يعنى ايه حب ؟

love_is_blind_.jpg love is blind image by amber121306


هو حقيقى الحب الاعمى؟

هو ممكن بجد منشوفش فى اللى بنحبوا
اى عيب لمجرد اننا بنحبوا لدرجة الموت؟

ممكن نسامح لو حبينا بجد ؟

لسه فى حب بجد ولا خلاص بقى كله كلام اغانى
وافلام ومجرد كدبه وبتعيش وقتها؟

فى حد ممكن يضحى بحياتو عشان يحافظ
على اللى بيحبه ولا دا كان زمان؟

طيب يعنى ايه اصلا حب بجد؟

"جوانا اسئله"

كل دى اسئله جوا كل حد فينا اللى بيحب واللى لسه هيحب
فى ناس مش عارفه يعنى ايه حب وفى ناس نفسها تحس الحب
وفى ناس مش عارفه بجد تحب كل دى مشاعر جميله
ونفسنا كلنا نعرف يعنى اجابتها وعشان انا زيكم
ونفسى اعرف الاجابات دى قولت افكر معاكم بصوت عالى
ونتناقش واللى عندو راى يقوله وبجد هبقى سعيد لان هحس
ان انا مش بفكر لوحدى


"يعنى ايه حب"



الحب يعنى امل فى بكرا يعنى امان همسه ورقه وحنان
ضحكه ولمسه نظره وابتسامه
نظره رضا و فرحه وحد نخاف عليه ويخاف
علينا ونسال عليه ونطمن عليه ولما
يغيب نقولوا وحشتنا كونت غايب ليه عننا
خدت معاك قلبنا ومغبتش ثانيه عن تفكيرنا


الحب يعنى جزيره مش ممكن اوصلها الا وايدى
فى ايدك يا حبيبتى
مستحيل هكون غير ليكى ولا
هبعد يوم عن عنيكى
انتى بتوحشينى وانتى بين ايدى وانا
بين ايديكى نفسى اقولك كلمه
"بحبك"
وانا عينى قصاد عنيكى

انا بعشقك وبعشق كل حاجه فيكى
انا كل عمرى هعيشو ليكى وبيكى
صدقينى انا عرفت معنى الدنيا
بيكى ولا يمكن اكون فى يوم
عايش لغيرك


بجد معاكى حسيت طعم الحياه نسيت الجرح
ونسيت الاه وعرفت معنى الفرح يا احلى ما
فى الحياه كل عمرى هعيشوا ليكى ولايمكن
فى يوم ابعد عن عنيكى دا فى كلام كتير
جوا قلبى ليكى




حبك زى النهر ولا يمكن فى يوم حد يرتوى منو غيرى
انا اول ما فتحت عنيا لقيتك وغرقت فى بحر قلبك وانا
وانا واقف جنبك لقيت حاجه بتشدنى اوى وبجد ليكى

_"_"_"_"_"_"_"_"_"_"


دا احساسى بالحب وعمرى بجد ما هقول الكلام دا غير
للى يختارها قلبى ويحبها واحس معاها بالدفء

11 التعليقات:

غير معرف يقول...

طيب يا ترى الانسان الى كتب الكلام ده بيحب لو بيحب ممكن يقولى

amirelhob يقول...

اكيد بيحب بس هو لازم الحب يبقى حب ولد لبنت هو بيحب اصحابو واهلوا بيحب بلدو وعندوا حنين وعايز يرجعلها ونفسو يعيش ويستقر بيحب الحياه وبيحب الجرى والتطنط اصل الحب مش مجرد كلمه الحب احساس لايمكن نعيش من غيروا لانو غريزه زى الكلام لايمكن ننساه فى يوم

غير معرف يقول...

انا بسال انت ياعمرو بتحب اصلا ولا مبتحبش

غير معرف يقول...

ومعلشى ممكن تقول اسم الى انت بتحبها ارجوك

amirelhob يقول...

انا والله بحب كل الناس لكن لسه ربنا مرزقنيش ببنت الحلال لكن اكيد قريب ربنا هيكرمنى بحد كويس واكيد هتبقى كتير عليا وملاك وميرسى على تعليقك يا قمر وعلى اهتمامك

وبجد بتمنلكم كلكم كل خير وسعاده وصحه وتوفيق وفرح وابتسامه

غير معرف يقول...


كلامك حلو أووووووي و يا ريت أي حد يتكلم عن الحب بصدق كدة و يحس الاحساس دا . . والحب الحقيقي موجود بس للاسف قليل وياريت كان يبقي كتير كان زمننا لقينا اجابات للاسئلة دي

Ranim Ayman يقول...
أزال المؤلف هذا التعليق.
Ranim Ayman يقول...

بصي هقولك انا الحب ده بيعدي في مراحل كتير اوي انا قمت جبت كتاب كان بيتكلم عن الحب اسمه اسطورة الحب ده لكاتب اسمه كريم الشاذلي الكتاب حلو اوي فعلا هقولك انا مختصر الكلام تقريبا
المرحلة الاولي عندما يطرق الحب ابوابه
في الوقتده بنبقي شيفين اللي بنحبه ملاك وبنرفض نشوفه بشر
المرحلة ال2 محاولة اغلاق القلب عليه في الوقت ده بيكون الحب اعمي بتبقي شايف اللي بتحبه معندوش عيب واحد
المرحلة ال3 استبصار الحب في الوقت ده العقل بيدخل في الموضوع ويبقي في خناقة كبيرة بنهم القلب مثلا يقول حبيبي حنون جدا يروح العقل رادد عليه بس عصبي القبي يقول حبيبي اكتر واحد رومنسي يروح العقل رادد عليه بس هو معندوس شقه ومش بشتغل وهكذا
المرحلة ال4 والاخيرة اغللاق باب القلب اقدر اقولك ان في المرحلة دي حد بيفوز يا القلب يا العقل بمعني ان ساعات الحب اعمي وساعات بيكون عادي جدا بص انصحك جدا تروح تشتري الكتاب هو حلو اوووووي طبعا فيه حب بأخلاص وطبعا اللي بيحب بجد بيسامح وطبعا ممكن حد يضحي بحياته علشان حبيه عارف احكيلك قصة واحدة اعرفها حبيبها كان بحبها اوووووي وفي يوم البنت دي دخلت المستشفي وكانت محتاجة حد يتبرعلها بكلية المهم حبيها راح يا عمرو واتبرعلها بكليته انت متخيل المهم بعد ما طلعت البنت من المستشفي عارف عملت ايه سابته وراح حبت واحد تاني مش ده المهم المهم ان في واحد اهو اتبرع لواحدة ولا هي مراته ولا خطبته ومفيش اي صلة بنهم عير انه بيحبها اتبرعلها بحته منه متخيل طبعا في حب وطبعا ممكن حد يضحي بحياته علشان بيحبه اسفه طولت الكومنت زيادة موت بس مقدرتش مكتبش اختيارك للموضيع رائع تحياتتتتتتيييييييي

غير معرف يقول...

بجد ياعمرو انت فنان كبير اوى ربنا يعينك ويسعدك وتكمل وتبقى حاجه كبيرة اوى ان شاء الله ربنا معاك يافنان

غير معرف يقول...

بجد والله يارب هههه

غير معرف يقول...

اه في حب وعجبني كلام رنيم وهجيب الكتاب اللي وصت بيه لان كلامها المختصر عنه يوضح انه هايل وصادق..اضيف.. تعرف اللي بيحب من ابتسامته الدااائمه حتي لو لواحده بتلاقي بؤه من الودن دي للودن دي .ابتسامه صافيه بجدبعنبن كلها أمل عيون بتضحك واضحه لكل اللي يشوفها .بتوحي بتصالح مع النفس رهيب. وهيا دي أول مرحله في الحب يليها باه المراحل اللي كتاب رنيم حكي عنها.بس حقيقي لو الطرف المقابل لقي الابتسامه دي ومقدرهاش ومعرفش يحتويها بتبقي كارثه وعّذاب مابعده عذاب.وبالنسبالي انتضار العقل هوا المرجح والصائب طبعا وبيتقفل باب الحب والخوف وقتها من الابواب التانيه اللي بتتفتح بداله

.موضوعك هايل.شكرا ليك