حال الدنيا

ولاننا مش عايزن حد يفهم حاجه جايبن صوره ملهاش دعوه بالموضوع
بس بردو تودى فى داهيه

ونقول ونعيد في حال الدنيا
بس يا تري هنعرف نعدل حالها
انا نفسي مش عارفه بس هقول علي حالها وخلاص


ونقول ومن اول السطر الدنيا دي احوال
ههههههههه متخفوش مش هغني عليكو ولا هشتغلكو بس نبص بصه علي حال الدنيا

الي طبعا نص الي هيشوف الموضوع ده ميعرفوش حاجه عن الحال ده

الساعه دلوقتي 6 الصبح بدري صح بس تعرفو كام واحد و وحده صحين دلوقتي مخصوص عشان يعرفو يلحقو يجبو عيش
مش هعدهم بس انا شفت بعيني محدش قالي اكتر حاجه في بلدنا ديه فيها حرب هي حرب رغيف العيش
الحكومه طبعا ربنا يخليها لينا موفره كله حاجه لينا حتي صعب عليها الناس وقالت هبعت العيش في عربيات دلفيري ياعيني
بس يا حرام بقي الشعب وحش خالص حالف الدلفيري ما يدخلش البيت
اصل الشعب بيحب الزحمه يلا بقي حرب رغيف العيش دي سهله ابقو اعملو رز او مكرونه مش هتفرق
ندخل علي اللى بعدو
ياااااااا حد فيكو نزل وسط البلد قريب اي بلد بقي في اي محافظه مش هتفرق كتير بس خلينا محافظتي انا
وخصوصا محطه مصر اسكندريه يااااااااااااااا الدنيا فله والناس لقيه موصلات ومفيش زحمه اصلا
ههههههههههههههههههه محدش يصدقني دي الاجره موحده بتدفع جنيه ونص عشان نفسك يكتم وكل ده عشان عمو الكمسري عاوز يخلص كشف التذاكر الي معاه وده طبعا جوا الاتوبيس ننزل بقي للمشاريع السواق واخد كوبايه الشاي والسيجاره طبعا الي هي مش فاضيه وعارفين اكيد مليانه ايه ومشغلك العنب ولا شفقيه ومش شايف الكبوت من شنطه العربيه وادينا ماشين بالبركه وطول منته ع الطريق بتدعي العربيه مش تتقلب بيك ولا تدخل في اي شجره
ونقول تعدت الاسباب والموت واحد يعني السواق مش غلطان انت الي ركبت من الاول
كنت اخدتها مشي ده حتي المشي رياضه

ونجي بقي ل عملاق شحن البشر القطارت
وطبعا مش قصدي المكيف منها
انا قصدي الي الشعب بيركبو الي هو سليم ده ومفهوش حاجه مكسوره عارفينو طبعا
الي تركب فيه من كتير التكيف تبرد
سوري قلت تكيف معلشي قصدي الازاز المكسر والابواب المكسره والكراسي الي مينفعش تقعد عليها
تقعد ليه دي حته القاعده متعبه خليك واقف احلي اهو حاجه صحيه بدل الي هيحصلك من الزحمه مش هتجي ع الوقفه
طول اليوم عمو الكمسري عمال يلف ورق ورق تذاكر يا انسه تذاكر يا استاذ وتلاقي 10 15 20واحد راكيبن من غير تذاكر بس طبعا
هما مش راكيبن عشان يروحو بتهم
دول يا اما ركيبن ينصبو علينا يا اما جاين يسرقو الشنطه او الموبيل والله بتحصل وشفتها بعيني كتير
اكيد صادف مره وشفت الاخ الي بيجي في القطار ومعاه كارتونه كده
ضهرك يا كابتن ضهرك يا انسه سكه يا حجه ويتأمر مع انو مش قاطع تذاكره
اي حاجه بجنيه اي حاجه بجنيه ويفضل يرمي علي رجليك حاجات عجبيه
خاليك شاطر بقي واشتري دي مساعده للغلبان
اكيد غريب عليكم ده بس الدنيا فيها كتير وده حال من حالها
واشفكم تاني بقي مع حال جديد من احوال الدنيا
بس احب اشوف رايكم ع الاحوال ديه

7 التعليقات:

غير معرف يقول...

بجد موضوع جامد وطريقه كتابه الموضوع لذيذه موت وفكرا جديده وغريبه وفيها طريقه سخريه عاليه وبجد ميرسى يا عمورتى وميرسى لكل اللى تعبوا فى الموضوع بس يعنى ايه مواضيع شيمو انا مش فاهمه يعنى ايه
نانسى

نادر يقول...

لابجد مجهود تشكروا عيله وتعب وفعلا مدونه مختلفه كتير عن المدونات التانيه بس ليا اقتراح ليه ما تعملولش كل اسبوع موضوع يوم الجمعه وتكتبو فيه ودا اكيد هيساعدنا بس واضح انكم فريق متميز جدا فى الكتابه وانا بجد معجب بطريقتك يا عمرو انت وكل اللى معاك فى المدونه بس ارجوك يعنى ايه معنى مواضيع شيمو

نادر

سلمة يقول...

انا بجد معجبه بيك يا عموره عشان اختيارك انت واللى معاك فى المدونه المواضيع وبجد طريقتكم جامده وفى الجون وبتجيبوا الحل بطريقه لذيذه بس يا رب تفضلاوا كدا على طول وبجد عاجبنى اوى انك صريح اوى مع نفسك وبتحب اصحابك اوى كدا وبجد انا مش اعرفك بس حاسه انك حد كويس
وربنا يوفقك يا رب فى حياتك

amirelhob يقول...

حقيقى مش عارف اشكركم ازاى على التعليقات اللى اكتر من رائعه دى وميرسى ليكم على الكلام الحلو الكتير عليا دا واللى بجد بيخلينى اكمل مشوارى معاكم هنا
بس عشان مظلمش حد الموضوع دا مش من كتابتى هو كتابه بنوته زى القمر اسمها شيمو وعشان كدا اسم النموذج دا مواضيع شيمو هى هيبقى ليها على الاقل معانا كل اسبوعين موضوع وعشان كدا انا فرحان بردود افعالكم الجميله وحاسس انى لقيت بجد ناس تقف جنبى عكس ناس كتير بتدور على اى حاجه تعمل بيها مشكله عشان تبعد ومن قلبى بجد بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

lostlove يقول...

والله انته الي حد زي العسل يا عمور وميرسي يا جماعه علي كلمكو الجميل ده ويا عمور انا وانته واحد والموضع انا كتبه او انته كتبوه مش هتفرق كتير ويارررررررررب اشوفها احلي مدونه يارب

غرام عمرى مهحب حد تانى يقول...

عمور بجد موضوع جامد مع انى فى عز حزنى بس ضحكتنى بجد وياريت تكبر وتكبر وتبقى اشهر واحد فى الدنيا

amirelhob يقول...

عسل ايه بس دا انتى كلتى منى الجو واتنا عايز اقولكم انى غلطتك لما قولت ليكم موضوع كل اسبوعين انا قصدى موضوعين كل اسبوع وبجد انا سعيد انها معايا فى المدونه وبدات تاكل منى الجو ودا ميزعلنيش لانها زى ما قالت لكم احنا الاتنين واحد ودا اللى يسعدنى وربنا يوفقك يا قمر بجد بتمنللك كل خير وسعاده وصحه وتوفيق وفرح وابتسامه تدوم يا رب طول العمر