفعوا فى
خدمتنا من تعليم وصحه وراعيه وعيش نضيف مش مليان
مسامير وازاز وحاجات غريبه ؟


11- طيب الزباله اللى بقت على الكهرباء دى بردو ضرائب تحت
مسمى اخر ولا تبرعات للهلال الاحمر؟

12_ طيب هو وزير الماليه "الغالى" يا ترى هيعمل
فينا ايه بعد الجمارك والضرائب والزباله على الكهرباء؟

13-يا ترى ايه هيبقى الشعار القادم للضرائب
ادفع لاغوزك
ولا قب باللتى هى احسن
ولا تدفع بالذوق ولا من كاس المر تدوق
ولا بنحذرك قبل ما نمرمطك
ومين هو هيبقى بطل الاعلانات اللى جاى وهيبقى اسمو ايه ؟

طبعا يمكن تكون دى اخر حاجه اكتبها لان اكيد لو حد من المسئولين
قرئ اللى كاتبو دا مش هبات فى بيتنا وهروح اصيف فى ابو زعبل
او فى طره علطول ومش بعدي يتقال عليا شريك بن لادن فى تفجيرات
11 سبتمبر ومش بعيد يقولوا انى السبب فى ان العيش بيتعمل عليه طوابير
وان انا اصلا عبد القوى وهربان او انا " البوشى" اللى خدت ملايين وهربت بيها
او انا السبب فى غرق العباره "السلام98" !

وطبعا عشان احنا شعب جميل وبنموت فى الاشاعات وما بنصدق
اى حاجه تحصل هتصدقوا كل دا بس متخافوش عليا انا اصلا
ههرب برا البلد قريب

عشان انتوا متهمونيش ومصلحتى اولا


7 التعليقات:

غرام يقول...

عندك حق بجد ميرسى للموضوع يا عمور

amirelhob يقول...

ميرسى ليكى يا قمر انتى على انك بتقرى كل المواضيع وبتعلقى ويا رب المدونه تشتهر وتبقى كويسه وعلى مستوى المطلوب لاننا واخدين عهد يا نقدم حاجه كويسه يا ما نقعد ساكيتن
ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

غير معرف يقول...

بجد انا بحييك يا عمرو جدا لانك طلعت فعلا عندك مواهب جامدة وعايز توصل للناس حاجة معينة وكمان انا قريت شخصيتك انت شخصيتك تحفة اوى بس بردوا لازم نعاتب الى بنحبهم وانت بجد انسان جميل ويارب تفضل على كدة طول العمر
وتفيدنا دايما

amirelhob يقول...

انا بعمل كل دا عشان اعبر عنكم وعن وجت نظرى اللى هى بدرجه كبيره شبه وجهت نظركم واكيد كل واحد فينا عايز يقول اللى جواه بس الدنيا واخده او مش فاضى انا بقى قولت لازم اعمل حاجه احس بيها انى قريب منكم
وبجد ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

غير معرف يقول...

عمرو انت بجد انسان جميل اوي وربنا يحميك وربنا يعلم انا بعزك قد اية وموضوع حلو اوي وربنا يسعدك يقلبي نور

amirelhob يقول...

ميرسى يا اجمل نور وميرسى على كمك الرقيق دا وبجد مش عارف اقولك ايه كلام كبير وجميله وبجد اغلى من اى رد ممكن اقولوا ليكى لكن اكيد انتى اغلى عندى يا قمر وربنا يسعدك يا قمر يا رب
وبجد ومن قلبى بتمنلكم كل خير وسعاده وصحه وتوفيق وفرح وابتسامه تدوم طول العمر يا اجمل ناس

amirelhob يقول...

ميرسى بجد على الكومنت الجميل واللى اكتر من رائع دا ويا رب الكلام الحلو دا انا استهلوا لانو بجد كتير عليا اوى

وبجد ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر