التركى يكسب



طبعا كلنا واخدين بالنا من الغزو التركى اللى دخل
كل بلادنا عن طريق المسلسلات التركيه اللى
خدت عقلنا وتميزت على كلنا المسلسلات العربى


(اسئله ولقيت لها جواب)
ليه البنات بالذات هى اللى بتتشد للمسلسلات دى ؟

لان دا بيرضى غرورهم لان فى الغالب البطل بيبقى زى
القمر والبطله مش قد كدا ودا معناه طبعا ان البنت
ممكن يحبها واحد احلى منها


ليه دايما البطل والبطله بيبقى بين اهلهم مشاكل وصعب يرتبطوا ببعض؟

ودا بصراحه سوال مش لقيت الحل ليه بسهوله
بس اللى وصلتوا انو بيبقى مجرد تشويق عشان المشاهد ليس اكتر.
بس الاستغراب بقى انو كل المسلسلات التركى كدا
ودا طبعا عشان الناس تتابع ايه اللى هيحصل فى الاخر

ليه المسلسلات التركى لازم يبقى فيها ضرب نار حتى ولو كانت رومانسيه؟

ودا بقى عشان يرضوا جميع الاطراف محبين الاكشن ومحبين
الرومانسيه كدا كدا الناس بتصدق

ليه المسلسل بيتعاد اربع مرات فى اليوم؟

عشان الناس كلها تتابعوا واللى ملحقش يشوفها اول مره
يشوفه تانى مره وهكذا الاعاده التالته والرابعه

ليه بدات المطربات العربيات تستعين بالممثلين الاتراك فى كليباتهم؟

ودا طبعا عشان البنات تفرج على الممثل الوسيم
والشباب يتفرجوا على المطربه وبكدا يبقى كسبوا قاعده اكبر
من الجمهور واهو شيلنى واشيلك "واللى تكسبلوا العبو"



ودا كانت الاساله اللى قعدت اسالها لنفسى وليه
دايما بنشوف ممثلين جدد فى كل مسلسل جديد
وايه اللى خلى المسلسلات دى تفوق على المسلسلات
المصريه والسوريه وعلى تراثنا العربيه
ولا هو خلاص الناس زهقت
من حكايتنا اللى بتكرر ومن الزحمه اللى فى
رمضان ولا زهقوا من الممثلين اللى مش بتتغير
ومن قصص المسلسلات اللى مش بيتغير فيها
غير اسماء الممثلين لكن هى هى نفس القصه والحدوته
ياما الكلام على العرض او الحرب او الاغتلاس او
محامى منافق من ساعات ما اتولدت وكل المسلسلات
بتتكلم عن مواضيع مكرره ومش بتتغير
وفرحت بجد لما لقيت انو بقى فى فرصه للشباب
الجديد وبقى فى وجوه جديده
زى
شريف منير - احمد رزق - سامح حسين - اشرف عبد الباقى - احمد رزق

ودا معناها اننا بدانا نفهم الدرس ويا رب نلحق الموضوع
قبل ما التركى يبقى الاصلى !

5 التعليقات:

غرام يقول...

بجد الموضوع جميل واصحابك بيضحكوا بس الرجال وقت الشدة بيظهروا ومفيش وقت شدة اكتر من الامتحانات وبشكر يا عسل يا عمور واتمانى اشوف احسن وتكون سعيد فى حياتك

غرام يقول...

اتمنى اسوفك فى الكوشة وديمن فى جديد واشوف موضوع لية واشكر وسعيدة كدا انى اتعرفت على واحد زيك يا عمور اختك غرام

amirelhob يقول...

ميرسى يا قمر وربنا يخليكى يا رب على كلام الرايق دا وبجد كلام مقدرش اوف عليه اى حاجه ولا 100 تعليق يكفوا شكرى ليكى وكلامى وربنا يخيلكى على الدعوات الجميله دى يا قلبى

Ranim Ayman يقول...
أزال المؤلف هذا التعليق.
Ranim Ayman يقول...

ههههههههههههههههههههه ضحكت اووووووي لما قلت ان البنات بتشدوا للمسلسلات التركي علشان البطل بيبقي امور والبطلة مشش قد كدا ودا معناه طبعا نا البنت ممكن يحبها واحد احلي منها مش هقول اني متفرجتش لا اتفرجت علي كذا مسلسل كمان معرفش ايه اللي شدني مش مهند متتقلقش بس مش عارفه يمكن كنت عاوزة اتفرج علشان يبقي عندي خلفية يعني ضحكت موت موت موت وبرضوا اختؤاتك للمواضيع غريبة\ تحياتي جداااااااااااااااااااااا