بجنيه عيش ونبى يا بنى

طبعا كلكم عرفتوا هنتكلم عن ايه وايه هو الموضع اللى دايما

شاغلنا ومطلع عنينا والحكومه كتر خيرها كل يوم تطلع فكره جديده

بس مش عارف ليه مش بيتنفذه اى فكره منهم؟؟؟

يمكن عشان احنا مش لقين وقت ننفذ من كتير التفكير

والله احنا ظلمين الحكومه معانا اصل هى قالت الاسباب

الصحيه لى طابور العيش وبصراحه طلع عندها حق

وقالت الاسباب دى فى بيان تمضن الاتى:

1_ نطلع جيل قادر على الصبر وعلى تحمل المسئوليه وقادر انو يدافع عن حقوقه

مهما حصل والدفاع عن ارضه ووطنه وان يصبح منتمى لهدف نبيل

وطبعا الهدف هنا هو ازاى ياخد العيش

2_ توفير الفرصه الكامله اننا نتقابل مع بعض ونحكى ونتكلم واللى زعلان

من حد يصالحه واهى فرصه الستات تقعد ترغى مع بعض ويتعملوا من بعض

طريقه الاكل واللى جوزها طفشان منها تاخد عنوان واحد بتاع

اعمال يشوف ليها مين اللى عملها العمل وبعد

جوزها عنها وهى يا عنيا تصدق وتروح عشان ترجعه

تانى

3_ يوفره لينا جو يدفينا فى البرد دا طبعا عشان النار اللى طلعه من الفرن

وكمان الشمس اللى هتدفينى ولا لو حد بردان يدفى فى احضان اخوه او اختو

اللى وقفين جنبوا عشان ياخدوا العيش

4- ازاى نلتزم بثقافه الصف واننا منخرجش عن الطابور و ان الشعب

يبقى عندو نظام ويتعلم نظريه التاقلم مع الوقت الراهن

5- لو حصل لا قدر الله حرب ازاى نبقى ايد واحده وازاى احنا ال80 مليون

نبقى عارفين بعض وكلنا نسال على بعض ونتعود ان محدش يغيب عن الطابور

واللى يغيب اخواتو فى الطابور يساله عليه عشان عيب يسبوه

6- تشجيع الشباب على ان دايما يبقى قدمهم هدف زى ما هو الحال فى طابور العيش وهدفهم

ازاى ياخدوا بجنيه عيش ليس اكتر عشان تعليمات الوزاره

7- انهم يخلوا الطلاب يقلوا من غيابتهم لان طبعا اللى هيغيب عن المدرسه

اهلو فى البيت هيقولوله "انزل بقى انت النهاردا هات العيش طالم مروحتش المدرسه"

8- وطبعا فى سبب ايمانى وهو اننا منبطرش على النعمه لاحسن تزول من وشنا

والرضا بجنيه العيش والرضا بشكل وطعم العيش ومفيش حاجه اسمها

ممكن تغيرلى الرغيف دا

9-التعاون بين جميع الحضور على كيفيه الوصل لهدفهم وازاى ناخد العيش

وتطبيق روح الجماعه فى العمل عشان نبقى شعب متعاون ومتقدم

10-وازاى كمان نعمل دايت ورجيم ونخس عشان نساعد الناس اللى بتحب

المحافظه على اجسامهم ودا طبعا عن طريق التعرض لاشعه الشمس

وعن طريق رياضة الدفع عشان كل واحد ياخد دوره ومحدش يضحك على التانى

وعشان كدا لازم نعرف ان الحكومه بتعمل كل حاجه لمصلحتنا

وبتسهر واحنا ننام عشان تريحنا وتشوف طلبتنا

"الجمله الاخير دى مكتوبه غصب عنى"